Kolose 3:9 - Bible Ni Thothup

⁹ Dabi lifith bigimed l’ugun ngak bigimed, ya bin kakrom i gimed nge tin nike mecham ngay e kam n’iged,

Kolose 3:9 Σταυροειδείς Αναφορές

Proverbs 13:5

Girdi’ nib yul’yul’ e ba fanenikay e malulifith l’ugun, ma thin ko girdi’ ni kireb laniyan’ e ba k’artamra’ ma ba m’ayfan.

Isaiah 63:8

I SOMOL e ga’ar, “Yad e girdi’ rog, dab ra ban niged gag.” Ma aram me ayuwegrad

Levitikus 19:11

“Dab mu moro’ro’gad ara mu ban niged be’, ara mu lifithed l’ugunmed.

Zefaniah 3:13

Girdi’ nu Israel nra magay nib fos e dariy ba kireb ni yad ra rin’ ngak be’, ma dab roged ban’en nib ban, ma ku dab ra guyed rogon ni ngar sasalpiyed ban’en. Bay i fel’ rograd miyad par ndariy ban’en nra buch rorad, ma dariy be’ ni yad ra tamdag ngak.”

Zekariah 8:16

Ba’aray e tin ngu’um rin’ed: Ngu’um weliyed e tin riyul’ ngomed. Mu lan tafen e puf oloboch e tin nib mat’aw e ngam rin’ed — ni ir e ra pi’ e gapas.

John 8:44

Gimed e pifak e chitamangimed, ni fare mo’onyan’, ma gimed ba’adag ni ngam folgad ko tin nib m’agan’ e chitamangimed ngay. Ka nap’an ko tabolngin ni i par ni ir be’ nma thang e fan rok e girdi’; dariy ba ngiyal’ nike yib nga ba’ rok e tin riyul’, ya dariy e tin riyul’ rok. Ya ngiyal’ nra lifith l’ugun riy e aram e be rin’ ban’en nib mecham ngak, ya ir be’ nma lifith l’ugun me ir e chitamngin urngin e malulifith.

Roma 6:6

Ya gadad manang e re bugithin ni ba’aray: bin kakrom i gadad e kan uneg ngak Kristus kan li’row u daken e kuruth rok, ni fan e ngan kirebnag gelngin e bin kakrom i gadad nib tadenen, ya nge dab ku ud pired ni gadad e sib rok e denen.

Efesus 4:22

Ere mu n’iged pangimed ni kakrom ni ir e um pired riy — ni fare pangin ni kakrom ni ar ar nib kireb e bannag nge kirebnag.

Efesus 4:25

Ere dab ku un lifith l’uguney! Ra be’ ma thangri yog e tin nib riyul’ ngak walagen, ya gadad gubin ni go’ gadad yu yang u downgin Kristus.

Kolose 3:8

Me ere chiney e thingar mpaged urngin e pin’ey: ni aram e damumuw, nge ar’ar nib kireb, nge fanenikan. Thangri dabi yib bbugithin u l’ugunmed nga but’ nra kirebnag laniyan’ be’ ara bbugithin nib puwlag.

1 Timothy 1:10

ma fan ngak e pi’in yad ma darngal, ma fan ngak e pumo’on nma darngalnag e pumo’on, nge pi’in yad ma iring e girdi’, ma fan ko pi’in yad ma lifith l’ugunrad ma yad ma pi’ e thin ni nge mang mich nde riyul’ ara rrin’ed ban’en nib togopluw ko bin nib riyul’ e machib.

Revelation 21:27

Machane dariy ban’en nib kireb nra yan ngalan e re binaw nem, ara be’ nma ngongliy e tin yira tamra’ ngay ban’en ara ma lifith l’ugun. Ya kemus ni pi’in kan yoloy fithingrad ngalan e babyor rok fare Fak e Saf, ni babyoren e pi’in kar fosgad e yad ra yan ngalan e re binaw nem.

Revelation 21:8

Machane pi’in nra paged gag ni bochan e yad be rus, nge pi’in nda ur yul’yul’gad ngog, nge pi’in ur puwlaggad, nge pi’in nra thanged e pogofan, nge pi’in ni ur ngongliyed e ngongol ko darngal, nge pi’in ur piggad nge pi’in ni ur ted fan e liyos ma yad be meybil ngay, nge urngin e pi’in ur lifithed l’ugunrad e tagil’rad e fare lipath i nifiy ni be daramram ko sulfur, ni aram e bin l’agruw yay e yam’.”

Revelation 22:15

Machane pi’in ni bay ra pired u wuru’ e re binaw nem e pi’in yad ma puwlag nge pi’in yad ma pig, nge pi’in yad ma ngongliy e ngongol ko darngal, nge pi’in ni kar thanged e pogofan ko girdi’, nge pi’in yad be tayfan ma yad be meybil ngak e liyos nma meybil boch e girdi’ ngay, nge pi’in yad be lifith l’ugunrad ko thin ni yad be yog nge ngongol ni yad be rin’.