Levitikus 12:8 - Bible Ni Thothup

⁸ Fa’anra fare pin e dabyag ni pi’ puluwon reb e fak e saf, ma thangri fek i yib l’agruw i bulogol ara l’agruw e dove, ni reb riy e fen e maligach ni mo’oruf ma reb e maligach ko denen, ma fare prist e nge bangbengnag rogon ni nge arow fare pin, ma aram e ke be’ech.

Levitikus 12:8 Σταυροειδείς Αναφορές

Levitikus 1:14

Fa’anra nge pi’ facha’ ngak SOMOL ba arche’ ni mo’oruf, ma thangri mel’eg reb e dove ara reb e arche’ ni blogol nge pi’.

Levitikus 12:7

Ma fare prist e nge pi’ e maligach rok fare pin ngak SOMOL ma nge bangbengnag rogon fare pin ni nge arow, ma aram e ke be’ech. Irera’ e n’en thangri rin’ be’ ni bpin u tomuren nike garagel.

Levitikus 13:1

I SOMOL e pi’ ngak Moses nge Aron e pi gafal ni ba’aray.

Levitikus 14:21

Fa’anra ba gafgow facha’ ndabiyag puluwon e pin’em rok, ma nge fek i yib ta’reb e fak e saf ni pumo’on ni maligach nib mthang malfith nge pi’ ngak SOMOL nib tow’ath nib me’leag. Me fek e flour i yib ni kemus nri l’agruw e pawn ni kan athkuy e gapgep ngay ni fan ko maligach ni grain nge baley e pint e gapgep ni olive.

Levitikus 14:22

Nge l’agruw i arche’ ni dove ara l’agruw e blogol, reb e ba maligach ni fan ko denen, ma reb e ba maligach ni mo’oruf.

Levitikus 15:14

Ma re rran nra gaman e meruk fen ngay e nge fek l’agruw e arche’ ni dove ara l’agruw e blogol nga langan fare Tent u p’eowchen SOMOL ni nge pi’ ngak fare prist.

Levitikus 15:15

Me pi’ fare prist reb fa gali arche’ nib maligach ni fan ko denen, ma reb e nge pi’ nib maligach ni mo’oruf. Aray rogon ni nge bangbengnag fare prist rogon fa’anem ni nge be’ech.

Levitikus 15:29

Ma rofen nra gaman e meruk fen ngay e ra fek l’agruw i arche’ ni dove ara l’agruw i blogol i yan ngak fare prist nga langan e mab ko fare Tent u p’eowchen SOMOL.

Levitikus 4:26

Me urfiy urngin e mam riy u daken fare altar, ni bod ni urfiy e mam ko fa tin ka’an pi’ e gamanman nni li’ ni fen e maligach nma gapaseg thilin Got nge girdi’. Aray rogon konowa’en ni nge pi’ fare prist e maligach ni bayul ko denen rok facha’, ma aram e yira n’ag fan rok.

Levitikus 5:11

Fa’anra dabiyag puluwon l’agruw arche’ ni dove ara l’agruw e bulogol rok be’, ma thangri fek i yib l’agruw e pawn e flour ni ngan ognag ni fan ko denen rok. Dabi tay e gapgep ni olive ara incense ngay, ya ba maligach ni fan ko denen, ma gathi bmaligach ni grain.

Levitikus 5:7

Machane fa’anra dabiyag puluwon ba saf ara ba kaming rok, ma thangri fek l’agruw e arche’ ni dove ara l’agruw i bulogol i yib ngak SOMOL ni puluwon e denen rok. Reb e nge mang maligach ko denen ma reb e nge mang maligach ni mo’oruf.

Matthew 21:12

Me yan Jesus ngalan e Tempel me tuluf urngin e pi’in yad be chuway’ ban’en nge pi’in yad be folchuway’ nga ban’en u lan e Tempel; me thikiy e tebel ko girdi’ ni be thiliyeg e salpiy, nge chiya rok e pi’in yad be chuway’ ko bulogol,

2 Korinth 8:9

Ya gimed manang rogon ni runguydad e Somol rodad i Jesus Kristus ni ba’aray rogon: aram rogon feni fla’ab, me pag ir nge gafgow ni fan ngomed, ni fan e nge yagnag e fla’ab ngomed u daken e gafgow nike tay.