Levitikus 11:47 - Bible Ni Thothup

⁴⁷ Thingar mu sas’alukgad i ki’eg e tin nib tabgul ko tin nib ta’ay, nge tin e gamanman ni yira kay nge tin ndab ni kay.

Levitikus 11:47 Σταυροειδείς Αναφορές

Genesis 7:2

Ra bmit e gamanman ni kug duwgiliy ni ngu’un pi’ ni maligach ni aram e gamanman nrayag ni ngan longuy, ma medlip e pumo’on nge medlip e ppin e ngam fek ni nge un ngom, ma gamanman ni kug duwgiliy ndab un pi’ ni maligach e kemus ni ta’reb e pumo’on nge ta’reb e bpin e ngam fek nge un ngom.

Ezekiel 22:26

Pi prist e kar th’abed e motochiyel rog ma dakrir tedfan e n’en nib thothup. Ma dakrir gagyel niged e thil ko tin nib thothup nge tin nde thothup. Ma dakrir machib niged e thil ko tin nde ta’ay nge tin nib ta’ay. Kar feked yathin e Sabbath. Ke yan i aw ni girdi’ nu Israel e dakrir liyorgad ngog.

Ezekiel 44:23

“Prist e nge fil ko girdi’ e thil u thilin ban’en nib thothup nge ban’en ni de thothup, nge n’en nib machalbog nge n’en nde machalbog.

Daniel 1:8

Me duwgiliy Daniel u wan’ ndabi kay e ggan ma dabi unum e wayin ni yibe pi’ ngorad u tafen e en ni pilung, ya ra rin’ mra par ndaki machalbog nrogon ko yalen rorad yu Judah. Me wenig Daniel ngak Ashpenaz ni nge ayuweg,

Levitikus 10:10

Thingar mu ki’eged e tin fen Got ban’en nge tin yug fenay, nge tin tabgul ban’en nge tin ba ta’ay.

Levitikus 11:46

Irera’ e pi gafal ni murung’agen e pi gamanman nge pi arche’, nge urngin e pin’en nma par u mday ngu mran, nge urngin e tin ma yan u daken e but’.

Levitikus 12:1

I SOMOL e pi’ e pi gafal ni ba’aray ngak Moses

Malaki 3:18

Girdi’ rog e bay kur guyed bayay e n’en nib thil u thilin e pi’in yad mmat’aw nge pi’in yad be ngongliy e kireb, ngu thilin e en ni be pigpig ngog nge en nder pigpig ngog.”