Biblia Todo Logo
Διαδικτυακή Βίβλος

- Διαφημίσεις -




Levitikus 14:13 - Bible Ni Thothup

13 Thingari li’ fare fak e saf u lan fare gin’en nib thothup ni yima li’ nge yim’ e gamanman riy ni maligach ni fan ko denen nge maligach ni mo’oruf. Thangri rin’ ni aray rogon ni bochan e fare maligach ni mthang malfith, ni bod fare maligach ni fan ko denen, e go’ bmilfan ngak fare prist, ma rib tabgul.

Δείτε το κεφάλαιο αντίγραφο




Levitikus 14:13
13 Σταυροειδείς Αναφορές  

Mag li’ nge yim’ fare garbaw ni pumo’on, u rom u p’eowcheg ni arame gin gubay riy nib thothup, u langan e mab ko fare Tent.


Me ga’ar fare mo’on ngog, “L’agruw e gal naun ney nib tabgul. Mu langgin e gal naun ney e fapi prist ni yad ma yib nga p’eowchen SOMOL e yad ra kay fapi maligach nib tabgul riy. Ni bochan e ba tabgul fapi senggil, fapi prist e yad ra tay e tin th’abi tabgul e maligach u rom: maligach ni grain, nge maligach ni fan ko denen nge maligach ni mathang malfith.


Ma thangri li’ nge yim’ fare gamanman u ba’ ni lel’och ko fare altar, ma fapi prist e ngar paged e racha’ riy ko fa aningeg i tabthung ko fare altar.


Me li’ facha’ fare garbaw ni pumo’on u rom, me pi’ fapi prist ni pifak Aron e racha’ riy ngak SOMOL ni aram e yad be pag nga aningeg raba’ fare altar u langan e mab ko fare Tent.


“Mangfan ndam kew u bang nib tabgul fare maligach ni fan ko denen? Rib tabgul, ma ke pi SOMOL ngomew ni ngam pi’ew e bayul ni fan ko denen rok piyu Israel ni ga’ngin.


Ma tin ke aw riy e nge par rok fapi prist; pi ggan ney e rib tabgul ya kanfek ko fare ggan nni pi’ ngak SOMOL.


Ma tin ke magey ko fapi grain e nge par rok fapi prist; pi ggan ney e rib tabgul ya kanfek ko fare ggan nni pi’ ngak SOMOL.


Be’ nib mo’on ni aray rogon e rayag ni kay fare ggan ni kan pi’ ngog, ni fa bin kan ognag nib thothup nge fa bin kan ognag nib th’abi thothup,


Me tay rifrifen pa’ nga daken lolgen fare kaming, min li’ nge yim’, u ba’ ni lel’och fare altar, ko gin yima li’ nge yim’ e gamanman ni maligach ni mo’oruf riy. Ren’ey e bmaligach ni nge chuweg e denen.


Thangri fek i yib fare garbaw nga langan e mab ko fare Tent, me tay pa’ nga daken lolgen, min li’ nge yim’ u p’eowchen SOMOL.


Gin ni yima li’ nge yim’ e gamanman ni maligach ni mo’oruf riy e ku aram e gin ku yira li’ nge yim’ fare gamanman ni maligach ko mthang malfith riy u ba’ ni lel’och fare altar. Ma racha’ riy e ngan pag nga downgin fa aningeg i tabthung ko fare altar.


Ακολουθησε μας:

Διαφημίσεις


Διαφημίσεις