Joshua 7:2 - Bible Ni Thothup

² I l’oeg Joshua bogi pumo’on u Jeriko ngranod nga Ai, nib binaw ni bay ko ngek u Bethel, nib chugur nga Bethaven, ni ngar damit niged e re binaw nem. Ma nap’an nranod ngar sulod

Joshua 7:2 Σταυροειδείς Αναφορές

Genesis 12:8

Tomuren e binem, me yan u rom ngalan e yimuch ko fare burey ni bay ko ngek ko binaw nu Bethel, me n’uf e pi tent rok u thilin yu Bethel ngu Ai, ni ba’ yu Bethel ko ngal ma bay yu Ai ko ngek. Miki ubung reb e altar u rom nge tayfan SOMOL me meybil ngak.

Genesis 28:19

Me tunguy fithingan e gin’em ni Bethel. (Re binaw nem e immoy fithingan ni Luz ko som’on.)

1 Kings 12:29

Me tay reb fa gal liyos ni gol nga Bethel me tay reb ngalan yu Dan.

Nehemiah 11:31

Girdi’en e ganong rok Benjamin ni urpired u Geba, Mikmash, Ai, Bethel nge yuchi binaw nib chugur e ngaram,

Proverbs 20:18

Nge yag e fanow ngom ni bfel’ me fel’ rogon e tin ga be nameg; dab mu og nigem i yan ko mael ndawor mu tanomnag rogom.

Proverbs 24:6

Thingar mu tanom ni bfel’ rogon u m’on ni ngam man ko mael, ma feni fel’ rogon e fanow ni ka ni tay ngom, aram feni fel rogon ni ga ra gel.

Isaiah 10:28

Meb e salthaw ni to’ogor rorad ngar koled e binaw nu Ai. Ranod u lan yu Migron, miyad cha’riy e chugom rorod u Mikmash!

Jeremiah 49:3

Girdi’ nu Heshbon, mu yorgad ngalang! Ai e kan buthug! Pi’in ni ppin nu Rabbah, mu mowawgad! Moned e mad ni tutuw ko mowaw ni ngam ted. Mmilgad i yan nike wagagey lanin’med. Fare got romed i Molek e bay ni fek nib kalbus nga wuru’ e nam, nib chagil e pi prist rok ngak nge fapi pumo’on ni fak e pilung.

Hosea 4:15

“Yugu aray rogon ndamur yul’yul’gad piyu Israel ngog, ma yu Judah e mang e yugu ra pired ndab ra ngongliyed e tin gimed be rin’. Dab marod mu meybilgad nga Gilgal nge nga Bethel, ma dab mmicheged yu bugithin u rom nga fithingan SOMOL ni be par nib fos.

Matthew 10:16

“Mu telmed ngog! Nggu l’oegmed ngam marod ni bod e saf ni nge yan nga fithik’ ba ran’ i wolf. Thingar mu ayuwgad ni bod rogon e porchoyog mi gimed munguy ni bod rogon e bulogol.

Efesus 5:15

Ere um ayuwgad u rogon e ngongol romed. Dab um ngongolgad ni bod e girdi’ ndawori tamilangan’rad, machane ngu’um ngongolgad ni bod rogon e girdi’ nib gonop.

Joshua 12:9

Ma fapi girdi’ nu Israel e ra gelgad ngak e pi pilung ko tin ba’aray e binaw Jeriko, Ai (nib chugur nga Bethel),

Joshua 18:12

Mathil rorad ko lel’och e tabab ko Jordan me yan nga talang ko fare gi tafarthag ni bay nga lel’och u Jeriko, me yan u rom ko ngal nge yan u daken fare binaw ni go’ burey nge yan i mada’ nga daken e ted u Bethaven.

Joshua 2:1

Me l’oeg Joshua l’agruw i damit ko gin be par piyu Israel riy u Shittim ngranow nde nangrow be’, ma ke welthin ngorow nike ga’ar, “Marow ngam changargow u daken e nam, ngu lan e binaw nu Jeriko.” Miyow yan mranow nga ba naun ni tafen Rahab ni be’ ni bpin nma chuway’ ngak, miyow par u rom.

Joshua 7:3

miyad fulweg e thin ngak Joshua nra ga’argad: “Dariyfan ni nge yan gubin e girdi’ ko cham ngak yu Ai. Mu l’oeg nap’an l’agruw ara dalip biyu’ e salthaw. Dab mu pi’ e pi salthaw ni gubin ngranod ngaram ko cham; ya gathi bbinaw nib ga’.”

1 Samuel 13:5

Me mu’ulung e pi Filistine ni ngar chamgad ngak piyu Israel; ma 30,000 e chariot ni fan ko mael ni bay rorad, ma 6,000 girdi’en e yan u os, nge salthaw ni pire’ ni bod urngin e yan’ ni bay u dap’el’ay. Miyad yan nga Mikmash ni bay ko ngek u Bethaven, mranod ra pired ngaram.

1 Samuel 14:23

Me ayuweg SOMOL piyu Israel e rofen nem, min cham ngan pag yu Bethaven.

1 Samuel 30:27

Me pi’ fapi tow’ath nge yan ngak e pi girdi’ nu Bethel, nge girdi’ nu Ramah u ley ni yimuch yu Judah, nge ngak e girdi’ nu lan fa yuchi binaw nu Jattir,