Levitikus 12:6 - Bible Ni Thothup

⁶ Ma nap’an nra gaman nap’an ni arme ke arow fare pin, ni demturug ko ba pagel fak fa bpin, ma thingri fek ba fak e saf ni ta’reb e duw rok i yan ko prist nga langan e garog ko fare Tent u p’eowchen SOMOL ni ngan fanay ko maligach ni mo’oruf nge reb e bulogol ara ba dove ni maligach ko denen.

Levitikus 12:6 Σταυροειδείς Αναφορές

Genesis 15:9

Me fulweg ni ga’ar, “Mu fek i yib ngog ba garbaw ni bpin ni dalip e duw yangren, nge ba kaming ni dalip e duw yangren, nge ba saf ni pumo’on ni dalip e duw yangren, nge ba arche’ ni dove, nge ba bulogol.”

Levitikus 12:2

ni fan ngak e girdi’ nu Israel. Tomuren medlip e rran nike gargaleg be’ ni bpin bochi pagel, ma be par nib ta’ay, ni ku aram rogon nra par nib ta’ay u nap’an nib pal u yu pul.

Levitikus 12:5

Ma ragag nge aningeg e rran nra par be’ ni bpin nib ta’ay u nap’an nike gagaleg fak ni bochi pin, ni ku aram rogon nra par nib ta’ay u nap’an nib pal u yu pul. Ma aram e ngki par fare pin ni nel’ i ragag nge nel’ e rran fini arow u racha’en ni i yan.

Levitikus 12:7

Ma fare prist e nge pi’ e maligach rok fare pin ngak SOMOL ma nge bangbengnag rogon fare pin ni nge arow, ma aram e ke be’ech. Irera’ e n’en thangri rin’ be’ ni bpin u tomuren nike garagel.

Levitikus 14:22

Nge l’agruw i arche’ ni dove ara l’agruw e blogol, reb e ba maligach ni fan ko denen, ma reb e ba maligach ni mo’oruf.

Levitikus 15:14

Ma re rran nra gaman e meruk fen ngay e nge fek l’agruw e arche’ ni dove ara l’agruw e blogol nga langan fare Tent u p’eowchen SOMOL ni nge pi’ ngak fare prist.

Levitikus 15:29

Ma rofen nra gaman e meruk fen ngay e ra fek l’agruw i arche’ ni dove ara l’agruw i blogol i yan ngak fare prist nga langan e mab ko fare Tent u p’eowchen SOMOL.

Numbers 6:10

Ma rofen ni gaman e meruk fen ngay e ga ra fek l’agruw i arche’ ni dove nge l’agruw i bulogol i yib ngak fare prist ni bay u langan e mab ko fare Tent u p’eowchen SOMOL.

Luke 2:22

Fa’ani taw nga nap’an ni aram e nge ngongliy Josef nge Maria e tin keyog e Motochiyel rok Moses ni ngu’un rin’ mi ni bangbengnag Maria ni aram e ke arow ni yalen ni yima rin’. Ma aram miyow fek fare tin i yan nga Jerusalem ni aram e kan fek i yib nga p’eowchen Somol.

John 1:29

Me reb e rran riy me guy John Jesus ni be yib i yib ngak me ga’ar John, “Ba’aram fare Fak e Saf rok Got ni ir e nge chuweg e denen rok e girdi’ nu fayleng!

2 Korinth 5:21

Kristus e dariy e denen ni ngongliy, machane me fek Got e denen rodad nge tay nga daken, ni fan e ngad ta’ab girdi’gad ngak nge yag nda mat’awgad ni bod rogon Got.

Hebrews 7:26

Ere Jesus e ir fare Prist ni Th’abi Ga’ ni ir e rayag ni nge ayuwegdad u urngin ban’en! Ya ir e ba thothup; ni dariy thibngin ma dariy e denen rok; ke fal Got ngabang ni gathi ir reb e pi tadenen ma ke tay ni ir e th’abi tolang u tharmiy.