Kolose 1:5 - Bible Ni Thothup

⁵ Ngiyal’ ni som’on ni yib e thin rok Got nib riyul’ ngomed, ni ir fare Thin Ni Bfel’, ma mu rung’aged e n’en ni be yog nra pi’ ni ir e nge lagan’uy ngay. Ere rogon nib mich Kristus u wun’med nge rogon nib t’uf Got nge girdi’ romed e yib ko n’en nike lagan’med ngay, ni ir e be cha’riy Got u tharmiy ni fan ngomed.

Kolose 1:5 Σταυροειδείς Αναφορές

Psalms 31:19

Rib th’abi fel’ e tin ga ma cha’riy ni fen e pi’in yad ma liyor ngom! Go’ yimnang fanam gol, rib fel’ rogon ni ga ma ayuweg e pi’in nib pagan’rad ngom.

Luke 12:33

Ere mpi’ed ni chuway’ urngin e tin ni bay ban’en romed mi gimed pi’ e salpiy riy ngak e pi’in gafgow. Mu yagniged ngomed tafen e salpiy ndar ma kireb, mi gimed ayuweg e fla’ab romed nga tharmiy, ko gin ni dabi lich riy, ma dariy ba moro’ro’ nrayag ni nge ded pa’ ngay, ma dabi kirebnag e ngal.

Acts 10:36

Gimed manang e thin ni pi’ nge yib ngak e girdi’ nu Israel, ni be weliy fare Thin Ni Bfel’ ni murung’agen e gapas nrayag ngodad u daken Jesus Kristus, ni ir e Somol rok urngin e girdi’.

Acts 13:26

“Pi walageg, ni gimed owchen Abraham, nge gimed urngin e pi’in gathi gimed piyu Israel ni gimed bay u roy ni gimed ma meybil ngak Got: re thin rok Got ney ni murung’agen rogon min thap ngak Got e gadad e kan pi’ ke yib ngodad!

Acts 23:6

Ma fa’ani guy Paul ni boch i yad e re ulung nem e Sadduse ma boch i yad e Farise, me welthin u lan fare ulung ni ga’ar, “Pi walageg! I gag reb e Farise, ni gag be’ ni fak e Farise gag. Ma ngan pufthin nigeg u roy ni bochan e be l’agan’ug ngay ni yira faseg e yam’.”

Acts 24:15

Ma ta’reb rogon e l’agan’ ni gu be tay ngak Got ko l’agan’ ni be tay e pi cha’ney ngak, ni aram e be l’agan’mad ngak Got ni bayi faseg urngin e girdi’ ko yam’, ni tin ni bfel’ nge tin nib kireb.

Roma 10:8

Ya ba’aray e n’en ni be yog e babyor nib thothup: “Thin ni pi’ Got nge yib e ba chugur ngom, ni bay u daken dap’i l’ugunam ngu fithik’ i lanin’um” — ni aram fare thin ni murung’agen e mich u wun’uy ngak Kristus ni ir e gamad be machibnag.

1 Korinth 13:13

Ere dalip ban’en ni ba’aray nra par: ni aram e michan’ ngak Kristus, nge pagan’ ngak, nge rogon ni gadad ba t’uf rok Got nge rogon nib t’uf Got rodad nge girdi’; ma bin th’abi ga’ ko pin’ey e rogon ni gadad ba t’uf rok Got nge rogon nib t’uf Got rodad nge girdi’.

1 Korinth 15:19

Ma fa’anra pagan’ rodad ngak Kristus e kemus ni fan ko biney e tamilang, me ere susun e gadad e pi’in ngari kireban’uy ngodad u roy u fayleng.

2 Korinth 5:19

Gamad be machibnag ni Got e be m’ag e tafager ngak urngin e girdi’ u daken Kristus. I Got e daki tay u wan’ e denen rorad, ma ke pi’ e thin riy ngomad ngarogon nra ngongliyrad ngar manged pi tafager rok.

2 Korinth 6:7

ngu daken e thin rok Got nib riyul’ ni gamad be machibnag ngak e girdi’, ngu daken gelngin Got. Ma rogon ni gamad bmat’aw ngak Got e ir e kemang talin e cham romad ni nggu chamgad ngay ma nggu yororgad romad ngay.

Galatia 2:14

Ma fa’an gguy ndarir folgad ko tin nib mat’aw ni bod rogon e tin riyul’ nike dag fare Thin Ni Bfel’, mu gog ngak Peter u p’eowcherad ni yad gubin ni lungug, “I gur e ga be’ u Israel, machane um ngongol ni bod rogon be’ ni gathi be’ u Israel, ma gathi um ngongol ni bod rogon be’ u Israel. Ere ke uw rogon ma kam guy rogon ni ngam gelnigem ngak e pi’in gathi yad piyu Israel ni ngar ngongolgad ni bod rogon piyu Israel?”

Galatia 2:5

Dariy ta’reb e mint’ ni gu m’inggad ngorad, ni fan e nge yag ni gu ayuweged ni fan ngomed e tin nib riyul’ ni ir fare Thin Ni Bfel’ ni yib rok Got.

Galatia 5:5

Machane gadad e be l’agan’dad ngak Got ni ir e nge mat’awnagdad ngak; ni ireray e ren’en ni ir e gadad be sonnag ni nge yag ngodad u gelngin e Kan Nthothup rok Got ni be maruwel u fithik’ e michan’ rodad ngak Kristus.

Efesus 1:13

Ere ku er rogomed: fa’an mu rung’aged fare thin nib riyul’ nni pi’ nge yib, ni aram fare Thin Ni Bfel’ ni ir e thapegmed ngak Got, me mich Kristus u wun’med, me tay Got e pow rok ngomed ni aram e kam manged girdi’en ni fan e pi’ fare Kan Nthothup rok ngomed ni yog nra pi’.

Efesus 4:21

Ya kari mu rung’aged murung’agen, ma gimed e gimed girdi’en, ere kan fil ngomed e tin nib riyul’ e thin ni ir e ba’ rok Jesus.

Kolose 1:23

Thingar um pired ni gimed ba yul’yul’ ma gimed bmuduwgil ko n’en nike michan’med ngay, ma dab mpaged gimed nge maruwaran’med ko n’en ke lagan’med ngay, ni yag ngomed ko ngiyal’ ni mu rung’aged fare Thin Ni Bfel’. I gag Paul e gu mang reb e tapigpig ni bochan e re Thin Ni Bfel’ ney — nre Thin Ni Bfel’ ney ni kan machibnag ngak urngin e girdi’ u fayleng.

Kolose 1:27

Ya ba’aray rogon ni leamnag Got: i leamnag ni nge nang e girdi’ rok e tin immoy nda nnang, ni fare n’en nrib fel’ ni bay rok ni fan ngak girdi’en urngin e nam. Ere ren’em ni immoy nda nnang e ba’aray: Kristus e bay u fithik’med, ni fan e ren’ey e aram e gimed ra un ngak Got ko fla’ab.

Kolose 3:16

Thin ni ir e bth’ab feni fel’, ni weliy Kristus e thangri i par ni polo’ u lanin’med. Um filed ngomed ma gimed be fonow nagmed ngay u fithik’ e gonop. Umon’ed e tang ni thin rok Got ni bay ko Psalm, nge tang ni machib, nge tang ni murung’agen Got; um tang niged Got ni gimed be pining e magaer ngak Got u wun’med.

1 Thessalonika 2:13

Ma ku ba’aray reb i fan ni gubin ngiyal’, ma gamad be pining e magaer ngak Got, bochan e gu feked e thin rok Got i yib ngomed mi gimed rung’ag nge mu’ mi gimed fol riy, ma da mu leam niged ni thin rok e girdi’, ya mu leam niged ni thin rok Got, ni er e bin ni ir, ya ri ir e thin rok. Ya Got e be maruwel u fithik’med e pi’in ke mich Got u wun’med.

2 Thessalonika 2:16

Somol rodad i Jesus Kristus nge Got ni ir e Chitamangidad, ni gamad ba t’uf rok e ir e ke runguydad ke ayuwegdad, ya ke pi’ e m’uthan’ ngodad nge reb e pagan’ nib muduwgil ni bay i par ndariy n’umngin nap’an,

1 Timothy 1:15

Re bugithin ni ba’aray e rib riyul’, ma ngari mich u wun’uy me pagan’uy ngay: ni Kristus Jesus e yib ngaray nga fayleng ni nge thapeg e pi tadenen ngak Got. Me gag e th’abi kireb u fithik’rad,

2 Timothy 4:8

Me ere chiney e be son nigeg puluwog ko gel ni kug tay, ni aram fare te’eliyaw ko mat’aw ni ir e bayi pi’ fare Tapufthin nib mat’aw i Somol ngog e Chirofen nem — ni gathi go’ gag, ya bayi pi’ ngak urngin e pi’in nib t’uf Somol rorad ma yad be sonnag ni nge yib i m’ug.

Titus 1:2

ni murung’agen e yafos ndariy n’umngin nap’an ni ir e nge l’agan’uy ngay. I Got nder ma ban e turguy e re yafos ney ndariy n’umngin nap’an ni nge pi’ ngodad ko ngiyal’ ndawori sunumeg e fayleng riy,

Hebrews 7:19

Ya Motochiyel rok Moses e dabiyag ni nge fal’eg ban’en ngari fel’. Ma chiney e kan pi’ ban’en ngodad ni kab gel e fel’ riy ni ir e ke l’agan’dad ngay, ni ir e ra chugurnagdad ngak Got.

1 Peter 2:2

Mpired ni gimed bod e bitir ni kafin nni gargeleg, ni gubin ngiyal’ ma be yib lamen e milik ngomed, ni milik nib machalbog ni fan nga lanin’med, ya ra um unumed mi gimed ilal ngam thapgad ngak Got.

1 Peter 3:15

Machane ngam liyorgad ngak Kristus u lanin’med, mi gimed tay ni ir e Somol romed. Mu fal’eged rogomed ni gubin ngiyal’ ni ngam pi’ed e fulweg ko n’en nra fith be’ ngomed ni ngam weliyed u murung’agen e ren’en ni ir e ke l’agan’med ngay.

2 Peter 1:12

Ireray fan ni gubin ngiyal’ ni bay ug puguran ngomed e pin’ey, ni yugu aram rogon ni kam nanged ma kam pired ni gimed bmuduwgil u fithik’ e tin ni ir e ba riyul’ ni kam nanged.

1 John 3:3

Gubin e girdi’ nike l’agan’rad ngak Kristus ni aray rogon e ra bagayad ma be tay ir nib machalbog, ni bod rogon feni machalbog Kristus.