Kolose 3:15 - Bible Ni Thothup

¹⁵ Ma gapas nma pi’ Kristus nga lanin’dad e nge mang ir e ngi i gagiyegnag lanin’med; ya re gapas ney e ir e ke piningmed Got ngay ko fare dowef nri ta’reb. Ere um pininged e magaer ngak Got u lanin’med.

Kolose 3:15 Σταυροειδείς Αναφορές

Psalms 100:4

Marod ngalan e pi garog ko Tempel rok ni gimed be pining e magaer ngak, marod ngalan e yoror rok nib thothup ni gimed be pining e sorok ngak! Mu pininged e magaer ngak mi gimed pining e sorok ngak!

Psalms 107:22

Thingar ra urfiyed e gamanman ngar pi’ed ngak ni maligach ni aram e yad be pining e magaer ngak, miyad tang u fithik’ e felfelan’ ngar weliyed urngin e tin ke rin’!

Psalms 116:17

Bay gu pi’ ngom e maligach ni ogmagaer mu gu pi’ e meybil rog ngom.

Psalms 29:11

I SOMOL e ma pi’ gelngin e girdi’ rok mma fal’eg wa’athrad ko gapas.

Isaiah 26:3

I gur, SOMOL, e ngam pi’ e gapas nib manigil ngak e pi’in nib muduwgil lanin’rad ma gur e ma lagan’rad ngom.

Isaiah 27:5

Machane fa’anra pi to’ogor ko girdi’ rog e yad ba’adag ni nggu aywegrad, ma yad e ngar aw niged e gapas u thilmad. Arrogon, yad e ngar aw niged e gapas u thilmad.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Isaiah 57:19

Ma bay gu pi’ e gapas ngak gubin e girdi’, ni tin yad ba chugur nge tin yad bpalog! Bay gu golnag e girdi’ rog.

Jonah 2:9

Machane bay gu tang nigem ni gu be pining e sorok ngom; ma bay gu li’ ba gamanman nggu pi’ ngom ni maligach, tin ni kug weliy ngom e bay gu rin’. I SOMOL e ma yib e ayuw rok!”

John 14:27

“Nggu tay e gapas nge par romed; nggu pi’ e gapas rog ngomed. Dab gu pi’ ngomed ni bod rogon nma rin’ e girdi’ nu fayleng. Dabi magafan’med ma dabi wagagey lanin’med; ma dab mu tamdaggad.

John 16:33

Kugog e re bugithin ney ngomed ni bochan e nge pagan’med ni fan e kad ta’ab girdi’gad. Bayi gafgow nagmed e fayleng. Machane dab mu rusgad! Ya kug gel ko fayleng!”

Roma 1:21

Yad manang Got, machane darir ted fan nrogon ni ngan tayfan, ma darir pininged e magaer ngak. Ma tin ndariyfan e yad be leamnag ma lanin’rad ndariy ban’en riy e be par u fithik’ e lumor.

Roma 14:17

Ya gagiyeg rok Got e dariy rogon e abich nge garbod ngay, ya mat’aw, nge gapas, nge felfelan’ nma pi’ fare Kan Nthothup e bay rogon ngay.

Roma 15:13

I Got ni ir e ma pi’ e pagan’ e nge suguymed ko felfelan’ nge gapas u daken e michan’ romed ngak, nge yag ni i ilal e pagan’ romed ngak u gelngin fare Kan Nthothup.

Roma 5:1

Ere chiney e ke mat’aw nagdad Got ngak u daken e michan’ rodad ngak Jesus Kristus, ere ke aw e gapas u thildad Got nike yag u daken e Somol rodad i Jesus Kristus.

1 Korinth 10:17

Ya ta’reb e flowa ni bay, ma gadad gubin ni aray fadad yo’or e gadad ta’ab dowef; ya gadad gubin ni gadad be fek e f’oth rodad u ta’ab flowa.

1 Korinth 7:15

Machane fa’anra finey e arorow nde mich Kristus u wan’ ni nge chuw rok e arorow nike mang reb i girdi’en Kristus ma fa’anem nike mang girdi’en Kristus e nge pag fa’anem nge yan. Ya ra yodorom ma fa’anem ni girdi’en Kristus ko fa gali yabgol ndemturug ko en ni figirngiy ara en ni leengiy e rayag ni nge pag fa’anem nge yan; ya Got e ke piningmed ni ngam pired u fithik’ e gapas.

2 Korinth 4:15

Urngin e pin’ey ma gimed e fan ngomed; ma bay i yo’or e girdi’ i yan ni be taw e ayuw rok Got ngorad ni bochan e be runguyrad, ma bo’or e meybil ni bay ra pi’ed ni yad be pining e magaer ngak Got, ni aram e yad be tayfan.

2 Korinth 9:11

Gubin ngiyal’ ni bayi ta’med ni bfel’ urngin e tin ni bay romed nge yag ni um pi’ed ban’en ni gubin ngiyal’ u fithik’ e gol, ni fan e nge yo’or e girdi’ nra pininged e magaer ngak Got ko tow’ath ni kam pi’ed ngorad.

Efesus 4:16

Urngin yang ko re dowef nem ma ke peth nga ta’bang nrogon nike gagiyegnag, ma re dowef nem e be par nib chayem ni urngin e ul ul ni kan tay ngay e ir e be kol. Ere fa’anra bang me maruwel nrogon ni nge maruwel, ma aram mi i ilal fare dowef ma be ga’nag ir i yan u daken e t’ufeg.

Efesus 4:4

Ya ta’reb e dowef ni bay ma ta’reb e Kan Nthothup, ni bod rogon nri ta’reb e pagan’ ni bay ni ir e ke piningmed Got ngay.

Efesus 5:1

Thingar um guyed rogon ngu’um pired ni gimed be folwok rok Got, ni bochan e gimed pifak ni gimed ba t’uf rok.

Efesus 5:20

Gubin ngiyal’ ni ngu’um pininged e magaer ngak Got ni Chitamangiy u fithingan e Somol rodad i Jesus Kristus u gubin ban’en.

Kolose 1:12

Mu um pinined e magaer u fithik’ e felfelan’ ngak e en ni Chitamangiy ni ir e ke ngongliymed kam pired nrayag ni nge yag e f’oth ngomed u urngin ban’en ko tin ke tay Got ni fan ngak e tirok’ e girdi’ ko gin nsuwon nrib tamilang.

Kolose 2:7

Mu ted lik’ngimed nib to’ar nga fithik’ Kristus, mu ubunged e ngongol romed nga daken ya ir e def romed, mi i gel i yan e mich romed ngak, ni bod rogon ni kan fil ngomed. Mu um pininged e magaer ngak.

Kolose 3:17

Ere urngin ban’en ni ngu’um rin’ed ara gimed be yog ma ngam rin’ed u daken fithingan Somol Jesus, ma gimed be pining e magaer u daken ngak Got ni Chitamangiy.

1 Thessalonika 5:18

demturug e n’en nra yib ngomed ma gubin ngiyal’ ni ngu’um pininged e magaer ngak Got. Ireray e tin ni ba’adag Got ni ngam rin’ed e pi’in kam manged girdi’en Kristus Jesus.

1 Timothy 2:1

Ere bin som’on e gu be wenignag ngak girdi’en e galesiya ni ngu’ur meybilgad ngak Got ni fan ngak urngin e girdi’, ma yad be wenig ngak ni nge runguyrad, miyad pining e magaer ngak ni fan e tin ni bayi rin’ ni fan ngorad,

1 Timothy 6:12

Mu athamgil ngam mil nike musmus rogom ko sagreng ni yibe tay u rogon nib mich Got u wun’uy, ngam yagnag ngom e yafos ndariy n’umngin nap’an; ya ireray e re yafos nike piningem Got ngay ko fa ngiyal’nem ni mu weliy ni bfel’ rogon u p’eowchen bo’or e girdi’ rogon nike mich Kristus u wun’um.

Hebrews 13:15

Ere ngu’ud pininged e magaer nge sorok’ ngak Got ni gubin ngiyal’ ni ir e maligach rodad ngak u daken Jesus; ni aram e re maligach ni gad be pi’ u dap’ilangdad ni gadad be yog ni ir e Somol.

Revelation 7:12

ni be lungurad, “Amen! Sorok, nge gilbuguwan, nge gonop, nge magaer ni ngan pining, nge tayfan, nge gelngiy nib th’abi gel, nge gagiyeg e ir e bay i par rok e Got rodad ndariy n’umngin nap’an! Amen!”