Joshua 5:13 - Bible Ni Thothup

¹³ Nap’an ni chugur Joshua nga Jeriko, ma yigi da’da’ nike guy be’ ni pumo’on nib sak’iy nga m’on rok, ni bay ba saydon u pa’. Me yan Joshua ngak nge fith ni ga’ar, “Gur reb e salthaw romad ara gur e to’ogor romad?”

Joshua 5:13 Σταυροειδείς Αναφορές

Genesis 18:1

Me yib i m’ug SOMOL ngak Abraham u Mamre ko fa gin bay fa yu ke gek’iy ni oak riy, ke par Abraham nga but’ u langan e mab ko tent rok ko ngiyal’ nib gel e gowel riy e chirofen nem,

Genesis 18:2

me pug owchen ngalang me guy dalip i pumo’on ni yad ba sak’iy. Ma fa’ani guyrad, me mil u langan e mab ko tent rok nge yan ni ngar mada’gad. Me yan i ragbug nge yan i yip’ owchen nga but’,

Genesis 28:16

Me od Jakob me ga’ar, “I SOMOL e riyul’ ni bay u roy, ma da ug nang.”

Genesis 33:1

Me guy Jakob Esau nike yib ni yad fa 400 i pumo’on, me f’oth e bitir rok Leah, nge Rachel, nge fa gali ppin ni sib.

Genesis 33:5

Fa’ani sap Esau ni guy fapi ppin nge bitir, me fith ni ga’ar, “Mini’ e pi cha’nir ni kambad?” Me ga’ar Jakob, “Pi cha’ney e bitir nike runguyeg Got ke pi’ ngog.”

1 Kronicles 12:22

Ba chugur ni nge gubin e rran me yib boch e pumo’on nib be’ech i un ko fa yu raba’ i salthaw rok David, ma aram me ga’ fa raba’ i salthaw rok nrib papey.

1 Kronicles 21:27

Me yog SOMOL ngak fare engel ni nge fulweg e saydon rok nge tay, me fol fare engel riy.

1 Kronicles 21:30

machane dakiyag rok David ni nge yan e ngaram e ngiyal’nem ni nge liyor ngak Got, ya kerus ko fare saydon rok fare engel ku SOMOL.

Exodus 23:23

Angel rog e bay i m’on romed nge fekmed i yan ngalan e nam rok piyu Amor, Hitt, Periz, Kanaan, Hiv, nge yu Jebus, ma bay gu thirif girdi’en e pi nam ney u but’.

Daniel 10:5

Mu gu sap mu gguy be’ nib mo’on nike yin’ e mad nib wech ma bay bangi leed ni gol nrib fel’ u lukngun.

Daniel 8:3

mu gu pug owcheg ngalang mu gguy ba saf ni pumo’on ni l’agruw i gagey rok u rom u charen e lul’, reb e ba n’uw ma bbe’ech boch nga reb.

Zekariah 1:8

Gguy be’ ni be yan u daken ba os nib row. Yib i tal nga fithik’ yuke gek’iy ni myrtle u lan e loway, mu tomur rok e bay boch e os riy nib row, nge boch nib wupwupnun’, nge wechwech.

Numbers 22:23

Ma fa’ani guy fare dongki fare engel nib sak’iy u rom ni bay ba saydon u pa’, me thum’ nga wuru’ e kanawo’. Me toy Balaam fare gamanman me fulweg ngalan e kanawo’.

Numbers 22:31

Me gagiyegnag SOMOL Balaam nge guy fare engel nib sak’iy u rom ni bay e saydon rok; me paraw Balaam nga but’.

Acts 1:10

Ka yad be changar nga lanelang ni aram e ka be yan, me sak’iy l’agruw i mo’on nga to’obrad ni ka ron’ew e mad nib wech.

Joshua 6:2

Me ga’ar SOMOL ngak Joshua, “Mu telim! Yu Jeriko nge pilung riy nge pi salthaw ni bay riy ndarir rusgad e nggu pi’ nga pa’am.

Revelation 1:13

Ma bay be’ nike sak’iy u fithik’ fa yu ley i n’en ni bod ya’an ba girdi’, nike yin’ ba mad nib n’uw nike yan i mus ko rifrif u ay, ma bay bangi leed ni gol nib longob nga ngorongoren nike yib u lik’ipon nge yib i th’ab daken ngorongoren.

Judges 13:11

Me sak’iy Manoah nge lek le’engin ngranow. Me yan ngak fare mo’on me fith ngak ni ga’ar, “Mog, i gur fare mo’on ni fa’an um welthin ngak e bpin rog?” Me ga’ar, “I gag.”

Judges 13:22

Me ga’ar Manoah ngak le’engin, “Ke mich ni ngadmow, ya kad guyew Got!”