Levitikus 14:10 - Bible Ni Thothup

¹⁰ Ma rofen ni meruk fen ngay e nge fek dalip i fak e saf ni l’agruw e pumo’on ma ta’reb e bpin ni ta’reb e duw rorad, ma dariy bochiyang u dowrad nib kireb, nge lal e pawn e flour ni kan athkuy e gapgep ni olive ngay, nge nap’an balay e pint e gapgep ni olive.

Levitikus 14:10 Σταυροειδείς Αναφορές

Exodus 29:40

Bin som’on ko gali fak e saf ni ngan pi’ ni maligach e yira chagiy l’agruw e pawn e flour ni wheat ni kan athkuy ta’reb e quart e gapgep ni olive ngay. Ma ga pu’og ta’reb e quart e wayin nga but’ ni aram e kan ognag ngog.

Levitikus 1:10

Fa’anra nge pi’ facha’ reb e saf fa reb e kaming rok, ma dabisiy nib gamanman ni pumo’on ndariy bang u downgin nib kireb.

Levitikus 1:3

Fa’anra reb e garbaw rok e nge pi’ ni fare maligach ni mo’oruf, ma thangri fek i yib ba garbaw ni pumo’on ndariy bochyang u downgin nib kireb. Thangri pi’ ni maligach u langan e mab ko fare Tent u p’eowchen SOMOL, ya nge yag ni fel’ fa’anem u wan’ SOMOL.

Levitikus 14:11

Me fek fare prist facha’ nge pi maligach nem nga langan e mab ko fare Tent u p’eowchen SOMOL.

Levitikus 14:12

Me fek fare prist reb ko fapi fak e saf nge uneg baley e pint ko fare gapgep ni olive ngay nge pi’ nib maligach ni mthang malfith. Thingari pi’ e pin’ey ngak SOMOL nib tow’ath nib mal’eag.

Levitikus 14:15

Me fek fare prist boch ko fare gapgep ni olive nge pu’og nga ba’ ni gilay’ i lan pa’,

Levitikus 14:21

Fa’anra ba gafgow facha’ ndabiyag puluwon e pin’em rok, ma nge fek i yib ta’reb e fak e saf ni pumo’on ni maligach nib mthang malfith nge pi’ ngak SOMOL nib tow’ath nib me’leag. Me fek e flour i yib ni kemus nri l’agruw e pawn ni kan athkuy e gapgep ngay ni fan ko maligach ni grain nge baley e pint e gapgep ni olive.

Levitikus 2:1

Ra nge pi’ bigimed ba maligach ni grain ngak SOMOL, ma sam’on e thangri bilig nge yib ni flour. Me tay e gapgep ni olive nge incense nga daken

Levitikus 2:11

Dariy e grain ni ngan pi’ ngak SOMOL ni ngan ngongliy ko is; ma thingar dab mu fanayed e is ara honey nga ggan ni ngan ognag ngak SOMOL.

Levitikus 2:13

Mu ted e sol nga daken urngin e grain ni ngan ognag, ya sol e be gagyelnag fare m’ag u thilmed nge Got. (Thingar um ted e sol nga daken gubin e pin’en ni ngu’um og niged.)

Levitikus 23:13

Mi gimed chagiy aningeg e pawn e flour ngay ni kan athkuy e gapgep ko olive ngay nge mang ggan ni maligach. Bon e re maligach ney e ba m’aguwan’ SOMOL. Ma ngkum uneged reb e quart e wayin ngay ngam pi’ed ni maligach.

Levitikus 4:32

Fa’anra fek be’ ba saf i yib nib maligach ni fan ko denen, ma ba saf ni bpin ndariy bochyang u downgin nib kireb.

Levitikus 9:1

Tomuren e rofen ni lebug fare mathiy ni bangbangen fapi prist ni yibe yiblayrad me pining Moses Aron nge fapi pumo’on ni fak nge pi’in ma yog e thin nu Israel.

Numbers 28:20

Min pi’ ba maligach ni grain ni tin th’abi fel’ e flour ni kan athkuy e gapgep ni olive ngay: n’el e pawn riy nga reb fa gali garbaw ni pumo’on, aningeg e pawn riy ko fare saf ni pumo’on,

Numbers 6:14

ngam pi’ ngak SOMOL dalip i gamanman ndariy bochiyang u downgirad nib kireb: ba pifak e saf nib pumo’on nta’reb e duw yangren ni nge mang maligach ni mo’oruf, nge ba fak e saf ni bpin ni ku ta’reb e duw yangren ni nge mang ba maligach ni fan ko denen, nge ba saf ni pumo’on ni nge mang maligach nma gapaseg thilin Got nge girdi’.

Matthew 8:4

Ma aram me ga’ar Jesus ngak, “Dabmog murung’agen e n’en ni kug rin’ ngom ku be’, machane mman ndab mu tal u bang ngam man mu taw ngak e prist nge guy ko kabay e daraw rom fa dakuriy, ma ga pi’ fare maligach ni fa’ani yog Moses, ni ir e nge mang mich rom ngak urngin e girdi’ ndakuriy e daraw rom e chiney.”

Luke 5:14

Me tay Jesus chiylen ngak ni ga’ar, “Dabmog murung’agen e n’en ni kug rin’ ngom ku be’, machane mman ndab mu tal u bang ngam man mu taw ngak e prist nge guy ko kabay e daraw rom fa dakuriy; me ere mpi’ fare maligach ni bod rogon ni yog Moses, ni ir e nge mang mich ngak urngin e girdi’ ndakuriy e daraw rom e chiney.”

John 1:29

Me reb e rran riy me guy John Jesus ni be yib i yib ngak me ga’ar John, “Ba’aram fare Fak e Saf rok Got ni ir e nge chuweg e denen rok e girdi’ nu fayleng!

John 6:33

Ya ggan nike pi’ Got e fa’anem nike yib u tharmiy nga but’ ni nge pi’ e yafos ngak e girdi’ nu fayleng.”

John 6:51

I gag fare ggan nma pi’ e yafos, ni ir e yib u tharmiy nga but’. Fa’anra kay be’ e re ggan ney mra par nib fos ndariy n’umngin nap’an. Ma re ggan ni bay gu pi’ ngak e ufin u dowag, ni ir e bay gu pi’ ni bochan e nge yag ni fos e girdi’ nu fayleng.”

1 Peter 1:19

racha’en Kristus ni map’ ni ba ga’ fan e ir e ke pithigmed u pangimed nib m’ayfan, ni pi’ ir ni bod ba pifak e saf ndariy bang u dow nib kireb ara ba alit.