Kolose 1:17 - Bible Ni Thothup

¹⁷ I Kristus e immoy u m’on ko ngiyal’ ndawori sum urngin ban’en riy, me ir e be tay urngin ban’en nra reb ma be par u tagil’.

Kolose 1:17 Σταυροειδείς Αναφορές

Psalms 75:3

Urngin e pin’en ni bay e yafos riy nra durru’ ma fayleng e ra rur, machane bay gu duwgiliy e pi duga’ ko fayleng nib muyluy.

Isaiah 44:6

I SOMOL nma gagiyegnag yu Israel mma yoror rorad, ni SOMOL ni Gubin ma Rayag Rok e ba’aray e thin ni nge yog: “I Gag e tabolngin me Gag e tungun, kemus ni Gag e Got; dakuriy yugu reb e Got nga bang ya kemus ni Gag.

Mikah 5:2

Be ga’ar SOMOL, “Bethlehem Efrathah, i gur reb fapi binaw nth’abi achig u lan yu Judah. Machane be’ u wur e bay gu fek nggu tay ni nge gagiyegnag yu Israel, ni be’ ni bay e tha’ ko tabnaw rok i yan nga tomur ko tin kakrom e rran.”

John 17:5

Chitamag! Mu gilnag buguwag u p’eowchem e chiney, ni fare gilbuguwan ni immoy rog nnap’an ni ug moy rom ko ngiyal’ ndawor ni sunumeg e fayleng riy.

John 8:58

Me fulweg Jesus ngorad ni ga’ar, “Nggog e tin riyul’ ngomed. Dawor ni gargeleg Abraham ma ‘Gu Bay.’ ”

Acts 17:28

ya be e ga’ar, ‘Fithik’ Got e gadad be par riy ma gadad be mithmith riy ma gadad bay riy.’ Ni bod rogon nike yog boch e girdi’ romed ni pi’in yad ma ngongliy e morong’ag nike lungurad, ‘Ku errogon gadad ni gadad pifak.’

1 Korinth 8:6

machane gadad e ri ta’reb e Got rodad ni bay, ni ir e Chitamangiy, me ir e sunumiy urngin ban’en, me ir e gadad be par ni fan ngak; ma ta’reb e Somol ni bay, ni aram Jesus Kristus, ni pa’ e sunumiy Got urngin ban’en ngay, me ir e be ta’dad ni gadad ba fos.

Kolose 1:15

Kristus e ta’reb rogon ya’an ngak Got, ni Got ndanir guy. I ir e bin ni m’on i Fak, ni ir e ba tolang ngak urngin ban’en ni sunumiy Got.

Hebrews 1:3

Ir e be galgal ram’en Got rok nrib galgal; i ir e ri ta’reb rogorow Got, me ir e be dunubiy e gin’en ni bay urngin ban’en u lanelang riy nib mu’un e fayleng ngay, ni be dunubiy ko thin rok nib gel gelngin. Tomuren nike be’echnag e girdi’ ko denen rorad me yan i par nga but’ u tharmiy u ba’ ni mat’aw rok Got, ni ir e Th’abi Tolang.

Hebrews 13:8

I Jesus Kristus e ka rogon ni fowap, nge daba’, nge chiney i yan ngam’on ndariy n’umngin nap’an.

Revelation 1:11

Me non ni be ga’ar, “Mu yoloy nga but’ e n’en ni ga be guy, ma ga pi’ e re ke babyor nir nge yan ngak fa medlip i galesiya, ni aram e galesiya nu Efesus, ngu Smyrna, ngu Pergamum, ngu Thyatira, ngu Sardis, ngu Filadelfia, ngu Laodicea.”

Revelation 1:17

Nap’an ni gguy mu gu aw u to’oben ay nga but’ ni gowa be’ nike yim’. Me tay e ba’ ni mat’aw i pa’ nga dakenag me ga’ar, “Dab mu rus! Yi gag fa’anem ni tabolngin nge tungun.

Revelation 1:8

Ke yog Somol ni ir Got ni Gubin ma Rayag Rok, ni ir e bay e chiney, me ir e immoy, me ir e bay yib ni ga’ar, “I gag fare Alfa nge fare Omega, ni aram e tabolngin nge tungun.”

Revelation 2:8

“Mu yol ngak fare engel ko galesiya nu Smyrna ni nge lungum: “Ba’aray e thin nike pi’ fa’anem ni ir e en ni tabolngin ma ku ir e en ni tungun, ni ir e yim’ ngki fos ko yam’.

1 Samuel 2:8

Ir e ma pug e pi’in gafgow u fithik’ e fiyath ngalang ma chibiy e pi’in nib t’uf e ayuw rorad ngalang nge chuwegrad u fithik’ e gafgow rorad. Ma gagiyeg nagrad ngar manged pi tafager rok pifak e pilung, me tayrad ko yungi n’en nra un tay farad riy. Pi def ko fayleng e ba mil suwon ngak SOMOL; nu daken e ayliy e fayleng ngay.