Kolose 3:5 - Bible Ni Thothup

⁵ Ere thingar mu li’ed ngem’ e ar’ar nu fayleng ni be maruwel u fithik’ i dowmed, ni aram e darngal, nge puwlag, nge ar’ar nib kireb nma waliy e girdi’ ko denen, nge chogow (ya chogow e bmit e tayfan nge meybil ni yibe tay ngak e liyos nma meybil boch e girdi’ ngay.)

Kolose 3:5 Σταυροειδείς Αναφορές

Exodus 37:22

Fapi floras ndawori puf nge fa yupa’ i pa’ngin, nge fare tagil’ e magal e ni ngongliy u ta’bang i gol nni pirdi’iy.

Matthew 15:19

Ya laniyan’ be’ e ma yib e leam nib kireb riy ni ir e ma pingeg fa’anem nge li’ be’ ngem’, fa ra pirew be’ ni gathi mabgol rok, ma be rin’ yugu boch ban’en ni aram e ngongol ko darngal; me moro’ro’ u fithik’ e yargel, me lifith l’ugun, me t’ar e thin nga daken e girdi’.

Roma 1:26

Bochan e yad be rin’ e pin’ey, ma aram e pagrad Got yad be rin’ e tin ni yima tamra’ ngay ni ir e yad be yim’ ni bochan. Mus ngak e pi’in ni ppin ni kar chealgad ngorad yad be par ni gathi aram yalen.

Roma 1:29

Ke suguyrad urngin mit e tin nde mat’aw, nge tin nib kireb, nge chogow, nge kireb laniyan’; ma yad ba sug ko awan’, ma yad ma thang e pogofan, ma yad ma cham, ma yad ma sasalyeb, ma yad ba’adag ni ngar gafgow niged e girdi’. Ma yad ma dugdugthin,

Roma 6:13

Ma thingar dab kum paged fan bang u dowmed ngak e denen ni ngan maruwel ngay ni fan ko tin nib kireb. Machane ngam pi’ed gimed ngak Got, ni bod rogon e girdi’ ni kan chuwegrad ko yam’ kan fekdad ko yafos, mi gimed pi’med nge tafinay romed ni polo’ ngak ngan maruwel ngay ni fan ko tin nib mat’aw.

Roma 6:6

Ya gadad manang e re bugithin ni ba’aray: bin kakrom i gadad e kan uneg ngak Kristus kan li’row u daken e kuruth rok, ni fan e ngan kirebnag gelngin e bin kakrom i gadad nib tadenen, ya nge dab ku ud pired ni gadad e sib rok e denen.

Roma 7:23

Machane reb e motochiyel nib thil ko biney e gu be guy ni be maruwel u fithik’ag — reb e motochiyel ni be togopluw ko bin ba’aram e motochiyel ni ba’adag lanin’ug. Ir e ke teg ni gag e kalbus ko tin ba’adag e denen ni ir e be maruwel u fithik’ag.

Roma 7:5

Ya ngiyal’ ni ud ngongolgad nrogon e bin kakrom i pangidad, e tin nib tagan ni ud m’ad ni bochan, e Motochiyel e yib i ubchiya’nag ngi i maruwel u fithik’ i dowdad, nge yib wenegan ngodad ni yam’.

Roma 8:13

Ya fa’anra um ngongolgad nrogon nib m’agan’ e dowef romed ngay ma gimed ra yim’; machane fa’an gimed ra li’ ngem’ e ngongol romed nib denen nga gelngin fare Kan ni Thothup, ma gimed ra fos.

1 Korinth 5:1

Kanog ni bay reb e ngongol nrib kireb u fithik’med ni mus ko girdi’ ndar nanged Got ma dabiyag ni ngar ngongliyed; ya kanog ngog ni bay be’ nib mo’on ni yow be par leengin e chitamngin ko pa’ ndarngal, machane re pin nem e gathi ir e gargeleg e re pagel nem.

1 Korinth 6:11

Bay boch i gimed ni immoy ni aram rogon. Machane ke n’ag Got fan e denen romed ke be’ech nagmed; ma ka ni pi’med ngak Got; ma ka ni mat’aw nagmed ngak Got u daken fithingan Somol Jesus Kristus ngu daken fare Kan Nthothup rok e Got rodad.

1 Korinth 6:13

Ma be’ e bayi ga’ar, “Ggan e fan ko gil’iggan, ma gil’iggan e fan ko ggan.” Er rogon; machane Got e bayi chuwegrow. Dowef rok be’ e de leamnag Got ni ngan fanay ko ngongol ko darngal, machane ngan tayfan Somol ngay; mi Somol e fan ko dowef me ir e ma ayuweg.

1 Korinth 6:18

Mu guyed rogon nge dab mu ngongliyed e ngongol ko darngal. Tin kabay e denen nra ngongliy be’ e dariy ban’en nra rin’ nga downgin; machane cha’ nra ngongliy e ngongol ko darngal e ke denen nib togopluw ko birok’ e dowef.

2 Korinth 12:21

Gu be rusnag ni yanem ni gu ra yib e ra tamra’nigeg e Got rog ni bochmed, ma bo’or i gimed e bay gu yornag ni bochan e kar denengad ma dawor ra kolgad ngan’rad ngar pi’ed keru’rad ko kireb ni yad be rin’, nge ngongolen e darngal nge tin kireb ni yad be ar’arnag ma yad be ngongliy.

Galatia 5:24

Ma pi’in kar manged girdi’en Kristus Jesus e kar li’ed e tin nib kireb ni be ar’arnag lanin’rad nike un ngay urngin e tin nib kireb ni yima yim’ ni bochan.

Efesus 4:19

Ma dakurir tamra’gad; ma kar paged yad nga pa’ e kireb, ma yad be ngongliy urngin mit e puwlag ndakir yag ni ngar taleged yad riy.

Kolose 2:11

Taab girdi’ ni mu ted Kristus e aram e kan maad’ad ngomed, ni gathi maad’ad nma tay e girdi’ ngak e girdi’, machane rogon e maad’ad nma tay Kristus ngak e girdi’, ni aram e ke lufdad u gelngin e re dowef rodad ney nib tadenen.

1 Thessalonika 4:3

Ba’aray e n’en ni ba’adag Got ni ngam rin’ed: ba’adag ni ngam pired ni gimed ba thothup ma damur darngalgad ara par be’ nge be’ ni gathi mabgol rok.

1 Thessalonika 4:5

ma gathi bochan e ar’ar rok, ni bod e pi’in ndar nanged Got.

1 Timothy 6:10

Ya chogowen e salpiy e ir lik’ngin urngin mit e kireb. Boch e girdi’ e ri yad ba’adag ni nge yag ngorad ni aram tapgin ma kar mal’afgad u rogon ni nge mich Kristus u wun’rad, ma ke m’ingan’rad ke yib e kireban’ ni pire’ ngorad.

Hebrews 12:16

Mu ayuweged gimed nge dariy be’ u fithik’med ni nge pig nge ngongliy e ngongol ko darngal fa reb e de pag ir ngak Got nge mang Got e i gagiyegnag ni bod ni rin’ Esau, ni bochan ta’ab yay e abich me chuway’ nga mat’wun ni bay rok ni bochan e ir e bin nganni’ e bitir.

Hebrews 13:4

Mabgol e urngin e girdi’ ni nge tayfan, ma pumo’on nge ppin ni kar uned ko mabgol e thingari bagayad mi i par nib yul’yul’ ngak bagayad. Ya ra gechignag Got e pi arorad ni be ngongliy e ngongol ko darngal nge pi’in yad be par e girdi’ ni gathi mabgol rorad.

Hebrews 13:5

Dabi m’on e salpiy u lanin’med, ma ngam pired ni nge fel’ u wun’med e tin ni bay romed ban’en. Ya ke yog Got nike ga’ar, “Ri dab gu pagem; ma ri dab gu n’igem.”

James 4:1

U uw e ma yib urngin e cham nge tugthin u fithik’med riy? Ra bad ko tin ni be ar’arnag fithik’ i dowmed ni gubin ngiyal’ ma be cham ko tin ni manang lanin’med ni ir e bfel’.

1 Peter 2:11

Pi tafager rog, ri gu be wenig ngomed, ya gimed e milekag ni kambad ngaray nga fayleng! Dab mu paged gimed ngak e tin be yim’ e dowef romed ni bochan, ni gubin ngiyal’ ma be cham ngak lanin’med.

Revelation 21:8

Machane pi’in nra paged gag ni bochan e yad be rus, nge pi’in nda ur yul’yul’gad ngog, nge pi’in ur puwlaggad, nge pi’in nra thanged e pogofan, nge pi’in ni ur ngongliyed e ngongol ko darngal, nge pi’in ur piggad nge pi’in ni ur ted fan e liyos ma yad be meybil ngay, nge urngin e pi’in ur lifithed l’ugunrad e tagil’rad e fare lipath i nifiy ni be daramram ko sulfur, ni aram e bin l’agruw yay e yam’.”

Revelation 22:15

Machane pi’in ni bay ra pired u wuru’ e re binaw nem e pi’in yad ma puwlag nge pi’in yad ma pig, nge pi’in yad ma ngongliy e ngongol ko darngal, nge pi’in ni kar thanged e pogofan ko girdi’, nge pi’in yad be tayfan ma yad be meybil ngak e liyos nma meybil boch e girdi’ ngay, nge pi’in yad be lifith l’ugunrad ko thin ni yad be yog nge ngongol ni yad be rin’.