Lamentations 3:7 - Bible Ni Thothup

⁷ Ke michgiyeg ko chen; I gag ba kalbus ni dariy liben mug thay.

Lamentations 3:7 Σταυροειδείς Αναφορές

BABYOR NI JOB 19:8

Ke ning Got e kanawo’, ndabkiyag ni nggu thumur riy; ke mithag e birog e kanawo’ u fithik’ e lumor.

BABYOR NI JOB 3:23

Tin bay nga m’on ni bay fini yib ngorad e ke tay Got nib mith, ir e ke ning lanin’rad.

Psalms 88:8

Kam gagiyegnag e pi fager rog ni ngar n’aged gag; kam teg ni kar tamdaggad nga ya’ag. Kan thabey nigeg ni dabyag ni gu mil;

Psalms 88:9

ke me’waer e changar rog ko gafgow. SOMOL, gubin e rran ma gu ma piningem ma gu ma meybil ngom ni kug tining pa’ag ngalang.

Jeremiah 38:6

Miyad fekeg ngar nguchruyed gag ngalan ba luwed ni fen Malkiah nib mo’on ni fak e pilung, re luwed nem e bay u lan e yoror u tafen e pilung. Ma dariy e ran u lan e re luwed nem, kemus ni rungdu’ e bay u t’ay, mu gu chur nga fithik’ e rungdu’.

Jeremiah 40:4

Chiney, e nggu luf e chain u tungun pa’am nggu pagem. Fa’anra ga ba’adag ni ngam un ngog nga Babylon, ma rayag, ya gu ra aywegem. Machane fa’anra dabum, ma dab mu’un. Go’ ku bay gubin yang ni ga ra mel’eg, ma ga yan ko gin ga be finey.”

Lamentations 1:14

“Ke fek babyoren urngin e denen rog ke m’ag nga ta’bang; Ke the’ nga bilel’ugnag, ni tomalngin e rib tomal nike m’aynag gelngig. I Somol e ke pi’eg nga pa’ e pi to’ogor rog, ni dariy gelngig u pulowrad.

Lamentations 3:9

U gu wan ni gu be thigthig ma yungi rungrung ni malang e be ning e wo’ ngog u gubin yang ni gu ra cheal ngay.

Lamentations 5:5

Yibe maruwel ngomad nib gel ni bod e dongki ara kamel, nike aw parowmad, ma danir pi’ e toffan ngomad.

Daniel 9:12

Kam rin’ e tin mog ni bay mu rin’ ngomad nge ngak e pi’in ni ur gagiyeg niged gamad. Kab gel e gechig ni kam pi’ ngak yu Jerusalem ko gechig ni kam pi’ ngak yugu reb e binaw u roy u fayleng.

Hosea 2:6

Ere bay gu ning e kanawo’ rok nga nochi ke gek’iy ni bay rachangalen; mu gu tay ba yoror ngalan e kanawo’ rok nge dabkiyag ni i rin’ e pin’en ni i rin’.