Kolose 3:13 - Bible Ni Thothup

¹³ Nge bigimed mi i ayuweg bigimed ko me’waer rok u fithik’ e runguy, mu um n’iged fan u wun’med e n’en ni manga ke kirebnag bigimed u laniyan’ bigimed ko re ngiyal’ i n’en ni bay ban’en nike dabuy bigimed nike rin’ bigimed ngak. Thingar um n’iged fan u wun’med e n’en nike rin’ bigimed ngak bigimed ni bod rogon nike n’ag Somol fan u wan’ e tin ni kam rin’ed nib togopluw ngak.

Kolose 3:13 Σταυροειδείς Αναφορές

Proverbs 19:11

Fa’anra gur be’ ni ga ba filmungyan’, mrayag ni ngam filan’um ko damumuw rom. Nap’an nra rin’ be’ ban’en ngom nib kireb, ma ri fel’ngin e ngam n’agfan u wun’um.

Matthew 5:44

Machane chiney e nggog ngomed ni nge lungug, Nge t’uf romed e pi to’ogor romed, mpi’ed e meybil rok e pi’in yad be ngongliy e kireb ngomed,

Matthew 6:12

Ma ga n’ag fan u wun’um e kireb romad, ni bod ni kug n’iged fan u wun’mad e kireb nike rin’ boch e girdi’ ngomad.

Mark 11:25

Ma ngiyal’ ni gimed ba sak’iy ni gimed be meybil, e fa’anra bay ban’en u laniyan’ bigimed nib togopluw ngak be’ ma nge n’ag fan rok fa’anem, ni bochan e ngki yag ni n’ag e Chitamangimed nu tharmiy fan e denen romed.”

Luke 11:4

Ma ga n’ag fan u wun’um e denen romad, ya kug ninged fan u wun’mad e kireb nike ngongliy urngin e pi’in kar ngongliyed e kireb ngomad. Ma dab mfekmad ko sikeng nib mo’maw’.”

Luke 23:34

Me ga’ar Jesus, “Chitamag, mu n’ag fan u wun’um e n’en ni yad be rin’! Ya dar nanged e n’en ni yad be rin’.” Miyad f’oth e mad rok rorad, ni yad be girngiy e pow ni nge duwgiliy e bin ni nge fanay bagayad.

Roma 15:7

Um pired nra bigimed ma ba t’uf rok bigimed, ni bod ni be par Kristus ni gimed ba t’uf rok, ni fan e nganog e sorok ngak Got.

2 Korinth 2:10

Fa’an gimed ra n’ag fan u wun’med e n’en ke rin’ be’, ma ku er rogog ni ku gu n’ag fan u wun’ug. Ya fa’anra kug n’ag fan u wun’ug ban’en nib kireb, ma kug rin’ u p’eowchen Kristus ni bochmed,

2 Korinth 6:6

U daken lanin’mad nib machalbog, nge tin nib tamilangan’mad riy, nge gumaen’, nge rogon ni gamad ba gol e kug daged gamad riy ni gamad e tapigpig rok Got; ngu daken fare Kan Nthothup, ngu daken rogon nriyul’ nib t’uf e girdi’ romad,

Galatia 6:2

Nge bigimed me ayuweg bigimed nge un i fek gilban fa’anem, ireray rogon ni gimed ra rin’ ma aram e kam folgad ko fare motochiyel ni pi’ Kristus.

Efesus 4:2

Mu pired nib sobut’an’med, ma gimed ba sumunguy, ma ba gum’an’med ni gubin ngiyal’. Nge bigimed mi i ayuweg bigimed ko me’waer rok u fithik’ e runguy.

Efesus 4:32

Machane um golgad ngomed, me bigimed me munguy ngak bigimed, mu um n’iged fan u wun’med e tin nib kireb nike rin’ bigimed ngak bigimed, ni bod rogon Got ni bochan Kristus ma aram fan nike n’ag fan u wan’ e kireb ni kam rin’ed.

Efesus 5:2

T’ufeg e thangri mang ir e i gagiyegnag e ngongol romed, ni bod rogon Kristus ni gadad ba t’uf rok me pi’ e pogofan rok ni bochdad, nike mang maligach ni bfel’ bon u daken e altar ni ir e mm’agan’ Got ngay.

Kolose 3:12

Gimed girdi’en Got; ya gimed ba t’uf rok ma ke duwgiliymed ni ngam manged girdi’en. Aram fan ni runguy, nge gol, nge sobut’an’, nge sumunguy, nge gumaen’ e thingar mon’ed nga dakenmed nge mang mad romed.

James 2:13

Ya ngiyal’ nra pufthinnag Got e en nde runguy be’ e ku dabi runguy Got fa’anem; ya runguy e ra gel ko pufthin.

1 Peter 2:21

Ireray e ren’en ni ir e ke piningmed Got ngay; ya Kristus e ir e gafgow ni bochmed me dag ngomed rogon ni ngam folwokgad rok, ni aram e ngu’um leked luwan ay.