Kolose 3:24 - Bible Ni Thothup

²⁴ Dab mpaged talin nra pi’ Somol puluwon ngomed; ya ra pi’ ngomed e tin ke tay ni fen e tirok’ e girdi’. Ya Kristus e ir e cha’ nriyul’ ni ir e suwon gimed ni gimed be pigpig ngak.

Kolose 3:24 Σταυροειδείς Αναφορές

Genesis 15:1

Tomuren e biney, mi ni piliyeg e changar rok Abram me rung’ag laman SOMOL ni be non ngak ni be ga’ar, “Abram, dab mu rus. I gag e bay gu yororiyem ni dabi buch ban’en rom; mu gu fal’eg wa’atham.”

Proverbs 11:18

Girdi’ ni kireb e gathi rmayag ban’en ngorad, machane fa’anra ga ra rin’ e n’en ni bfel’, ma rib mich ni yira tow’ath nagem.

Matthew 10:41

Ma en nra fek e mol’og rok Got nga tabinaw rok nib m’agan’ ngay ni bochan e fa’anem e mol’og rok Got, e ku yira pi’ puluwon ni bod fa’anem; ma en nra pining be’ ni bfel’ nga tabinaw rok nib m’agan’ ngay ni bochan e bfel’ fa’anem, e yira pi’ puluwon ni bod fa’anem.

Matthew 5:12

Ngari felan’med, ya bay labgen ni ba ga’ ni fan ngomed ni kan tay u tharmiy. Ya ireray rogon e gafgow ni i tay e girdi’ ngak e pi profet ni yad ba kakrom ngomed.”

Matthew 5:46

Ere mang ni gimed be finey nra fulweg Got labgen ngomed ni fa’anra kemus ni pi’in gimed ba t’uf rorad e yad ba t’uf romed? Ya mus ngak e pi’in yad ma kunuy e tax ma ireyer e n’en ni yad ma rin’!

Matthew 6:16

“Ma fa’anra mpired ni kam paged e abich, ma dab mu kireb niged owchemed ni bod nma rin’ e pi’in yad ma madag girdi’ ni yad ma yan ni kar owchen i biliggad ni bochan e ngari nang urngin e girdi’ ni kar paged e abich. Dab mpaged talin, ni aram e kem’ay i pi’ puluwon ngorad ni polo’.

Matthew 6:5

“Ma fa’an gimed ra meybil, ma dab mu boded e pi’in yad ma madag girdi’, ni yad ba’adag ni ngar sak’iygad ngar meybilgad u lan e pi tafen e mu’ulung nge yungi n’en ni madardar ko kanawo’ ni bochan e nge gubin e girdi’ me guyrad. Dab mpaged talin, ni aram e kem’ay i pi’ puluwon ngorad ni polo’!

Luke 14:14

ma aram me fal’eg Got wa’atham; ni fan e dabiyag rorad ni ngar fulweged taban e magaer rom. Ya bayi pi’ Got puluwon ngom ko ngiyal’ ni kan faseg ko yam’ e pi’in yad bfel’.”

Luke 6:35

Aram e danga’! Nge t’uf romed e pi to’ogor romed mi gimed rin’ e tin ni bfel’ ngorad; ra ning be’ ban’en ngomed ni nge maruwel ngay mi gimed pi’ ma dab mu leam niged ban’en ni nge pi’ riy ngomed. Ya bay labgen ni ba ga’ nra fulweg Got ngomed, ma gimed pifak Got nib Th’abi Tolang. Ya Got e ba gol ngak e pi’in ndarir pininged e magaer ngak nge pi’in nib kireb.

John 12:26

En ni ba’adag ni nge pigpig ngog e thangri un ngog, ya en ni tapigpig rog e bay i par rog ko gin ni gu bay riy. Ya Chitamag e ra tayfan e cha’ nma pigpig ngog.”

Acts 20:32

“Ma chiney e nggu pag famed ngak Got nge thin rok ni murung’agen feni t’uf e girdi’ rok. Ya rayag rok ni nge yal’uweg pangimed i yan ma be gel nagmed me pi’ ngomed e f’oth romed ko tin be cha’riy ni fan ngak urngin e girdi’ rok.

Roma 1:1

Re babyor ney e yib rok Paul, ni tapigpig rok Kristus Jesus, ni ir ba apostel ni Got e mel’eg me pining ni nge machibnag ngak e girdi’ e Thin Ni Bfel’ ni yib rok Got.

Roma 14:18

Ma en nra pigpig ngak Kristus ko biney e kanawo’ e ra fel’ u wan’ Got ma ku ra fel’ u wan’ e girdi’.

1 Korinth 11:23

Ya tin kug weliy ngomed e yag ngog rok Somol ni fa’ani lungug: ye Somol Jesus, ko re neap’ nni yagnag, e fek e flowa,

1 Korinth 3:8

Ma ta’reb rogon e en ni yung nge en ni pu’og e ran ngay; ya Got e bayi bagayow me pi’ puluwon u rogon e maruwel ni tay.

1 Korinth 7:22

Ya en nib sib nike taw e thin rok Somol ngak e Somol e ke pithig fa’anem ko denen kemang reb e girdi’ rok; ere ku aram rogon ni be’ ni ir e mmil fan ir ngak me taw e thin rok Kristus ngak e kemang sib rok Kristus.

Galatia 1:10

Re bugithin ney ni kugog e gimed be finey ma gu be guy rogon ni nggu wan nga laniyan’ e girdi’? Danga’! I Got e gu be finey ni nggu wan nga laniyan’! Ara gimed be finey ni gu be guy rogon ni nggu fel’ u wan’ e girdi’? Fa’an mang e gu be guy rogon ni nggu fel’ u wan’ e girdi’, ma dab gu mang reb e tapigpig rok Kristus.

Efesus 6:6

Um rin’ed ni aray rogon ni gathi kemus ni ngiyal’ ni yad be guymed riy, ni bochan e ngam fel’gad u wun’rad; machane ngam rin’ed u polo’ i lanin’med e tin nib m’agan’ Got ngay, nrogon e sib rok Kristus.

Efesus 6:8

Dab mpaged talin ni Somol e ra pi’ puluwon urngin e girdi’, nra be’ ma puluwon ko maruwel ni bfel’ ni be rin’, ndemturug ko be’ nib sib ara dangay.

Kolose 2:18

Dab mpaged be’ nge mang ir e turguy ni gimed ba kireb ni be yog ni ir e ba ga’ ni bochan e kan piliyeg e changar rok ke guy bogi ban’en, ma be yog nthingar ni sobut’ nigey ni gathi bin riyul’ e sobut’an’, ma yad be yog ni ngan tayfan min meybil ngak e pi engel. Ya ra aram rogon be’ ma ke ufanthin ndariy rogon, ya leam ni be tay e rogon e leam nma tay e girdi’,

Hebrews 10:35

Ere dabi mulan’med ngu’um pired nib pagan’med, ya bay wenegan ni ba ga’ nra yib ngomed.

Hebrews 11:6

Dariy be’ nra fel’ u wan’ Got ni fa’anra de mich Got u wan’. Ya en nra yib ngak Got e thingari mich u wan’ ni bay Got mra tow’athnag e pi’in yad be gay Got.

Hebrews 9:15

Ireray fan ni Kristus e ir e ngongliy rogon e bin nib be’ech e m’ag, ni fan e pi’in ke piningrad Got e nge yag e fla’ab ndariy n’umngin nap’an ngorad nike yog Got nra pi’ ngorad. Ren’em e rayag ni fan e yam’ nike tay e ir e ke biyuliy e girdi’ ko pi kireb ni kar ngongliyed ko ngiyal’ ni ba’aram ni yad be par u tan e bin som’on e m’ag.

1 Peter 1:4

ere gadad be son ni nge yag ngodad e fla’ab ni ba ga’ nike cha’riy Got ni fan ngak e tirok’ e girdi’, ni be cha’riy e pi tow’ath nem u tharmiy ni fan ngomed ko gin ndabiyag ni nge wod riy ara kireb fe kaday.

2 Peter 1:1

Re babyor ney e yib rok Simon Peter, ni ir reb e tapigpig me ir reb e apostel rok Jesus Kristus — Ngak e pi’in nu daken e mat’aw rok Got rodad nge Jesus Kristus ni ir e ma thapeg e girdi’ ngak Got e ke yag riy ngorad e michan’ nta’reb rogon feni ga’ fan ko biromad e michan’:

Jude 1:1

Re babyor ney e yib rok Jude ni ir reb e tapigpig rok Jesus Kristus, ni be’ nib mo’on ni walagen James — Ngak e pi’in nike piningrad Got, ni yad be par ni yad bt’uf rok Got, ni ir e Chitamangiy, ma be yororiyrad Jesus Kristus:

Ruth 2:12

Mang e yigi pi’ SOMOL puluwom ko tin ka mu rin’; mang e yigi pi’ SOMOL puluwom ni polo’, ni fare Got nu Israel, ni ir e ka mub ni ngam naf nga tan pa’!”