Joshua 8:18 - Bible Ni Thothup

¹⁸ Me ga’ar SOMOL ngak Joshua, “Mu pulweg e sarey rom nga Ai; ya nggu pi’ nga pa’am.” Me rin’ Joshua nrogon ni kanog ngak,

Joshua 8:18 Σταυροειδείς Αναφορές

BABYOR NI JOB 15:25

Ireram e tin wa’athan e cha’ nra i sakleg pa’ ngak Got, ma be dariyfannag e En ni Gubin ma Rayag Rok.

BABYOR NI JOB 39:23

Talin e cham nma fek e pi’in yad bay u daken e pi os nem e ma garal lingan mma gal ra’en u tarama’en e yal’.

Exodus 14:16

Mfael e sog rom nga daken e day ngam ruw raba’ nag, nge yag ni yan piyu Israel u lan e gi day nem ni yad be yan u daken e but’ nike mlik’.

Exodus 8:1

Me ga’ar SOMOL ngak Moses, “Mman ngak Farao ni pilung ngamog ngak ni be ga’ar SOMOL, ‘Mpag e girdi’ rog ngranod nge yag nra meybilgad ngog.

Exodus 8:5

Me ga’ar SOMOL ngak Moses, “Mog ngak Aron ni nge k’iyag pa’ nga daken e pi lul’, nge pi wol’ e ran, nge pi lupath, me yib e kayru ngalang nge garer u daken e nam nu Egypt.”

Ezekiel 30:25

Arrogon, bay gu mo’waernag mug galnag e pilung nu Babylon. Nap’an ni gu ra pi’ e saydon rog ngak ma bayi sapeg nga Egypt, ma gubin e girdi’ ni bayi nang ni Gag fare SOMOL.

Joshua 8:17

Gubin e pumo’on nu Ai e ra leked piyu Israel, ma fare binaw e ra digeyed ni kab mab e garog riy, ndariy be’ ni par ni nge matnagiy.

Joshua 8:19

ma, t’afnepug pa’ ngalang, ma fapi pumo’on ni yad be mith e ra sak’iygad ni machreg, mar milgad nga langgin fare binaw ngar koled. Mar gur nigedyad ngar urfiyed fare binaw.

Joshua 8:26

I Joshua e yigi tay pa’ ni bay e sarey riy nike pulweg nga Ai, nge taw nga nap’an ni kan thang owchen urngin e girdi’ nma par u Ai.

Joshua 8:7

Ma aram e ngambad nga wuru’ e gin gimed be mith riy ngam koled fare binaw. Ya SOMOL ni Got romed e bayi pi’ nga pa’med.

1 Samuel 17:41

Me yib Goliath i yib ngak David, ma fa’anem nma fek e shield rok Goliath e bay nga m’on rok. Ma be chugur i yib,

1 Samuel 17:45

Me fulweg David ni ga’ar, “Kam fek e saydon ni yima rugoy nge sarey ni yima yin’, machane gag e ku gub ngom u fithingan SOMOL ni Gubin ma Rayag Rok, ni ir e Got rok e salthaw nu Israel ni ga be darifan nagrad.

1 Samuel 17:6

Ma tungun ay e ke ing nga bang i ban’en nni ngongliy ko bronze, ma ke yin’ nga pon ba sarey nib bronze.