Levitikus 1:2 - Bible Ni Thothup

² ni fan ngak piyu Israel ni ngu’ur folgad riy ko ngiyal’ ni yad be pi’ e maligach rorad. Ra nge pi’ be’ ba maligach ni gamanman, ma reb e garbaw rok, fa reb e saf rok, ara reb e kaming rok.

Levitikus 1:2 Σταυροειδείς Αναφορές

Genesis 4:3

Me munmun me fek Kain boch e tin kefel’ ko woldug rok me pi’ ni maligach ngak SOMOL.

Genesis 4:5

ma de fel’ Kain nge maligach rok u wan’. Me ri damumuw Kain nge thilpariy owchen.

1 Kronicles 16:29

Ngu’un pining e sorok nga fal’ngin fithingan SOMOL; ngan fek ba maligach nganib ngalan e Tempel rok. Min siro’ ngak Facha’ rib Thothup nnap’an nra yib i m’ug;

Ezra 3:5

Ma ku yad be pi’ e pi gamanman ni maligach ni ngan urfiy ni yu reb, nge gamanman ni ngan pi’ ni maligach ko Madnom ko M’ug e Pul, nge urngin e pi mu’ulung ni yima tay ngu’un tayfan SOMOL ma yibe meybil ngak, nge pin’en ni yad ma pi’ ngak SOMOL ni yad e leam rorad.

Exodus 20:24

Mu ubungyed e altar rog ni but’, mi gimed tay e pi maligach ni ngan orfeg nga daken, ni bogi saf nge garbaw ni maligach ngog, nge pi maligach ko gapas u thildad. Ma gu ra yib ngomed nggu fal’eg wa’athmed u gubin yang ni kug turguy ni ngu’um meybilgad riy ngog.

Numbers 15:3

Ba garbaw ni pumo’on, fa ba saf ni pumo’on, ara ba kaming e rayag ni ngan pi’ ngak SOMOL nib maligach ni mo’oruf fa ba maligach nib mathang malfith u ban’en ni kan ognag fa ba maligach ni gur rom e ga ba’adag ni ngam pi’ fa ba maligach ni yima pi’ u nap’an e pi madnom ni yima tay ni fan ngak Got. Rib fel’ u wan’ SOMOL bon e pi ggan ni maligach ney.

Numbers 5:15

demturug rogon ma fare pumo’on e thangri fek le’engin i yan ko fare prist. Ma ku bay ba maligach ni fen fare bpin nthingari chagiy ngak nge fek i yan, ni aram e l’agruw e pawn e flowa ni barley, machane dabi pu’og e gapgep ni olive nga daken ara wereg e incense nga daken, ni bochan e ba maligach nike yib rok be’ nib mo’on ni be talyegnag le’engin, ni bochan e nge m’ug e tin riyul’.

Mark 7:11

Machane gimed be fil ko girdi’, ni fa’anra bay ban’en rok be’ nrayag ni nge pi’ nge fel’ rogon e chitamngin fa chitiningin riy, machane me yog ni ga’ar, ‘Ren’ey e Korban’ (ni fan e re bugithin ney e ke ga’ar, ren’ey e ke mil suwon ngak Got),

Roma 12:1

Ere pi walageg, bochan e ri be runguydad Got, ma aram fan ni nggu wenig ngomed ni ngam pi’ed gimed ngak Got, ngam manged maligach nib fos ngak, ni kam pi’ed gimed ko maruwel rok ma gimed bfel’ u wan’. Ireray e bin riyul’ e liyor ni susun e ngam pi’ed ngak Got.

Roma 12:6

Ere ngad maruwelgad ko pi salap rodad nib thilthil nrogon ni pi’ Got ngodad nib tow’ath. Fa’anra salap rodad ni pi’ Got nib tow’ath ngodad e ngad machib niged e thin rok ngak e girdi’, ma thingar da rin’ed nrogon e michan’ rodad ngak Got.

Efesus 5:2

T’ufeg e thangri mang ir e i gagiyegnag e ngongol romed, ni bod rogon Kristus ni gadad ba t’uf rok me pi’ e pogofan rok ni bochdad, nike mang maligach ni bfel’ bon u daken e altar ni ir e mm’agan’ Got ngay.