Kolose 2:14 - Bible Ni Thothup

¹⁴ Ma ke thang babyoren e malfith rodad ni ir e immoy nib mich nib togopluw ngodad, nib mu’un ngay e tin ni i yog e motochiyel ni ngan rin’, me richibiy ko kuruth, ni aram e re babyor nem e ke m’ayfan.

Kolose 2:14 Σταυροειδείς Αναφορές

Nehemiah 4:5

Dab mu n’ag fan u wun’um e kireb rorad, ma dab mu pag talin e denen rorad, ya ka rogned e thin nib kireb ngomad e pi’in ni gamad be muruwliy e re maruwel ney.”

Ester 3:12

Aram, me rofen ni ragag nge dalip ko bin m’on e pul me pining Haman e pi tayol rok e en pilung nge yog ngorad ni ngar yoloyed e babyor ni ngan pilyeg e thin riy nga gubin mit e thin ni yima yog u ga’ngin gil’ilungun fare pilung, mi ni pi’ nge garer ko gubin e pi’in yad ma gagiyeg, nge pi governor, nge pi tolang ko salthaw. Yungi babyor nem e fithingan fare pilung i Xerxes e ni tay nga daken, mi ni pag e hung rok nga daken ni fare luwaw rok e ni fanay ngay.

Ester 8:8

Machane bbug i thin ni kan yoloy kan garareg ni bay fithingan e en pilung riy ma ka ni pirdi’iy e pow rok e pilung ngay e dabyag i thilyeg. Ma demturug e tin gimew be leamnag mra yag ni mu yoloyew nge yan ngak e pi Jew; ni ngan yoloy u tan fithingag mi ni pirdi’iy e hung ko pilung ngay.”

Psalms 51:1

A Got, nge wurengan’um ngog, ni bochan e t’ufeg rom ni dabimus; mu chuweg e denen rog, ya ba ga’ e runguy rom!

Psalms 51:9

Mu fek owchem ko denen rog, ma ga chuweg urngin e kireb rog.

Isaiah 43:25

“Machane Gag fare Got ni gu ma chuweg e denen romed, ma gu ma rin’ ni bochan e Gag e En ni Gag. Dab kug leamnag e denen romed.

Isaiah 44:22

Kug chuweg e denen rom ni bod bangi manileng. Mu sul ngog; ya gag e kug biyuliyem.”

Isaiah 57:14

I SOMOL e ga’ar, “Ngan pag e girdi’ rog nge sul ngog. Ngan chuweg urngin e tin be dubchey u kanawo’ rorad! Ngan fal’eg e kanawo’ ngan felfal’eg rogon nge par!

Numbers 5:23

Ma aram me yoloy fare prist e pi buch wa’athan ney me luknag fapi yol ngalan fa raba’ i dabiy nge yan renggin nga fithik’ fapi ran nib mo’oy.

Luke 1:6

Ni yow l’agruw ma ur pirew ni bfel’ e ngongol rorow u p’eowchen Got, ma yow be fol ko tin keyog Somol nge pi motochiyel.

Acts 3:19

Ere mu kolgad ngan’med mi gimed pi’ keru’med ko denen mi gimed cheal ngak Got, nge yag ni chuweg e denen romed. Fa’anra mu rin’ed ni aray rogon,

Kolose 2:20

Kam uned ngak Kristus ko yam’ kan chuwegmed u tan pa’ e pi kan ni yad ma gagiyegnag e gin’en ni bay urngin ban’en u lanelang riy nib mu’un e fayleng ngay. Ere mangfan ni gimed be ngongol ni gowa mmil famed ngaray nga fayleng? Ere mang ni gimed be fol ko pi motochiyel ni bod e pi motochiyel ni ba’aray nike lunguy,

2 Thessalonika 2:7

Ma gelngin e N’en nib Kireb nib mith e ke tabab ko maruwel, machane n’en ni bayi buch e dabi buch nge yan i mada’ ko ngiyal’ ni yira chuweg u kanawo’ rok e en ni ir e be taleg.

Hebrews 7:18

Ma bin kakrom e motochiyel e ni pag, ya ba waer ma dabiyag ni nge ayuwegdad.

Hebrews 8:13

Re bugithin ney nike yog Got ni murung’agen reb e m’ag nib be’ech, e ir e ke dag Got riy ni fa bin som’on e m’ag ni ngongliy e ke farem; ma ban’en nike kakrom ma ke kaday e dabki n’uw nap’an me chuw.

1 Peter 2:24

Kristus e ir e girngiy urngin e denen rodad nga daken me fek nge yan nga daken e kuruth, ni fan e ngad m’ad rok e denen ni gadad be par rok ngad chuwgad rok ma gadad par ni gadad be rin’ e tin nib mat’aw. Maad’ad nike tay e ir e ke gol nagmed.