Levitikus 1:5 - Bible Ni Thothup

⁵ Me li’ facha’ fare garbaw ni pumo’on u rom, me pi’ fapi prist ni pifak Aron e racha’ riy ngak SOMOL ni aram e yad be pag nga aningeg raba’ fare altar u langan e mab ko fare Tent.

Levitikus 1:5 Σταυροειδείς Αναφορές

2 Kronicles 35:11

Nga tomuren ni ka ni li’ fapi fak e saf nge kaming me fathiy e pi Levite keru’ ni gubin, me fek fapi prist e racha’ riy ngar atngiyed nga daken fare altar.

Exodus 29:11

Mag li’ nge yim’ fare garbaw ni pumo’on, u rom u p’eowcheg ni arame gin gubay riy nib thothup, u langan e mab ko fare Tent.

Exodus 29:16

Mag li’ e re saf nem nge yim’, mag fek e racha’ riy ngam atngiy nga daken gubin raba’ fare altar.

Exodus 40:6

Ma ga tay fare altar ni fen e maligach ni mo’oruf nga mit fare Tent.

Isaiah 52:15

Machane chiney e bpire’ e nam ni bay ra ngatgad ngak, pi pilung e bay ra ngatgad ngak ni ka ra paged langrad. Bay ra guyed miyad nangfan ban’en nda ur nanged.”

Ezekiel 36:25

Bay gu atngiy e ran nib machalbog nga dakenmed nggu machalbog nagmed u urngin e meybil ni um ted ko pi liyos romed nge urngin ban’en nike taymed ni kam kirebgad u p’eowcheg.

Ezekiel 43:18

SOMOL ni Th’abi Tolang e ga’ar ngog, “Fak e girdi’, mmotoyil ko n’en ni nggog ngom. Nap’an ni yira toy fare altar, ma ngam og nag ni aram e ngam pi’ e maligach ni mo’oruf u daken ma ngam atngiy daken nga racha’en fapi gamanman ni kan maligach ngay.

Levitikus 1:11

Ma thangri li’ nge yim’ fare gamanman u ba’ ni lel’och ko fare altar, ma fapi prist e ngar paged e racha’ riy ko fa aningeg i tabthung ko fare altar.

Levitikus 1:15

Ma fare prist e nge pi’ u daken fare altar, ni nge lepey k’angan, me urfiy fare llug u daken e altar. Ma racha’en fare arche’ e nge pu’og nga downgin barba’ fare altar.

Levitikus 16:15

Me migid me li’ fare kaming ni maligach ko denen ko girdi’, me fek e racha’ riy i yan ngalan fa Gin Th’abi Thothup, me wereg nga daken upungen fare Kahol ko M’ag nge nga m’on riy, ni bod ni rin’ nga racha’en fare garbaw ni pumo’on.

Levitikus 17:11

Yafos ko gubin ban’en nib fos e bay u fithik’ e racha’ riy, ma arfan ni SOMOL e keyog ni urngin e racha’ ma ngan pu’og nga daken fare altar ni nge chuweg e denen ko girdi’. Racha’, ni ir e yafos, e ma chuweg e denen.

Levitikus 3:13

ma thangri tay pa’ nga daken lolgen, me li’ nge yim’ u mit fare Tent. Ma fapi prist e ngar paged e racha’ riy nga ga’ngin yang ko fare altar

Levitikus 3:2

Me tay pa’ nga daken lolgen fare gamanman, me li’ nge yim’ u langan e mab ko fare Tent u p’eowchen SOMOL. Ma fapi prist ni pifak Aron e ngar paged e racha’ riy nga daken fa aningeg i tabthung ko fare altar

Levitikus 3:8

ma thangri tay pa’ nga daken lolgen me li’ nge yim’ u mit fare Tent. Ma fapi prist e ngar paged e racha’ riy nga daken ga’ngin yang fare altar

Levitikus 4:29

Me tay rifrifen pa’ nga daken lolgen fare gamanman min li’ nge yim’ u ba’ nlel’och fare altar, ko gin ni yima li’ riy nge yim’ e pi gamanman ni fan ko maligach ni mo’oruf.

Levitikus 4:33

Me tay rifrifen pa’ nga daken lolgen fare saf min li’ nge yim’, u ba’ nlel’luch fare altar, ko gin ni yima li’ nge yim’ e pi gamanman ni maligach ni mo’oruf riy.

Levitikus 4:7

Ma aram me tay boch fapi racha’ ko pi gagey ni bay ko tabthung ko fare altar ko incense u lan fare Tent. Me pu’og e tin ke aw ko fapi racha’ nga enggin fare altar ni yima urfiy e maligach riy, ni bay nga langan e mab ko fare Tent.

Mikah 6:6

Mang e nggu fek i yib ngak SOMOL ni Got nu tharmiy ko ngiyal’ ni gu ra yib ni nggu liyor ngak? Gur nggu fek i yib e tin th’abi fel’ pifak e garbaw ngan urfiy ni maligach ngak?

Numbers 18:17

Ma tin nganni’ u fak e garbaw, nge saf, nge kaming e dab kun chuw’iyrad ngan fulwegrad; ke milfarad ngog ni yad gubin ngan maligach ngorad. Ngam atngiyed racha’en fapi gamanman ko altar mi ni orfeg e mam riy nib maligach ni ggan, rib fel’ u wun’ug galo’chngin.

Hebrews 10:11

Ra reb e prist rok piyu Israel mma sak’iy ngalang ngi i ngongliy e maruwel rok ni gubin e rran, ni ta’ab mit i maligach e be pi’ ni pire’ yay. Machane pi maligach nem e ri dabiyag ni nge chuweg e denen.

Hebrews 12:24

Kambad ngak Jesus, ni ir e ke ngongliy rogon fare m’ag nib be’ech, nge fare racha’ ni kan wereg ni ir e be micheg boch ban’en ni kabfel’ boch ko tini micheg racha’en Abel.

1 Peter 1:2

I mel’egmed Got ni Chitamangiy nrogon nike mu’ i turguy u wan’, ni nge ngongliymed fare Kan Nthothup rok ngam pired ni gimed ba thothup, ma gimed be fol rok Jesus Kristus me be’ech nagmed racha’en. Ngi i ayuwegmed Got ma be pi’ e gapas nga lanin’med nge yan i mus ngarogon.

1 Samuel 1:25

Miyad li’ fare garbaw, miyad fek fare tir i yan ngak Eli.