Kolose 1:2 - Bible Ni Thothup

² Ngak e girdi’ rok Got nu Kolose, ni pi’in yad ba yul’yul’ ni kad walaggad u daken Kristus: I Got ni Chitamangidad e ngi i ayuwegmed ma be pi’ e gapas nga lanin’med.

Kolose 1:2 Σταυροειδείς Αναφορές

Psalms 16:3

Rib fel’ pi girdi’en SOMOL ni yad ba yul’yul’! Kargum’ ni bochan ni nggu un ngorad.

Acts 9:13

Me fulweg Ananias ni ga’ar, “Somol, bo’or e girdi’ ni karogned ngog murung’agen e re mo’on nem, ni murung’agen urngin e kireb nike rin’ ngak e tirom e girdi’ u lan yu Jerusalem.

Roma 1:7

Ere gu be yol ngomed ni gimed gubin e pi’in gimed bay u Roma ni gimed ba t’uf rok Got nike piningmed Got ni ngam manged girdi’en ni be lungug: I Got ni Chitamangidad nge Somol Jesus Kristus e ngu’ur ayuwegew gimed ma yow be pi’ e gapas nga lanin’med.

1 Korinth 1:2

Ngak girdi’en e galesiya rok Got ni bay u lan yu Korinth, ni urngin e pi’in ni Got e ke piningrad ni ngar manged girdi’en, ni pi’in ke mil farad ngak Got ni bochan e kar ta’ab girdi’gad Kristus Jesus, ma kar ta’ab girdi’gad urngin e girdi’ nu gubin yang ni pi’in yad ma pining fithingan e Somol rodad i Jesus Kristus, ni ir e Somol rorad nge gadad:

1 Korinth 4:17

Ireray fan ni kug l’oeg Timothy ke yib ngomed. Ya ir e kemang be’ ni fakag u daken Somol, ni be’ nib t’uf rog ma ba yul’yul’. I ir e bayi puguran ngomed rogon e ngongol ni gu ma rin’ u fithik’ e bin be’ech e wok nike pi’ Got ngog u daken Kristus Jesus, ni ir e gu be machibnag ngak e girdi’ ko galesiya u gubin yang i yan.

Galatia 1:3

I Got ni Chitamangidad nge Somol rodad i Jesus Kristus e ngu’ur ayuwegew gimed ma yow be pi’ e gapas nga lanin’med.

Galatia 3:9

Me mich u wan’ Abraham e re bugithin nem min fal’eg wa’athan; ere urngin e girdi’ nra mich Got u wun’rad e yira fal’eg wa’athrad ni bod rogon Abraham.

Efesus 1:1

Re babyor ney e yib rok Paul, ni Got e leamnag nge mang reb e apostel rok Kristus Jesus — Ngak girdi’en Got ni yad ma par u Efesus, ni pi’in nib yul’yul’ e ngongol rorad u fithik’ Kristus Jesus:

Efesus 6:21

Tykikus ni walagdad ni girdi’en Kristus nib t’uf rodad, ni ir reb e tapigpig nib yul’yul’ ko maruwel rok Somol, e ir e bayi weliy ngomed murung’ageg ni gubin, nge yag ni ngam nanged rogog.

Filippi 1:1

Re babyor ney e yib rok Paul nge Timothy, ni yow e tapigpig rok Kristus Jesus — Ngak urngin e girdi’ rok Got ni yad be par u Filippi, nike mich Kristus Jesus u wun’rad, nge pi’in yad be tay murung’agen girdi’en e galesiya nge pi’in yad be ayuweg girdi’en e galesiya.

1 Peter 1:2

I mel’egmed Got ni Chitamangiy nrogon nike mu’ i turguy u wan’, ni nge ngongliymed fare Kan Nthothup rok ngam pired ni gimed ba thothup, ma gimed be fol rok Jesus Kristus me be’ech nagmed racha’en. Ngi i ayuwegmed Got ma be pi’ e gapas nga lanin’med nge yan i mus ngarogon.

2 Peter 1:2

Ngi i ayuwegmed Got ma be pi’ e gapas nga lanin’med nge yan i mus ngarogon u daken murung’agen Got ni kam nanged nge Jesus ni ir e Somol rodad.

Jude 1:2

Runguy nge gapas nge rogon ni gimed bt’uf rok Got nge rogon ni bt’uf Got romed nge girdi’ e ngi i par u lanin’med nge yan i mus ngarogon.

Revelation 1:4

Re babyor ney e yib rok John ni nge yan ngak fa medlip i galesiya ni bay ko nug nu Asia: I Got ni ir e bay e chiney, me ir e immoy, me ir e bay yib, nge fa medlip i kan ni bay u m’on ko gin ntagil’ Got e ngu’ur ayuweged gimed ma yad be pi’ e gapas nga lanin’med,