Levitikus 14:21 - Bible Ni Thothup

²¹ Fa’anra ba gafgow facha’ ndabiyag puluwon e pin’em rok, ma nge fek i yib ta’reb e fak e saf ni pumo’on ni maligach nib mthang malfith nge pi’ ngak SOMOL nib tow’ath nib me’leag. Me fek e flour i yib ni kemus nri l’agruw e pawn ni kan athkuy e gapgep ngay ni fan ko maligach ni grain nge baley e pint e gapgep ni olive.

Levitikus 14:21 Σταυροειδείς Αναφορές

BABYOR NI JOB 34:19

Der ma mang ko pi’in tagagiyeg ma der ma fol ko pi’in fel’ rogon me pag e gafgow, ya ir e sunmiy gubin e girdi’.

Proverbs 17:5

Fa’anra um dariyfannag e girdi’ ni gafgow, ma ga be darifannag Got ni ir e sunmiyrad. Yira gechig nagem ni fa’anra i felfelan’um ko gafgow nike aw ngak be’.

Proverbs 22:2

Dariy ban’en nib thil u thilin e pi’in pire’ ban’en rorad nge pi’in dariy ban’en rorad, ya yad gubin ni SOMOL e sunumiyrad.

Ezekiel 46:7

Fare garbaw ni pumo’on nge reb e saf ni pumo’on ma ngan chagiy rliw’ e pawn e grain ngay ngan pi’ ni maligach, ma ra reb fapi fak e saf ma nge chagiy ngay demturug e n’en ni ba’adag ni nge pi’ ni maligach. Dalip e quart e gapgep ni olive ngan dachuguy rliw’ e pawn e grain ngay ngan pi’ ni maligach.

Levitikus 1:14

Fa’anra nge pi’ facha’ ngak SOMOL ba arche’ ni mo’oruf, ma thangri mel’eg reb e dove ara reb e arche’ ni blogol nge pi’.

Levitikus 12:8

Fa’anra fare pin e dabyag ni pi’ puluwon reb e fak e saf, ma thangri fek i yib l’agruw i bulogol ara l’agruw e dove, ni reb riy e fen e maligach ni mo’oruf ma reb e maligach ko denen, ma fare prist e nge bangbengnag rogon ni nge arow fare pin, ma aram e ke be’ech.

Levitikus 14:10

Ma rofen ni meruk fen ngay e nge fek dalip i fak e saf ni l’agruw e pumo’on ma ta’reb e bpin ni ta’reb e duw rorad, ma dariy bochiyang u dowrad nib kireb, nge lal e pawn e flour ni kan athkuy e gapgep ni olive ngay, nge nap’an balay e pint e gapgep ni olive.

Levitikus 14:22

Nge l’agruw i arche’ ni dove ara l’agruw e blogol, reb e ba maligach ni fan ko denen, ma reb e ba maligach ni mo’oruf.

Levitikus 27:8

Fa’anra mow bigimed ma ba gafgow ni nge pi’ ni bod rogon puluwon ni kan duwgiliy, ma ngan fek facha’ i yan ko prist, ma fare prist e nge duwgiliy reb e puluwon ni sobut’, nrogon nrayag ni pi’ facha’ ni mow.

Levitikus 5:11

Fa’anra dabiyag puluwon l’agruw arche’ ni dove ara l’agruw e bulogol rok be’, ma thangri fek i yib l’agruw e pawn e flour ni ngan ognag ni fan ko denen rok. Dabi tay e gapgep ni olive ara incense ngay, ya ba maligach ni fan ko denen, ma gathi bmaligach ni grain.

Levitikus 5:7

Machane fa’anra dabiyag puluwon ba saf ara ba kaming rok, ma thangri fek l’agruw e arche’ ni dove ara l’agruw i bulogol i yib ngak SOMOL ni puluwon e denen rok. Reb e nge mang maligach ko denen ma reb e nge mang maligach ni mo’oruf.

Luke 6:20

Me sap Jesus ngak pi gachalpen me ga’ar ngorad: “Ngam felan’gad e pi’in gimed ba gafgow, ya gin nsuwon Got e tafenmed!

2 Korinth 8:12

Ya fa’anra ba pasigan’med ngay ni ngam pi’ed ban’en, mra fek Got e tin ni kam pi’ed nib tow’ath nrogon e tin nrayag ni ngam pi’ed, ma gathi tin ndariy romed.

2 Korinth 8:9

Ya gimed manang rogon ni runguydad e Somol rodad i Jesus Kristus ni ba’aray rogon: aram rogon feni fla’ab, me pag ir nge gafgow ni fan ngomed, ni fan e nge yagnag e fla’ab ngomed u daken e gafgow nike tay.

1 Samuel 2:8

Ir e ma pug e pi’in gafgow u fithik’ e fiyath ngalang ma chibiy e pi’in nib t’uf e ayuw rorad ngalang nge chuwegrad u fithik’ e gafgow rorad. Ma gagiyeg nagrad ngar manged pi tafager rok pifak e pilung, me tayrad ko yungi n’en nra un tay farad riy. Pi def ko fayleng e ba mil suwon ngak SOMOL; nu daken e ayliy e fayleng ngay.