Lamentations 2:16 - Bible Ni Thothup

¹⁶ Urngin e to’ogor ma yad be moning nagem yad be changar ngom u fithik’ e fananikan. Ni yad be thilpiriy l’ugunrad ma yad be kirebnag owcharad ma yad be ga’ar, “Kad thirifed u but’! Irera’ fare rran ni ku’ud son niged!”

Lamentations 2:16 Σταυροειδείς Αναφορές

Psalms 35:21

Yad ma t’ar e thin nga dakenag, ngu’ur tolulgad ni yad ma ga’ar, “Kug guyed e n’en ni ka mu rin’!”

Lamentations 3:46

“Urngin e pi to’ogor romad ma yad be yog e thin nib mkunkun ngomad ma yad be moning nagmad.

Psalms 56:2

Pi togopluw rog e yad be cham ngog nni n’umngin e rran. Ri yad bo’or ni yad be cham ngog.

Psalms 37:12

En nib kireb e ma makath nib togopluw ngak e en ni bfel’, ni be gatfiy lan mit ngak u fithik’ e fanenikan.

Jeremiah 51:34

Pilung nu Babylon e th’ab yu Jerusalem ke languy. Ke m’aynag gathon fare binaw ni bod ba rume’; ni bod ba kan nike ful’ fare binaw. I fek e n’en ni ba’adad me n’ag e tin kabay riy.

Psalms 124:3

ma kar ful’ed gadad ni ka gadad bafos u gelngin e damumuw rorad ngodad;

Psalms 35:16

Ni bod e pi’in yad ma moningnag be’ nib mugutgut, yad be gatfeg owcharad ngog ni yad be fananikayeg.

Psalms 22:13

Kar faled l’ugunrad ni bod e pi layon, ni yad be tolul’ ma yad be k’adeg.

Acts 7:54

Nap’an ni be motoyil girdi’en fare ulung ngak Stefen me ri gel e damumuw rorad ngak ngu’ur wochariyed nguwelrad ngak u fithik’ e damumuw.

Hosea 8:8

Ke ta’reb rogon yu Israel ko yug nam nike m’ay fan ni bod ba th’ib nike pil.

Ezekiel 36:3

“Mu yi’iy, mag weliy e n’en ni Gag SOMOL ni Th’abi Tolang e gu be yog. Nap’an ni kol fapi nam ni yad bbuguliyoror, e pi burey nu Israel ngar giliw niged, ma gubin e girdi’ ni i minmin ngak yu Israel.

Ezekiel 25:15

I SOMOL ni Th’abi Tolang e ga’ar, “Piyu Filistia e yug ra puthuyed e falbiy ngak e pi to’ogor rorad ngar gafgow nigedyad u fithik’ e fananikan rorad.

Ezekiel 25:6

“Ba’aray e n’en ni be yog SOMOL ni Th’abi Tolang: gimed be way ma gimed be og ngalang ko felfelan’. Ni gimed be fananikan e nam nu Israel.

Ezekiel 25:3

Mog ngorad ni ngar motoyilgad ko mang e gu be yog i Gag SOMOL ni Th’abi Tolang: Karim felfelan’gad ni kam guyed ni fare Tempel rog ni kan m’aynag fan, ma kan gathey e but’ nu Israel, ma kan fek e girdi’ nu Judah nga wuru’ e nam ni kalbus.

Jeremiah 50:17

I SOMOL e be ga’ar, “Girdi’ nu Israel e yad bod e saf, ni lol’oeg e layon ngar wagageygad. Som’on e fare pilung nu Assyria e cham ngorad, me migid ma Nebukadnezzar ni Pilung nu Babylon e guchiy e yil rorad.

Jeremiah 50:7

Bay i li’rad gubin e pi’in bay i mada’ nagrad. Pi to’ogor rorad e yad be ga’ar, ‘Kar denengad nib togopluw ngak SOMOL, ere n’en ni kad rin’ed e de kireb. Pi chitamangirad e i pagan’rad ngak SOMOL, yad e dabisiy ni ngar pired ni yad ba yul’yul’ ngak.’

Isaiah 49:19

“Nam rom e ni kirebnag min n’ag, machane chiney e bay yan i aw ni kayigi achig, ya pi’in bay rabad ni ngar pired riy e yad bpire’! Ma pi’in ra kireb niged gur e ri bay ni mal’af nagrad rom.

Psalms 112:10

Pi’in kireb e ra guy ni aray rogon miyad damumuw; yad ra gat’fiy owcharad u fithik’ e fanenikan miyad chuw; tin ur athpeged e ke ma’ ngabang ni manemus.

Psalms 109:2

Girdi’ ni kireb nge pi sasalap e yad be cham ngog. Yad be lifith e thin ni murung’ageg,

Psalms 57:3

Ra fulweg lungug u tharmiy me ayuwegneg; bayi mo’waernag e pi’in yad be gafgow nigeg. Got e ra dag ngog e t’ufeg rok ni dabi mus nge feni yul’yul’.

Psalms 41:8

Me lungurad, “Dabki gol e cha’nir; dakriy bangiyal’ nra chuw u chob rok.”

Psalms 35:25

Dab mpagrad ngar ga’argad ngorad, “Aha, kari yag fiti lanin’dad! Ya kad thanged e pogofan rok!”

Jeremiah 29:18

Bay gu pi’ e mael, nge uyngol, nge liliy nge yib ngorad, ma gubin e nam nu fayleng ni bay ra tamdaggad ko tin kar guyed. Urngin yang ni nggu weregrad ngay, e bayi gin me rus e girdi’ riy ko tin ke buch rorad. Girdi’ e bay i moning nagrad ma fithingrad e bayi mang ba yaba’.

Jeremiah 26:6

Fa’anra dab mu rin’ed e pin’ey, ma aram e nggu rin’ ko re Tempel ney e n’en ni gu rin’ nga Shiloh. Urngin e nam nu roy u fayleng e fa’an yad ra bucheg wa’athan be’ ma yad ra yog ni nge buch wa’athan ni bod e re binaw ney.”

Lamentations 1:21

“Ngam motoyil ko gel’gel’ rog; dariy be’ nra fal’eg lanin’ug. Pi to’ogor rog e kar felan’gad ni kam fek e riya’ nga dakenag. Mu fek fare rran i yib ni mmicheg; mu gafgownag e pi to’ogor rog ngar gafgowgad ni bod gag.

Ezekiel 5:15

“Nap’an ni gu ra damumuw nib gel nggu gechig nagem, ma urngin e nam u to’bem i yan e yad ra rus. Bay ra sapgad ngom ni ka ra sonogorgad ngu’ur gosgos niged gur.

Ezekiel 23:32

I SOMOL ni Th’abi Tolang e be ga’ar, “Bay mu unum e n’en ni bay ko kap rok walagem; nib ga’ ma ba to’ar. Gubin e girdi’ ni bay rogned e thin ni kireb ngom miyad be moning nagem; ya ba sug fare kap.

Mikah 4:11

Pire’ e nam ni kar mu’ulung gad ni ngar cham gad ngomed. Be lungurad, “Thingar ni thirif yu Jerusalem u but’! Bay da guyed nike mogothgoth!”