Kolose 1:3 - Bible Ni Thothup

³ Gubin ngiyal’ ni gamow ma pining e magaer ngak Got, ni Chitamngin e Somol rodad i Jesus Kristus, ko ngiyal’ ni gamow ma pi’ e meybil romed riy.

Kolose 1:3 Σταυροειδείς Αναφορές

Roma 15:6

ni fan e gimed gubin ni nge ta’reban’med ngamogned e sorok ngak Got ni ir e Chitamngin e Somol rodad i Jesus Kristus.

1 Korinth 1:4

Gubin ngiyal’ ni gu be pining e magaer ngak e Got rog ni bochmed, ni bochan e ayuw nike pi’ ngomed u daken Kristus Jesus.

2 Korinth 1:3

Ngad pininged e magaer ngak Got ni Chitamngin e Somol rodad i Jesus Kristus, me ir e Chitamangiy nrib tarunguy e girdi’, ni ir fa’anem i Got ni urngin mit e ayuw me ir e be yib rok ngodad!

Efesus 1:15

Ireray fan ni kanap’an ni gu rung’ag murung’agen rogon e michan’ romed ngak Somol Jesus nge murung’agen rogon nib t’uf romed urngin e girdi’ rok Got,

Efesus 6:18

Mu rin’ed urngin e pin’ey u fithik’ e meybil, ngu’um weniggad ngak Got nge ayuwegmed. Gubin ngiyal’ ni ngu’um meybilgad nrogon ni be pateg fare Kan Nthothup nga lanin’med. Ireray fan ni ngar mu tedan’med ma dab mpaged gimed; gubin ngiyal’ ni ngu’um yibiliyed urngin e girdi’ rok Got.

Filippi 4:6

Ma dariy ban’en ni nge magafan’med ngay, machane fa’an gimed ra meybil ngak Got mi gimed ning ngak e tin nge yag ngomed, ma gubin ngiyal’ ni ngu’um ninged ngak ni gimed be pining e magaer ngak u lanin’med.

Kolose 1:13

Ya ayuwegdad nge chuwegdad u fithik’ i gelngin e talumor me thapegdad ko gin nsuwon e en ni Fak nib t’uf rok,

Kolose 1:9

Ireray fan ni gubin ngiyal’ ma gamow be pi’ e meybil ni fanmed, ni fa ngiyal’ ni ba’aram ni gu rung’agew murung’agmed riy ke mada’ ko chiney. Gamow ma wenignag ngak Got ni nge tamilangnag lanin’med ngam nanged e tin nib magan’ ngay ni ir e ngam rin’ed, nib cheag urngin e gonop nge tamilangan’ ngay nma pi’ e Kan Nthothup rok.

1 Thessalonika 1:2

Gubin ngiyal’ ma gamad ma pining e magaer ngak Got ni bochmed ni gimed gubin, ma gubin ngiyal’ ni gamad ma unegmed ko meybil romad.

2 Timothy 1:3

Gu ma pining e magaer ngak Got, ni ir e gu be pigpig ngak ma dariy ban’en ni be yog lanin’ug ngog ni kug rin’ nib kireb, ni bod ni i rin’ pi chitamag. Gu be yibilayem ngak Got ma gu be pining e magaer ngak ni bocham nneap’ nge rran.