Joshua 6:23 - Bible Ni Thothup

²³ Ma aram miyow yan ngar piningew Rahab ngeb nga wean, nike un e chitamngin ngak nge chitiningin, nge pi walagen ni pumo’on, nge tin kabay e girdi’ ni girdi’en e tabinaw rok. Min fekrad ni yad gubin, ni girdi’ nu tabinaw nge pi sib rorad, min ta’rad nga wuru’ e gin be par piyu Israel riy.

Joshua 6:23 Σταυροειδείς Αναφορές

Genesis 12:2

Bay gu gagiyeg nge yib owchem ni pire’ ni pire’, ni yad e bay ra manged girdi’en ba nam nib ga’. Bay gu fal’eg wa’atham mu gu gagiyeg nge gilbuguwan fithingam, me fel’ wa’athan e girdi’ ni bocham.

Genesis 18:24

Fa’anra bay wugem e girdi’ u lan e re binaw nem ndarir ngongliyed e kireb, ma ka ga ra kirebnag e re binaw nem ni ga’ngin? Dab mu tay ndab mu kirebnag ni fan e ngam ayuweg e pogofan rok e re wugem i girdi’ nem?

Genesis 19:29

Machane fa’ani kirebnag Got e gali binaw nem ni bay u lan fare loway, ma bay Abraham u wan’, ma aram me pag Lot nge mil nde buch ban’en rok.

Numbers 31:19

Chine’ e urngin i gimed ni thang reb e pogofan fa math nga ba ldow e thangri par nga wuru’ e gin nma par yu Israel riy ni medlip fen. Ma bin ni dalip e rran nge bin medlip fen e ngam be’ech niged gimed nge ppin ni gimed e mu yag niged.

Acts 10:28

Me ga’ar ngorad, “Gimed manang faram ni be’ u Israel e de mat’aw ko ba’ rok e taliw ni nge yan i guy ara i cheag ngak be’ ni gathi be’ u Israel. Machane Got e ke dag ngog nthingari dab ku ug leamnag be’ ni de be’ech ara ba alit ni rogon ni bay ko Motochiyel.

Acts 27:24

me ga’ar, ‘Paul, dab mu rus! Ya thingar mman mu sak’iy nga p’eowchen e en ni Emperor nu Roma; ya Got ni bfel’ laniyan’ e ke pi’ e pogofan rok e pi cha’ney ni yad gubin ngom ndab ra m’ad, ni pi girdi’ ney ni gimed be yan u barkow.’

1 Korinth 5:12

Ya gathi gag e nggu turguy e n’en ni ngan rin’ ngak e pi’in gathi yad girdi’en Kristus, ya Got e bayi turguy e n’en ni nge rin’ ngorad. Machane gathi susun e ngam turguyed e n’en ni ngan rin’ ngak be’ ko ulung romed? Ni bod rogon ni be yog e babyor nib thothup ni be ga’ar, “Mu chuweged e en nib kireb ngongolen u lan e ulung romed.”

Efesus 2:12

Re ngiyal’ i n’em e um pired nda mmoyed rok Kristus. Um moyed ni gimed e girdi’ nu bang, ma da mu uned nga fithik’ e girdi’ nike mel’eg Got ni nge mang girdi’ rok. Ma da mu uned ko fapi m’ag ni pi’ Got ngak girdi’en ni bay rogon ko tin ni yog Got ni bayi pi’ ngak e pi’in girdi’en. Um pired u roy u fayleng ndariy ban’en nike l’agan’med ngay ma de moy Got romed!

Hebrews 11:31

Rahab nma pi’ ir nchuway’, e michan’ rok ngak Got e tay Rahab nde un ngak e pi’in nli’rad ngarm’ad, ni pi’in nda ur folgad rok Got, ni fan e fek fa gali damit nga tafen nge ayuwegrow.

Hebrews 11:7

Michan’ rok Noah ngak Got e ir e ayuweg Noah nge motoyil ko tin ni yog Got ngak ni murung’agen e pin’en ni bayi taw, ni bogi ban’en ndabiyag ni nge guy Noah e ngiyal’nem. Me fol ko tin keyog Got ngak ni nge rin’, me toy fare barkow ni ark fithingan, ni re ark nem e ir e faseg Noah nge girdi’ nu tabinaw rok. Ireray kanawo’en me gagiyelnag nib kireb e rok e girdi’ nu fayleng, me yag ngak Noah mat’awuy nma pi’ Got ngak e girdi’ u daken e michan’ rorad ngak.

Joshua 2:13

Michegew ngog ni gimew ra ayuweg e pogofan ko chitamag nge chitinag, nge pi walageg ni pumo’on nge ppin, nge gathon e tabnaw rorad! Dab mu pagew gamad ngan thang e pogofan romad!”

Joshua 2:16

Me ga’ar ngorow, “Marow ko gin bay e burey riy, ya ra piri’egmew fapi pumo’on nike l’oegrad e en ni pilung. Ngam mithgow u rom ni dalip e rran nge mada’ ko ngiyal’ ni kar sulod ngaray. Ma aram mfin gimew yan.”

Joshua 2:18

Mu telim. Nap’an ni gamad ra yib nga daken e nam romed, ma ga m’ag e re gaf ney nib row ko winda rom ni ir e gu luwgow riy nga but’. Ma ga tay e chitamam nge chitinam, nge pi walagem ni pumo’on nge urngin e girdi’ ko tabinaw rok e chitamam nga naun rom.

Judges 1:25

Ma aram me pow’iyrad, miyad li’ ko saydon e girdi’ ko fare binaw, kemus ni re pumo’on ney nge gathon e tabnaw rok e dar li’ed.