Joshua 7:15 - Bible Ni Thothup

¹⁵ Ma en nra gu mel’eg mi ni pir’eg ni bay fapi chugum rok e yira urfiy, nib mu’un chon e tabnaw rok ngay nge urngin e chugum rok, ya ke girengiy e tamra’ nga daken yu Israel ma ke th’ab fare m’ag ni gu ngongliy u thildad.”

Joshua 7:15 Σταυροειδείς Αναφορές

Genesis 34:7

ma aram e ngiyal’ nike taw fapi pagel ni fak Jakob ni karbad ko fa yung i flang. Ma fa’an rrung’aged e n’en’ nike buch, mri dada’ lanin’rad ngay ma kri kireb u lanin’rad nike rin’ Shekem ban’en ni aram rogon nib yaba’ ngak piyu Israel ko ran’em ni kan kol fak Jakob ni bpin u yargal.

2 Samuel 13:13

Bu uw rogon ni kug ra pug owcheg ngalang u fithik’ e girdi’ bayay? Me gur e rig ra par ni dakuriy fam u lan yu Israel. Wenig ngom, mu non ngak e en pilung, yab mich u wun’ug nra pi’eg ngom.”

Joshua 7:11

Ke denen yu Israel! Kar th’abed e tin gu tay chiylen ngorad ni ngar ayweged ndab ni rin’. Kar feked boch fa pin’en ni kugog nthingar ni kirebnag. Kar iringed e pin’em miyad ban u murung’agen, kar ted nga fithik’ e tin ferad ban’en.

Joshua 7:16

Ri kadbul ko bin migid e rran me fek Joshua yu Israel nreb e ganong ma reb nga p’eowchen Got, me mel’eg e ganong rok i Judah.

Judges 20:10

Ta’reb e pasent u ragag guruy ko pumo’on nu Isarel e ngar pi’ed gan e salthaw, ma tin kabay e ngranod ngar gechig niged yu Gibeah ni bochan fare ngongol ni puwlag nike rin’ fapi cha’ u lan yu Isarel.”

Judges 20:5

Me yib e pumo’on nu Gibeah ngar longobiyed fare naun nnep’ ni ngar fekedgag. Ra leam niged ni ngar thanged e pogofan rog; miyad cheal ngar koled e bpin rog u gelngirad, nge yim’.

Judges 20:6

Mu gu fek e ldow rok, nggu th’eth’ab nge ra reb fa ragag nge l’agruw i ganong rok yu Israel mu gu pi’ bang ngay. Pi girdi’ ney e ka ra ngongliyed ban’en nib kireb mab golong u fithik’dad.

1 Samuel 26:21

Me fulweg Saul ni ga’ar, “Kug rin’ e kireb. David ni fakag, mu sul e ngaray! Ri dakuriy bi’id ni nggu rin’ ban’en nib kireb ngom, ni bochan e dam fek e pogofan rog e nep’ ney. Kug par ndariy rogog! Kug rin’ ban’en nrib gel e kireb riy!”