Levitikus 12:3 - Bible Ni Thothup

³ Ma re rran ni gaman e meruk fen ngay, ma fare tir e thingar ni maad’adnag ni bod ni yog e motochiyel rok Moses.

Levitikus 12:3 Σταυροειδείς Αναφορές

Exodus 22:30

Miki gimed pi’ ngog e tin ba pumo’on ma ba nganni’ u pifak e garbaw nge saf romed. Mu paged e bin nganni’ ni pumo’on nge par ko chitiningin ni medlip e rran, ma rofen nra gaman e meruk e rran ngay mi gimed pi’ ngog ni maligach.

Levitikus 12:4

Ma aram e ngki par fare pin ni guyey nge dalip e rran mfini arow u racha’en ni i yan; thangri dabi math nga ban’en nib tabgul ara yan nga langgin fare Tent nib thothup nge taw nga nap’an ni ka ni aroweg.

Levitikus 15:3

ndemturug ko ka be yib logwen dow fa ke tal.

Luke 1:59

Ma gonap’an e nga reb e wik yangren fare tir marbad ya nga ni maad’ad ngak fare tir; ma kar fineyed ni ngar tunguyed ngachalen e chitamngin ngak ni Zakariah.

Luke 2:21

Me reb e wik nga tomuren, ni aram e ngiyal’ ni ngan maad’adnag fachi tin min tunguy fithingan ni Jesus, ni aram fare ngachal ni tunguy fare engel ngak u m’on ko ngiyal’ ndawor ni parnag riy.

Acts 15:1

Me yib boch e pumo’on u Judea nga Antiok miyad tabab i machibnag ngak e pi’in girdi’en Kristus ni be lungurad, “Fa’anra dab ni maad’ad nagmed ni bod rogon nike yog e Motochiyel rok Moses ma dabiyag ni ngam thapgad ngak Got.”

Roma 3:19

Kad nanged e chiney ni urngin ban’en ni bay ko re Motochiyel nem e fan ngak e pi’in yad be par u tan e re Motochiyel nem, ni fan e ngan taleg urngin e tawey rok e girdi’ nge yag nni fek urngin e girdi’ nu fayleng nga tan e pufthin rok Got.

Galatia 3:17

Ba’aray e ren’en ni gu be yip’ fan, i Got e ngongliy ba m’ag u thilin e girdi’ nge ir me ga’ar e bayi par ni bod rogon nike yog. Ma fare Motochiyel ni fini pi’ Got ni aningeg mir’ay nge guyey e duw nga tomuren e re m’ag ney, e dabiyag ni nge th’ab e re m’ag nem me thang e tin nike ognag Got ni bayi pi’.

Galatia 5:3

Gub adag ni nggu ta’chiylen e re bugithin ney ngomed, ni aram e ngkug sul ngay bayay nggu weliy ngak e en nra pag ir ngan maad’ad ngak ni nge lungug: thangri fol ko re Motochiyel nem ni polo’.

Deuteronomy 30:6

SOMOL ni Got romed e bay i gagiyegnag lanin’med nge laniyan’ e pi’in ni owchemed ngu’um folgad, ya ngu’um pired ni kari t’uf SOMOL romed u polo’ i gum’ircha’med ngu polo’ i lanin’med nge n’uw nap’med ni mu pired.

Filippi 3:5

Ya gag e ni maad’ad ngog nnap’an e ta’reb e wik yangreg. Ni gargel nigeg ni gu be’ u Israel, ni gu be’ ko fare ganong rok Benjamin, nri gub racha’ nu Hebrew nde ma’athuk reb e racha’ nga racha’eg. Ma fa’anra murung’agen rogon ni yima ayuweg e Motochiyel rok yu Israel, me ere gag e ug moy ni gag reb e Farise,

Kolose 2:11

Taab girdi’ ni mu ted Kristus e aram e kan maad’ad ngomed, ni gathi maad’ad nma tay e girdi’ ngak e girdi’, machane rogon e maad’ad nma tay Kristus ngak e girdi’, ni aram e ke lufdad u gelngin e re dowef rodad ney nib tadenen.