Levitikus 14:12 - Bible Ni Thothup

¹² Me fek fare prist reb ko fapi fak e saf nge uneg baley e pint ko fare gapgep ni olive ngay nge pi’ nib maligach ni mthang malfith. Thingari pi’ e pin’ey ngak SOMOL nib tow’ath nib mal’eag.

Levitikus 14:12 Σταυροειδείς Αναφορές

Exodus 29:22

“Mag th’ab ngam luf e mam ko fare saf ni pumo’on, nge pachan nib mam, nge mam nib ing gathogthon, nge gin th’abi fel’ ko ad riy, nge fa gali bu’oy rok nib mu’un e mam riy ngay, nge ba’ ni mat’aw i daken ay.

Exodus 29:24

Mag tay gubin e pi ggan ney ngalan pa’ Aron nge pifak ni pumo’on, miyad ognag ngog, ni aram ba tow’ath nib mal’eag.

Exodus 29:26

“Mag fek e ufin u daken ngorngoren e re saf ney ngam ognag ngog nib tow’ath nib mal’eag. Ma giney ko fare gamanman e nge par rom.

Isaiah 53:10

Be ga’ar SOMOL, “I gag e gu turguy ni nge gafgow; yam’ ni tay e ba maligach ni fan e nggu n’ag fan e denen ko girdi’. Ere bayi guy e pi’in owchen; bayi par nib n’uw nap’an, ma tin kem’ay i leamnag rog e bayi yan i aw nga rogon u daken.

Levitikus 14:10

Ma rofen ni meruk fen ngay e nge fek dalip i fak e saf ni l’agruw e pumo’on ma ta’reb e bpin ni ta’reb e duw rorad, ma dariy bochiyang u dowrad nib kireb, nge lal e pawn e flour ni kan athkuy e gapgep ni olive ngay, nge nap’an balay e pint e gapgep ni olive.

Levitikus 14:11

Me fek fare prist facha’ nge pi maligach nem nga langan e mab ko fare Tent u p’eowchen SOMOL.

Levitikus 14:19

Ma aram e fare prist e thingari pi’ e maligach ni fan ko denen me bangbengnag be’ ni nge be’ech. Ma tomuren e nge li’ nge yim’ fare gamanman ni maligach ni mo’oruf

Levitikus 5:15

Fa’anra denen be’ ni gathi leam rok nde yag nni pi’ puluwon e tin nib thothup ngak SOMOL, ma thangri fek ba maligach nib mathang malfith i yib ngak SOMOL ni aram e ba saf ni pumo’on ara ba kaming ni dariy bochyang u downgin nib kireb. Ni rogon puluwon ni kan turguy ni ngan pi’.