Joshua 7:16 - Bible Ni Thothup

¹⁶ Ri kadbul ko bin migid e rran me fek Joshua yu Israel nreb e ganong ma reb nga p’eowchen Got, me mel’eg e ganong rok i Judah.

Joshua 7:16 Σταυροειδείς Αναφορές

Genesis 22:3

Me reb e rran riy nri kakadbul me fal’eg Abraham rogon e dongki rok, me fek Isak nge l’agruw e tapigpig rok ngranod. Me th’ab e l’ud nge fek ni fan ko fare maligach ni ngan pi’, miyad sor ko fa gin’en nike yog Got murung’agen ngak.

Psalms 119:60

Yug nap’an ni ga ra non mu gu rin’ e n’en kamog.

Eklesiastes 9:10

Demturug ko mang e ga be rin’ ma ngam rin’ ni karimus rogom riy, ni bochan e dakriy ban’en ni ngan rin’, ma dariy e tafinay, ma dariy e llowan’, ma dariy e gonop u lan e fayleng ko yam’ — ni aram e gin ni ngam man ngay.

Joshua 3:1

Ri kakadbul me od Joshua, ni ir nge urngin piyu Israel ngar chuwgad ko gin ur pired riy u Shittim, miyad yan nga Jordan. Mranod ra pired nga bang u rom ngar son niged e ngiyal’ ni ngar th’abed fare lul’ nga barba’.

Joshua 7:15

Ma en nra gu mel’eg mi ni pir’eg ni bay fapi chugum rok e yira urfiy, nib mu’un chon e tabnaw rok ngay nge urngin e chugum rok, ya ke girengiy e tamra’ nga daken yu Israel ma ke th’ab fare m’ag ni gu ngongliy u thildad.”

Joshua 7:17

Me fek e ganong rok Judah ni baken e girdi’ ma baken, nga p’eowchan Got me mel’eg fare ke girdi’ rok Zerah. Me fek fare ke girdi’ rok Zerah nreb e tabnaw ma reb nga p’eowchen Got ma fare tabnaw rok Zabdi e ni mel’eg.

Judges 20:19

Ere yigi kadbul me yan yu Israel ra pired nib chugur ko fare binaw nu Gibeah.