Joshua 6:26 - Bible Ni Thothup

²⁶ Me ning Joshua chiylen ngak e girdi’ e ngiyal’nem ni ga’ar, “En nra guy rogon ni nge fulweg e re binaw nu Jeriko ney nga rogon e ra bucheg SOMOL wa’athan. En nra tabab i muruwliy e ra yim’ e bin th’abi ilal i fak ni pumo’on; ma en nra ubung e garog riy e ra yim’ e bin th’abi bitir i fak.”

Joshua 6:26 Σταυροειδείς Αναφορές

1 Kings 16:34

Ngiyal’ ni ir e be gagiyeg me Hiel nu Bethel e ngongliy rogon bayay fare binaw nu Jeriko. Fa’ani tay pa’ ko maruwel, me yim’ Abiram ni bin nganni’ i fak ni pumo’on, ma fa’ani ngongliy rogon e pi garog nu Jeriko, me yim’ Segub, ni bin th’abi bitir i fak ni pumo’on, ni bod rogon ni yi’iynag SOMOL u l’ugun Joshua ni fak Nun.

1 Kings 22:16

Me ga’ar Ahab ngak, “Nge uw urngin yay ni nggog ngom ni kemus ni tin riyul’ e ngam weliy ngog u fithingan SOMOL?”

2 Kings 2:4

Me ga’ar Elijah ngak Elisa, “Mpar u roy, ya ke l’ugeg SOMOL ni nggu wan nga Jeriko.” Machane me fulweg Elisa ni ga’ar, “Rogon feni bmich ni gub yul’yul’ ngak SOMOL nge gur, e aram feni dab gu pagem.” Ma aram mi yow yan nga Jeriko.

Malaki 1:4

Yu Edom, ni yad e pi’in owchen Esau, e fa’anra lungurad, “Pi binaw rodad e ka ni kirebnag, machane bay da ngongliyed nge sul nga rogon,” machane fulweg rok SOMOL ngorad e be ga’ar, “Ngani pagrad ngar muruwliyed, ya bay gu sul ngay nggu kirebnag bayay. Ma bayi yog e girdi’ fithingan e pi binaw nem ni Binaw Nib Kireb, ma ku bay ntunguy fithingrad ni, ‘Fare nam ni bay i par SOMOL nib damumuw ngorad ndariy n’umngin nap’an.’”

Matthew 26:63

Machane me par Jesus nike th’ab gulungan. Miki non fare Prist ni Th’abi Ga’ ngak bayay ni ga’ar, “Chiney e nggog ngom u daken fithingan fare Got ni be par nib fos ni nggu tem nga p’eowchen ngamog e tin riyul’: mog ngomad ko gur fare Messiah ni Fak Got gur fa danga’.”

Acts 19:13

Ma boch piyu Israel ni ur milekaggad i yan ngu’ur tulufed e mo’onyan’ rok e girdi’ e ku ra guyed rogon ni ngar maruwelgad nga fithingan Somol Jesus ngar tulufed e mo’onyan’. I lungurad ngak e pi mo’onyan’, “Gu be non ngomed u fithingan Jesus ni ir e be machibnag Paul murung’agen, ni ngam chuwgad.”

Joshua 16:7

Ma aram me yan nga p’ening u Janoah nga Ataroth nge Naarah, nge mada’ nga Jeriko me yan i mus ko Jordan.