Kolose 4:5 - Bible Ni Thothup

⁵ Um gonopiyed rogon pangimed ngak e pi’in ndawori mich Jesus Kristus u wun’rad, ma gubin ngiyal’ nra bung rogomed ni ngam weliyed e thin rok Got ngorad mi gimed weliy.

Kolose 4:5 Σταυροειδείς Αναφορές

Psalms 90:12

Mu fil ngomad feni ngoch nap’an e yafos romad, nge yag ni gu gonopgad.

Daniel 2:8

Me wa’achar fa en pilung, “Ri arrogon ni gu leamnag! Gimed be guy rogon ni nge n’uw nap’an boch ni ngam leamgad, ya kam guyed nike muduwgil lanin’ug

Matthew 10:16

“Mu telmed ngog! Nggu l’oegmed ngam marod ni bod e saf ni nge yan nga fithik’ ba ran’ i wolf. Thingar mu ayuwgad ni bod rogon e porchoyog mi gimed munguy ni bod rogon e bulogol.

Mark 4:11

Me ga’ar Jesus ngorad, “Gimed e kan weliy ngomed e tin nda nnang ni murung’agen e gagiyeg rok Got. Machane boch e girdi’ e kan machibnag urngin ban’en ngorad u fithik’ e fanathin,

Roma 16:19

Yigoo kan rung’ag fanmed yul’yul’ ko thin rok Got, ni era’ fan ni kug felfelan’ ngomed. Gub adag ni nge tamilangan’med u murung’agen e tin ni bfel’, machane ngam pired ndab mu uned ko kireb.

Kolose 3:16

Thin ni ir e bth’ab feni fel’, ni weliy Kristus e thangri i par ni polo’ u lanin’med. Um filed ngomed ma gimed be fonow nagmed ngay u fithik’ e gonop. Umon’ed e tang ni thin rok Got ni bay ko Psalm, nge tang ni machib, nge tang ni murung’agen Got; um tang niged Got ni gimed be pining e magaer ngak Got u wun’med.

1 Thessalonika 4:12

Ireray kanawo’en mi gimed fel’ u wan’ e pi’in nde mich Kristus u wun’rad, ma dab mu toergad ngak be’ ko tin nge yag ngomed.

1 Timothy 3:7

Ma susun e ir be’ nma tay e girdi’ fan, ni girdi’ ni gathi yad girdi’en e galesiya, ni bochan e nge dabi kireb thin me mul ngalan e wup rok mo’onyan’.

James 1:5

Machane fa’anra dariy e gonop rok bigimed, ma nge wenignag ngak Got, ye ir e ra pi’ ngak; yi Got e ba gol ngak urngin e girdi’.

James 3:13

Ba’ be’ nib llowan’ ma ba gonop u fithik’med fa? Fa’anra bay ma nge micheg nga pangin ni bfel’ nge ngongol rok ni bfel’ ni be ngongliy u fithik’ e sobut’an’ nge gonop.

James 3:17

Machane bin som’on e fare gonop ni yib u tharmiy e bmachalbog; ma ku errogon nma fal’eg thiliy nge aw e gapas riy, ma ma sumunguynigey, ma ma fal’eg owchey nge thin ngak e girdi’, ma ba sug ko runguy ma ma k’uf ni ngongol ni bfel’; ma ma ta’reb rogonnag e girdi’ u wun’uy ma der ma dake modingnigey.

1 Peter 3:1

Ma ku er rogomed pi leengiy nthingar um folgad rok pi figirngimed, ni fan e fa’anra bay boch i yad ndawori mich e thin rok Got u wun’rad mrayag ni nge mich u wun’rad ni bochan pangimed. Ma aram e dakuriy fan bbugithin ni ngmogned ngorad,