Joshua 7:11 - Bible Ni Thothup

¹¹ Ke denen yu Israel! Kar th’abed e tin gu tay chiylen ngorad ni ngar ayweged ndab ni rin’. Kar feked boch fa pin’en ni kugog nthingar ni kirebnag. Kar iringed e pin’em miyad ban u murung’agen, kar ted nga fithik’ e tin ferad ban’en.

Joshua 7:11 Σταυροειδείς Αναφορές

2 Kings 18:12

Samaria e waer ko mael ni bochan e da i fol e girdi’ nu Israel rok SOMOL ni Got rorad, ya ra th’abed fare m’ag ni ngongliy u thilrad, ma da ku ra folgad u urngin fapi motochiyel ni pi’ Moses ni tapigpig rok SOMOL. Da ur motoyilgad ngay ma da ur folgad riy.

2 Kings 5:24

Ma fa’anra tawgad ko fare burey ko gin be par Elisa riy me fek Gehazi fa gal tutuw nge yan i tay nga naun. Me yog ngak fa gal tapigpig rok Naaman ni ngar sulow.

Isaiah 24:5

Girdi’ e ka ra alit niged e fayleng ni bochan e yad be th’ab e motochiyel rok Got miyad be kirebnag fare m’ag ni ngongliy ni nge par ni manemus.

Jeremiah 31:32

Dabi bod fare m’ag ni gu ngongliy u thilmad pi chitamangirad ko fa ngiyal’nem ni gu kol pa’rad nggu fekrad nga wuru’ yu Egypt. Ni yug aram rogon ni bod ni gag figirngirad, ma dar ted fare m’ag u gil’.

Hosea 6:7

“Machane bod Adam yug nap’an e rabad ngalan fare nam, miyad th’ab fare m’ag u thilmad.

Levitikus 5:15

Fa’anra denen be’ ni gathi leam rok nde yag nni pi’ puluwon e tin nib thothup ngak SOMOL, ma thangri fek ba maligach nib mathang malfith i yib ngak SOMOL ni aram e ba saf ni pumo’on ara ba kaming ni dariy bochyang u downgin nib kireb. Ni rogon puluwon ni kan turguy ni ngan pi’.

Habakkuk 2:6

Girdi’ ko pi nam ni kan kolrad e bay u rogned e thin nib kireb ngak e re nam ni kar koled yad u fithik’ e mael, ma yad be moning ngorad. Bayi lungurad, “Gimed be fek e pin’en ni gathi gimed e fanmed, machane bay yib e gechig ngomed! Uw n’umngin nap’an ni ngu’um pired ni be yo’or ban’en romed u daken e modyargal ngak e pi’in bay e malfith rorad ngomed ni ngar thanged?”

Zekariah 5:4

I SOMOL ni Gubin ma Rayag Rok e be yog ni bay i l’oeg e re buch wa’athan ney nge yan, nge chuw ngalan e naun rok e pi’in tamororo’ nge lan e naun rok e pi’in ma mow ni go’ bogi ban’en. Ra par u lan e pi naun rorad ngar pired ni dakriy e fel’ rorad.”

Matthew 22:21

Miyad fulweg ni lungurad, “ Emperor nu Roma.” Ma aram me ga’ar Jesus ngorad, “Ere mpi’ed ngak e Emperor e tirok’ ban’en, mi gimed pi’ ngak Got e tirok’ ban’en.”

Acts 5:9

Me ga’ar Peter ngak, “Mangfan ni mdugliyew figirngim ni ngam sikeng nigew fare Kan Nthothup rok Somol? Fapi pumo’on ni kar k’eyged figirngim e kar tawgad nga langan e mab e chiney, ma ku bay ra feked gur nga waen!”

Deuteronomy 17:2

“Fa’an gimed ra pir’eg u lan reb fa yochi binaw romed be’ nib mo’on fa be’ ni bpin nike denen nib togopluw ngak SOMOL ke th’ab fare m’ag ni ngongliy Got u thilmed

Hebrews 4:13

Dariy ban’en nrayag ni ngan mithag rok Got. Ya urngin ban’en ni kem’ay i sunumeg rok e be par u p’eowchen ndariy e upong u daken; mi ir e ri gadad ra weliy e pin’en ni ud rin’ed ngak.

Joshua 23:16

Fa’anra dab mu ayuweged fare m’ag nike yog SOMOL ni Got romed ni ngam ayuweged, ma gimed be pigpig ma gimed be tayfan yug boch e got, ma aram e ra gechig nagmed u fithik’ e damumuw rok, ma dabi n’uw nap’an ma dakuriy ta’ab gimed ni kura magey u lan e re nam ney nib manigil nike pi’ ngomed.”

Joshua 7:1

Dan fol ko fare n’en ni tay SOMOL chiylen ngak yu Israel ndab ni fek ban’en u Jeriko nsusun e ngan kirebnag. Be’ nib mo’on ni Akan fithingan e de fol riy, ma aram mri damumuw SOMOL ngak piyu Israel’. (Akan e be’ nib mo’on ni fak Karmi ni be’ nib mo’on ni fak Zabdi, ni be’ ko fare ke girdi’ rok Zerah, ni bang ko fare ganong rok Judah.)

Joshua 7:10

Me ga’ar SOMOL ngak Joshua, “Mu suwon! Mangfan ni ka mu pagem nga but’ ni arrogon?

Judges 2:20

Mri damumuw SOMOL ngak piyu Israel, me ga’ar, “Re nam ney e kar th’abed fare m’ag ni gu ta’chiylen ngak e pi chitamangirad kakrom ni ngu’ur ted u gil’. Bochan e darir folgad rog,

1 Samuel 14:38

Me ga’ar Saul ngak e pi’in yad be yog e thin rok e pi girdi’ nem, “Mired e ngaray ngam gayed ko mang denen e ka ni ngongliy e daba’.