Joshua 7:1 - Bible Ni Thothup

¹ Dan fol ko fare n’en ni tay SOMOL chiylen ngak yu Israel ndab ni fek ban’en u Jeriko nsusun e ngan kirebnag. Be’ nib mo’on ni Akan fithingan e de fol riy, ma aram mri damumuw SOMOL ngak piyu Israel’. (Akan e be’ nib mo’on ni fak Karmi ni be’ nib mo’on ni fak Zabdi, ni be’ ko fare ke girdi’ rok Zerah, ni bang ko fare ganong rok Judah.)

Joshua 7:1 Σταυροειδείς Αναφορές

Genesis 34:27

Tomuren fare cham me yib boch i pifak Jakob ni pumo’on ngar giliw naged fare binaw ni yad be filbeyen walagrad ni bpin ni kan dariy fannag.

2 Samuel 24:1

Miki yan i taw nga bangiyal’ niki damumuw SOMOL ngak yu Israel, me tay David ni nge mang ir e nge fek e gafgow i yib nga dakenrad. Me ga’ar SOMOL ngak, “Mman ngam the’eg e girdi’ nu Israel ngu Judah.”

2 Kings 5:24

Ma fa’anra tawgad ko fare burey ko gin be par Elisa riy me fek Gehazi fa gal tutuw nge yan i tay nga naun. Me yog ngak fa gal tapigpig rok Naaman ni ngar sulow.

1 Kronicles 21:7

De fel’ u wan’ Got e tin kan rin’, ma aram me gechignag yu Israel.

2 Kronicles 24:18

Ma aram me tal e girdi’ nda ku rir liyorgad ngak SOMOL u lan e Tempel rok, ni ir e Got rok e pi chitamngirad, miyad tabab i tayfan e pi liyos nge ya’an fare got ni bpin i Ashera. Pi denen ney e ir e bucheg e rorad me girengiy e damumuw rok SOMOL nga daken yu Judah nge yu Jerusalem.

Ezra 9:6

Me lungug, “Got, kagum’ ko tamra’ ni nggu pug owcheg ngalang u p’eowchem. Ya denen romad e ke tolang nga lolugenmad; ke tun ko tharmiy.

BABYOR NI JOB 35:8

Pi denen rom e ma gafgownag boch e girdi’, ma n’en ni ga ma rin’ ni bfel’ e ma ayuwegrad.

Eklesiastes 9:18

Gonop e ka bo’or fel’ngin ko tatalin e cham, machane ta’reb e tadenen mrayag ni kirebnag bo’or ban’en nib manigil.

Daniel 9:7

I gur SOMOL, e gubin ngiyal’ ni ga be par ni gab mat’aw, ma gamad gubin ni kafaram i yib ni ug ngongliyed e ngongol ni ngan tamra’ ngay, ni girdi’ ni i par u lan yu Judea ngu Jerusalem, nge urngin piyu Israel ni kam weregrad u lan e pi nam nib chugur nge tin nib mal’af ni bochan e da ur yul’yul’gad ngom.

Levitikus 10:6

Me ga’ar Moses ngak Aron nge fa gali pumo’on ni fak ni aram Eleazar nge Ithamar, “Dab mu ted lolgumed ndab kum raweyed ara mu guchthiyed e mad romed ni gimed be dag ni be taganan’med. Ya gimed ra rin’, ma gimed ra yim’, mra damumuw SOMOL ngak yu Israel ni ga’ngin. Machane urngin e girdi’ nu Israel ni yad ra yornag faglicha’ ni li’row fare nifiy ni SOMOL e pi’ nge yib.

Jonah 1:7

Me ga’ar fapi sala, “Ngad girngiyed e pow ngad nanged e cha’ ni nga don’ed e kireb nga daken ko re riya’ ney ni keb ngodad.” Miyad rin’ ni aram rogon, me yan i m’ug ni Jonah.

Joshua 22:16

miyad non ni pa’ gubin e girdi’ rok SOMOL, nra ga’argad ngorad, “Mangfan ni kam rin’ed e re kireb ney nib togopluw ko fare Got nu Israel? Kam togopluwgad ngak SOMOL ko re altar ney ni kam toyed ni fan ngomed! Dakumur folwokgad rok!

Joshua 22:18

Ere ngkum gelniged lanin’med ndab mu folwokgad rok e chiney? Fa’an gimed ra togopluw ngak SOMOL e daba’, ma ra gabul ma ke damumuw ngak gubin e girdi’ nu Israel.

Joshua 22:20

Ki gimed manang faram rogon ni gelnag Akan nib mo’on ni fak Zerah laniyan’ nde fol ko tin ni yog SOMOL ni murung’agen e pin’en ni kan duwgiliy ni nge kireb; ga’ngin yu Israel nni gechignag ni bochan e ran’em. Akan e gathi go’ ir e yim’ ni bochan e denen rok.”