Joshua 8:20 - Bible Ni Thothup

²⁰ Ma nap’an ni sap fapi pumo’on nu Ai nga tomur, miyad guy e ath ko nifiy nike yan ngalang. Ma dakuriy kanowo’en miyad thay, ya fa picha’ nu Israel ni fa’an kar milgad i yan nga dap’eted e kar sulod i yib ni ngar chamgad ngorad.

Joshua 8:20 Σταυροειδείς Αναφορές

Genesis 19:28

Me changar nga daken e binaw nu Sodom ngu Gomorrah, nge re loway nem ni polo’, me guy e ath ni be yib u but’ ngalang, ni bod rogon ba tafen e nifiy ni ba ga’ ni be yib e ath riy ngalang.

BABYOR NI JOB 11:20

Machane pi’in kireb e bay u ra sapsapgad nike math e liyab rorad miyad pir’eg ndariy kanawo’en miyad thay. Ta’a re lagan’ rorad e yam’ ni nge taw ngorad.

Psalms 76:5

Pi salthaw rorad nib m’uthan’rad e kan fek urngin e tin immoy rorad ma chiney e kar molod ni yam’; ni gelngirad nge urngin e pi salap rorad e yi go’ ke m’ayfan.

Isaiah 34:10

Bayi gak’ ni rran nge nep’, ma be yan e ath riy ngalang ni dariy n’umngin nap’an. Fare but’ e bayi par ni dakriy e fel’ riy u reb e mfen ngu reb, ma dariy be’ ni bay ki milekag u rom bingyal’.

Joshua 8:19

ma, t’afnepug pa’ ngalang, ma fapi pumo’on ni yad be mith e ra sak’iygad ni machreg, mar milgad nga langgin fare binaw ngar koled. Mar gur nigedyad ngar urfiyed fare binaw.

Joshua 8:21

Nap’an e guy Joshua nge fapi salthaw rok fa picha’ ni kar koled fare binaw kar yip’ed e nifiy ngay, miyad cheal ngar tababgad i li’ e pumo’on nu Ai.

Revelation 18:9

Pi pilung nu fayleng ni kar uned ngak i ngongliy e ngongol ko darngal nge ar’ar ko darngal e bay ra dololoy’gad miyad yor ni bochan fare binaw ko ngiyal’ ni yad ra guy e ath rok ni aram e be yik’.

Revelation 19:3

Mu ku rogned bayay ni ba ga’ lamrad ni lungurad, “Ke sorok Got! Ya ath ni yib ko fare binaw nib gilbuguwan ni fa’ani yik’ e bay i yan ngalang ndariy n’umngin nap’an!”

Judges 20:38

Fa raba’ i salthaw ni gelngin yu Israel nge fapi salthaw ni ur pachgad e kar duwgiliyed reb e pow. Nap’an ni yad ra guy bangi ath nib dub’ag nike yan ngalang ko fare binaw,

Judges 20:40

Ma aram me yib i m’ug fare pow; ni fare gi ath e ke puw ke yan ngalang ko fare binaw. Me sap piyu Benjamin nga wuryal rorad mri balyangan’rad ni kar guyed fare binaw ni ga’ngin nike bugor e daramram riy ngalang.

Judges 20:41

Ma aram me cheal fapi salthaw nu israel u but’, ma piyu Benjamin e ke li’rad e marus ni bochan e kar nanged ni aram e ngan thirifrad u but’.