Levitikus 1:9 - Bible Ni Thothup

⁹ Ma gil’iggan nge ay fare gamanman nl’agruw raba’ e ra luknag facha’, ma re prist ni ir e be pigpig e ngiyal’nem e nge urfiy fare maligach nib polo’ u daken fare altar. Ma bon e re maligach ni ggan ney e rib fel’ u wan’ SOMOL.

Levitikus 1:9 Σταυροειδείς Αναφορές

Genesis 8:21

Ma fa’ani faray SOMOL bon fare maligach nrib fel’, me ga’ar u wan’, “Dab kug kirebnag wa’athan e but’ bayay ni bochan e ngongol rok e girdi’; gu manang ni ka nap’an ni kabran e girdi’, ma ba kireb e leam rok. Dab kug thang owchen urngin ban’en nib fos bayay, ni bod ni kug rin’ e yaney.

1 Kronicles 6:34

Elkanah, Jeroham, Eliel, Toah,

2 Kronicles 4:6

Mu ku ra ngongliyed ragag raba’ i dabiy, lal raba’ e ngan tay nga ba’ ni yimuch ko fare Tempel ma lal raba’ nga ba’ ni lel’och. Ngu’un luknag yuyang ko fapi gamanman ni kan urfiy ni maligach riy. Ma ran ko fare teng nib ga’ e ngi i fanay e prist ngu’ur maluk niged pa’rad ngay.

Psalms 51:6

Tafinay nib yul’yul’ e ir e ga ba’adag; mu suguy lanin’ug ko gonop rom.

Psalms 66:15

Bay gu pi’ e saf ni ngan urfiy u daken e altar; bay gu maligach ko garbaw nge kaming, ma ath riy e bay i taw ngalan nga lanelang.

Exodus 12:9

Dab ni longuy ni k’akling fa nlith ko ran, machane yira longuy ni kan urfiy ni polo’, nib mu’un lolugen nge ay nge urngin ban’en ni bay u fithik’ i downgin ngay.

Exodus 29:18

Mag urfiy fare saf ni pumo’on nib polo’ u daken e altar ni aram e ba maligach ni ggan. Ma bon e re maligach ney e bfel’ u wun’ug.

Exodus 29:25

Mag fek rorad ngam urfiy u daken e altar, ni bay u daken fare maligach ni mo’oruf, ni aram e ba ggan ni kan ognag ngog. Ma bon e re maligach ney e bfel’ u wun’ug.

Jeremiah 4:14

Jerusalem, mu luknag e kireb u gumircha’em, ya nge yag ni mu thap. Bu uw n’umngin nap’an ni ngu’um par ni ga be leamnag e tin kireb ban’en?

Ezekiel 20:28

Gu fekrad i yan ko fare nam ni gu micheg ni bay gu pi’ ngorad. Nap’an ni rguyed e burey ni totolang nge gek’iy nib galunglung miyad pi’ e maligach ko yungi n’em. Miyad k’aring e damumuw ngog ko maligach ni yad be urfiy nge wayin ni yad be fek i yib ni maligach.

Ezekiel 20:41

Tomuren ni gu fekmed nga wuru’ e pi nam nni weregmed ngay nggu kunuymed nga ta’bang, ma bay i fel’ u wun’ug e pi maligach ni mo’oruf romed, me guy e pi nam ni Gag e gub thothup.

Ezekiel 40:38

U lan e ba’ ni wuru’ e yoror e bay boch reb e naun nib peth ko ba’ ni langgin e garog ko ba’ ni lel’och. Ni bmab ngalan fa gin yima yan riy nga nu’an nib sabliy fare yoror, ni aram e gin yima luknag e gamanman riy ni ngan orfeg ni kab polo’ ni maligach.

Levitikus 1:13

Ma gil’iggan nge ay fare gamanman nl’agruw raba’ e thangri luknag fare mo’on, ma fare prist e nge pi’ fare maligach ngak SOMOL ni nge urfiy ni gubin yang u daken fare altar. Ma bon e re maligach ni ggan ney e rib fel’ u wan’ SOMOL.

Levitikus 1:17

Me kol pon u barba’ ngu barba’ nge pof nge machwo’ u ngorngoren, ma dabi chow’ay nge mul pon fare arche’ u kenggin, ma aram me urfiy nib polo’ u daken fare altar. Ma bon e re maligach ni ggan ney e rib fel’ u wan’ SOMOL.

Levitikus 2:16

Ma fare prist e nge urfiy e tin kan pirdi’iy nge boch e gapgep ni aram e bpow, ma ku aram rogon gubin e incense, ko ggan ni maligach ngak SOMOL.

Levitikus 2:2

me fek i yib ngak fapi prist ni pifak Aron. Ma re prist ni be pigpig e ngiyal’nem e nge suguy lan barba’ i pa’ ko fapi flour nge oil nge gubin e incense, me urfiy e uw i flowa ney u daken fare altar ni aram e ba pow ni kan ognag ni gubin ngak SOMOL. Ma bon e re maligach ni ggan ney e rib fel’ u wan’ SOMOL.

Levitikus 2:9

Me fek fare prist boch riy nge urfiy u daken e altar ni aram e pow riy ni kan pi’ ni gubin ngak SOMOL. Ma bon e re maligach ni ggan ney e rib fel’ u wan’ SOMOL.

Levitikus 3:11

Ma fare prist ni be pigpig e ngiyal’nem e nge urfiy e yungi n’ey ni gubin u daken fare altar ni ba ggan ni maligach ngak SOMOL.

Levitikus 3:5

Ma boch fapi prist e ngar urfiyed urngin e pin’ey u daken fare altar nib mu’un ko fapi maligach ni mo’oruf. Ma bon e re maligach ni ggan ney e rib fel’ u wan’ SOMOL.

Levitikus 4:31

Me chuweg urngin e mam riy, nri bod nni chuweg e mam ko fapi gamanman nli’ ni fen e maligach nma gapaseg thilin Got nge girdi’, ma nge urfiy u daken e altar ni bon e rib fel’ u wan’ SOMOL. Ara’ rogon konowa’en nma pi’ fare prist e bayul ni fan ko denen rok be’ ma yira n’ag fan rok.

Levitikus 6:14

Irera’ gafalen e grain ni yima ognag, ba prist ko tabnaw rok Aron e nge fek e grain ni ngan pi’ ngak SOMOL nga mit fare altar.

Levitikus 8:28

Ma aram me fek Moses fapi ggan ni bay u pa’rad nge urfiy u daken fare altar, u daken fare maligach ni mo’oruf, ni aram fare maligach ni fen e pigpig ko fapi prist nma yiblayrad. Ran’ey e ba maligach ni ggan, ma bon e m’aguwan’ SOMOL.

Levitikus 9:14

Me luknag gil’iggan nge ay ni l’agruw raba’ me urfiy u daken fare altar u daken e tin kabay ko fare maligach ni mo’oruf.

Zekariah 13:7

I SOMOL ni Gubin ma Rayag Rok e ga’ar, “Saydon, mu od ngam cham ngak fare tagafaliy e saf nma maruwel rog! Mu li’ ngem’, nge wagey fapi saf. Bay gu cham ngak pi girdi’eg,

Numbers 15:3

Ba garbaw ni pumo’on, fa ba saf ni pumo’on, ara ba kaming e rayag ni ngan pi’ ngak SOMOL nib maligach ni mo’oruf fa ba maligach nib mathang malfith u ban’en ni kan ognag fa ba maligach ni gur rom e ga ba’adag ni ngam pi’ fa ba maligach ni yima pi’ u nap’an e pi madnom ni yima tay ni fan ngak Got. Rib fel’ u wan’ SOMOL bon e pi ggan ni maligach ney.

Numbers 28:11

Maligach ni mo’oruf ni ngan pi’ ngak SOMOL u tabolngin reb e pul: l’agruw e garbaw ni pumo’on ni kab bitir, ta’reb e saf ni pumo’on, medlip e saf ni pumo’on ni ta’reb e duw yangarrad, ni yad urngin ni dariy bang u dowrad nib kireb.

Numbers 28:7

Ma fare wayin ni maligach nib mu’un ko bin som’on e saf, e ngan pu’og l’agruw e pint riy ko fare altar.

Numbers 28:8

Ma bin l’agruw e saf ni ngan pi’ ni blayal’ e ta’reb rogon ko bin nni pi’ ni kadbul, nib dachug ko maligach riy ni wayin. Ku irera’ reb e ggan ni maligach, ni bfel’ bon u wan’ SOMOL.

2 Korinth 2:15

Ya gadad bod bogi ban’en ni bfel’ bon ni yima urfiy nike urfiy Kristus ni fan ngak Got, ni be wear bon ngak e pi’in kar thapgad ngak Got nge pi’in ndawor ra thapgad ngak Got.

Efesus 5:2

T’ufeg e thangri mang ir e i gagiyegnag e ngongol romed, ni bod rogon Kristus ni gadad ba t’uf rok me pi’ e pogofan rok ni bochdad, nike mang maligach ni bfel’ bon u daken e altar ni ir e mm’agan’ Got ngay.

Deuteronomy 12:27

U rom e ngam pi’ed e maligach riy ni ngan urfiy u daken e altar rok SOMOL nge m’ay, mu kum pi’ed fapi maligach ni fa’an ka mu longuyed e ufin riy mi gimed pu’og e racha’ riy nga daken e altar.

Filippi 4:18

Urngin e tin ni mpi’ed nge yib ngog e ke thap ngog — ma ke gaman ke pag urngin! Ke fek Epafroditus i yib ngog urngin e tow’ath rog ni mpi’ed ngak, ni aram e kefel’ rogog u urngin e tin ug gafgow riy. Pi tow’ath ney e bod e n’en ni bfel’ bon ni yima pi’ ngak Got ni ba maligach ni ba’adag Got ma bfel’ u wan’.