Joshua 5:6 - Bible Ni Thothup

⁶ Ya girdi’ nu Israel e uranod u daken e gi ted nem ni aningeg i ragag e duw. Nap’an ni taw ko ngiyal’nem ma urngin e pumo’on nike taw nga yangarrad ni ngar uned ko mael nra chuwgad u Egypt e karm’ad ya dar folgad ko tin ni yog SOMOL. Ya yog ngorad ndabi pagrad ngar guyed fare nam ni bfel’ rogon ma ba yong’ol e but’ riy ni fa’ani micheg ngak pi chitamangirad nra pi’ ngorad.

Joshua 5:6 Σταυροειδείς Αναφορές

Psalms 107:4

Boch i gimed e uranod u daken e ted i yan ndariy e kanawo’ riy, ma dar pir’eged wo’rad ngalan reb e binaw ni ngar pired riy;

Exodus 3:17

Ma kug turguy ni nggu fekrad nga wuru’ yu Egypt, ni ireram e gin yibe gafgow nagrad riy, nggu fekrad nga ba nam nib madnom ma ba yong’ol e but’ riy — ni fare nam rok yu Kanaan, ngu Hitt, ngu Amor, ngu Periz, ngu Hiv, nge yu Jebus.

Exodus 3:8

Ku gub nga but’ ni nggu chuwegrad u tan pa’ piyu Egypt, mu gu fekrad nga wuru’ yu Egypt nga ba nam nib manigil, ni ba madnom ma ba yong’ol e but’ riy ni girdi’ ni yad ma par riy e chiney e piyu Kanaan, nge Hitt, nge Amor, nge Periz, nge Hiv, nge Jebus.

Jeremiah 2:2

ni nggu wan nggu weliy e thin rok ngak urngin e girdi’ nu Jerusalem ni nge lungug: “Ku gu manang fanam yul’yul’ ko fa ngiyal’nem ni ka ga ba rugod, nge rogon fanag t’uf rom ko fa ngiyal’ ni ba’aram ni ka fin da mabgolgow; um lekeg u daken e ted ni desert, ngu daken e but’ ni dawor ni wolduguy bi’id.

Ezekiel 20:15

Ere gu micheg ngorad u lan e ted ni desert ni dab gu fekrad ko fare nam ni gu pi’ ngorad, nib but’ nib madnom mab yung’ol ma bfel’ u fithik’ e pi nam.

Ezekiel 20:6

Ma aram e ngiyal’ ni gu micheg ngorad ni bay gu fekrad nga wuru’ yu Egypt mu gu pow’iyrad ngab nam ni gu mel’eg ni fan ngorad, nib but’ nib yung’ol mab madnom, ni ir e th’abi fel’ u fithik’ e pi nam.

Joel 3:18

Yungi milay’ ni grapes e bayi peth u daken e pi burey e re ngiyal’ i n’em; ma gubin yang e flang ni bay ni pir’eg e garbaw riy; ma re ngiyal’ i n’em e bay e ran ni pire’ nra gaman yu Judah riy ni polo’. Ra yib ba lul’ u Tempel rok SOMOL, nge taren nag e Loway ni Akacia.

Numbers 14:23

Ri dab ranod ngalan fare nam ni gu micheg ngak pi chitamangirad ni bay gu pi’ ngorad. Dariy bagayad e pi’in ni kar darifan nigedgag nra yan ngalan.

Numbers 26:63

Irera’ e picha’ ni yoloy Moses nge Eleazar ni prist fithingrad nga babyor u nap’an ni yow be mathe’eg girdi’ u Israel ko fa gi tafel’fel’ u Moab u charen e Lul’ nu Jordan ni bay yu Jeriko nga barba’.

Deuteronomy 1:3

Rofen ni som’on ko pul ni ragag nge ta’reb ko duw ni gaman aningeg i ragag nga tomuren ni kar chuwgad u Egypt, me weliy Moses ngak piyu Israel urngin ban’en nike yog SOMOL ngak ni nge weliy ngorad.

Deuteronomy 2:14

Ngiyal’ i n’ey e ke yan guyey nge meruk e duw ni kad chuwgad u Kadesh Barnea. Ma aram e urngin e pumo’on ni ur uned ko mael ko re mfen nem e go’ karm’ad, ni bod ni yog SOMOL.

Deuteronomy 2:7

“Ngu’um leam niged rogon nike tow’ath nagmed SOMOL ni Got romed u gubin ban’en ni kam ngongliyed. Ke ayuwegmed u n’umngin nap’an ni kam derawgad u lan e regi ted ney ni desert. De pagmed u lan e re aningeg i ragag i duw ney, go’ i yag ngomed e tin nib t’uf romed.

Deuteronomy 8:4

Mad romed e de kaday ma rifrif u aymed e de thow u lan e re aningeg i ragag i duw nem.

Hebrews 3:11

Mu gu puwan’ mu gu duwgiliy u wun’ug ni lungug: ‘Ri dab ra uned ngog ko toffan!’ ”

Joshua 1:6

Mu par ni gab gel ma dab mu rus, ya gur e bay mu pow’iy e pi girdi’ ney nge yag ngorad e re nam nem, ni ir e gog ngak pi chitamangirad ni bay gu pi’ ngorad.

Joshua 24:7

Fa’anra meybilgad ngog nri aram rogon u lan ngorongorrad, mu gu gagiyegnag nge nep’ u thilrad nge piyu Egypt. Mu gu gagiyegnag e day nge yib i tharey piyu Egypt. Ka mu guyed e n’en ni gu rin’ ngak piyu Egypt. “‘Gimed e mu pired u daken e ted ni ba n’uw nap’an.

Joshua 5:5

Yugu aram rogon ni urngin e pumo’on ni chuw u Egypt e kan maad’ad nagrad ni bod ni yog e motochiyel rok Moses, ma pi’in nni gargelegrad ko ngiyal’ ni ba’aram nni milekag u daken fa gi ted ngan th’ab nga baraba’ e dariy bagayad ni kan maad’adnag.

Joshua 5:7

Machane pifakrad ni pumo’on ni yib nga luwrad e da ni maad’ad nagrad ko ngiyal’ ni ba’aram ni yad be milekag u daken e ted. Re mfen nem nib be’ech e Joshua e maad’ad nagrad.