Kolose 1:18 - Bible Ni Thothup

¹⁸ I Kristus e llug u downgin, ni aram girdi’en e galesiya; ni ir e be tay e re dowef nem nib fos; ir e bin ni m’on i Fak Got ni Got e faseg ko yam’ ndabki yim’, ni bochan e kemus ni ir e nge par nib m’on u gubin ban’en.

Kolose 1:18 Σταυροειδείς Αναφορές

Psalms 89:27

Bay gu tay ni ir e bin nganni’ i fakag, me ir e th’abi ga’ u fithik’ urngin e pilung.

Tang Ko Pitang 5:10

En gamareg e ba pichoay ma ba gel; yigo’ ir u fithik’ ragag e biyu’.

Isaiah 52:13

Be ga’ar SOMOL, “Tapigpig rog e bayi yan i aw nga rogon e tin be muruwliy; bayi gilbuguwan mu’un tay fan.

Matthew 23:8

Thangri dab ni pining e ‘Tamchib’ ngomed, ya gimed gubin nra bigimed ma walagen bigimed, ma ta’reb e Tamchib romed ni bay.

Matthew 28:18

Me chuchugur Jesus ngorad me ga’ar ngorad, “Kan pag fan urngin ban’en ngog u tharmiy ngu but’.

John 1:1

Dawori sunumeg Got e fayleng ma bay fare Thin; ma re Thin nem e immoy rok Got, ma fare Thin e ir Got.

John 1:16

U fithik’ e fel’ laniyan’ rok nrib ga’ e ir e ke fal’eg waathdad riy ni gadad gubin ni be tow’ath nagdad nra chuw reb me taw reb.

John 1:27

Ni ir e be yib u tomureg, machane ri gub sobut’ ndab gu bung ni nggu pithig togfan e sus rok.”

Acts 26:23

fare Messiah e thangri gafgow me ir e cha’ ni som’on ni nge fos ko yam’, me tamilangnag piyu Israel nge pi’in gathi yad piyu Israel u rogon me thap e girdi’ ngak Got.”

Roma 8:29

Pi’in ke mu’ i mel’egrad rok Got e ku errogon nike falrad ngabang ni ngar boded e cha’ ni Fak, ya nge par ni en ni Fak e ir e ba ilal u fithik’ e pi walag nem ni yad bpire’.

1 Korinth 11:3

Machane gub adag ni ngam nanged fan ni Kristus e ir e lolugen urngin e pumo’on, ma pumo’on e ir lolugen leengin, mi Got e lolugen Kristus.

1 Korinth 12:27

Ere gimed gubin ni gimed downgin Kristus, mra bigimed me ir bang riy.

1 Korinth 15:25

Ya Kristus e thangri mang ir e i gagiyeg nge yan i mada’ ko ngiyal’ nike gel Got ngak urngin e pi to’ogor me ta’rad nga tan e rifrif u ay.

Efesus 1:10

N’en nike mu’ i leamnag rok Got ni nge rin’ e bay fini taw nga nap’an me libguy, ni aram e nge kunuy urngin e tin ni sunumeg ban’en nga ta’bang, ni urngin ban’en ni bay u tharmiy ngu but’, me par Kristus ni ir e llug riy.

Efesus 5:23

Ya en ni pumo’on e ngi i gagiyegnag e ppin rok ni bod rogon Kristus ni ir e be gagiyegnag e galesiya; mi Kristus e ir e ayuweg girdi’en e galesiya, ni aram downgin nge thapegrad ngak Got.

Kolose 1:24

Ere chiney e kug felfelan’ ko gafgow ni gu be tay ni fan ngomed. Ya gafgow ni be tay dowag e gu be ayuweg e tin kabay ni nge gafgow Kristus riy ni fan nga downgin, ni aram girdi’en e galesiya.

Kolose 2:19

ma ke tal ndaki chichiiy pa’ ku Kristus, ni ir e llug. I Kristus e be gagiyegnag fare dowef ni polo’, ma ir e be duruw’iy, ma ul ul riy i yan nge m’agan e ul ul riy e ke tay nib chayem nga ta’bang, ma be ilal nrogon ni ba’adag Got ni nge ilal.

1 John 1:1

Gamad be yoloy ngomed murung’agen fare Thin ni murung’agen e yafos, ni ki immoy ko tabolngin: kug rung’aged, ma kug guyed nga owchemad; errogon, kug guyed, ma ke math pa’mad ngak.

Revelation 1:18

I gag fa’anem ni gu be par ni gub fos! I gag e gum’, machane mu sap, kug fos ndab ku gum’ bayay. I gag e bay e yam’ u pa’ag nge gin ni bay e pi’in ni karm’ad riy.

Revelation 1:5

mi Jesus Kristus ni fa’anem nib yul’yul’ ni i weliy murung’agen Got ngak e girdi’, ni ir e bin ni m’on i Fak Got, ma ku ir e som’on ni faseg Got ko yam’ ndab ki yim’, ni ku ir e be gagiyegnag urngin e pilung nu fayleng e ngi i ayuwegmed ma be pi’ e gapas nga lanin’med. Gadad ba t’uf rok ma ke pithigdad ko denen rodad u daken racha’en ni map’ u kuruth

Revelation 1:8

Ke yog Somol ni ir Got ni Gubin ma Rayag Rok, ni ir e bay e chiney, me ir e immoy, me ir e bay yib ni ga’ar, “I gag fare Alfa nge fare Omega, ni aram e tabolngin nge tungun.”

Revelation 11:15

Me thoy fa bin medlip e engel e rappa rok, me yan lamay ni ba ga’ u lan e tharmiy ni be lunguy, “Ke yib gelngin Somol rodad nge Messiah rok ni ngar gagiyegnigew e girdi’ nu fayleng, ma bayi gagiyegnag ndariy n’umngin nap’an!”

Revelation 21:6

Me yog ni ga’ar, “Ke m’ay! I gag fare Alfa nge fare Omega, ni aram e tabolngin nge tungun. En nike yib e belel ngak e gu ra pi’ e ran ndariy puluwon ngak nge unum, ni ran ni yib ko fare alublub ni ran riy e ma pi’ e yafos.

Revelation 22:13

I gag fare Alfa nge fare Omega, ni en nsom’on nge en ntomur, ni aram e tabolngin nge tungun.”

Revelation 3:14

“Mu yol ngak fare engel ko galesiya nu Laodicea ni nge lungum: “Ba’aray e thin nike pi’ fa’anem ni ir fare Amen, ni ir e mich nib yul’yul’ ma ba riyul’ ko tin ni be weliy ni murung’agen Got, ni ir e tabolngin urngin ban’en ni sunumeg Got.