Joshua 3:13 - Bible Ni Thothup

¹³ Ma pi prist ni yad be mat’nag fare Kahol ko M’ag rok SOMOL ko fayleng ni ga’ngin e nap’an ni yad ra tay e rifrif rorad nga fithik’ e ran, me tal e ran ko fare lul’ ni Jordan ndabki yan, ma ran ni be yib u p’ebugul e lul’ e bayi mokun nga ta’bang.”

Joshua 3:13 Σταυροειδείς Αναφορές

1 Kronicles 29:11

Ba gil bugwam ma ga ba gel, mab sorom, ma dariy thibngim ma gil’ilungum e ba polo’ u fayleng. Gubin ban’en nu tharmiy ngu fayleng ni go’ tirom, me gur e pilung, tagagiyeg ni th’abi tolang u gubin e gagiyeg.

Psalms 33:7

I kunuy urngin yang e day nga ta’bang; i kunuy ngalan e rigur nib to’ar.

Psalms 74:15

Kam tay e pi alublub nge pi athang’el ngi i map’; ma kam mliknag lan e pi lul’ ni gagang’.

Psalms 78:13

I sey e day nge fekrad nga barba’; i suweg e day ngalang ni bod ruraba’ i rungrung.

Exodus 15:8

Mu thoy daken e day me mu’ulung nga ta’bang nib tolang ngalang; nge par nib k’iy ngalang ni bod bangi rungrung; gin th’abi to’ar ko fa gi day e el nge par.

Isaiah 54:5

En ni sunumiyem e bayi bod be’ ni figirngim, fithingan e SOMOL ni Gubin ma Rayag Rok! Fare Got nib thothup nu Israel e bayi biyuliyem, ir e be gagiyegnag ga’ngin e fayleng!

Habakkuk 3:15

Pi os rom e i yot’yot’ lan e day, me cham e day me m’ag e wuth daken e day.

Zekariah 4:14

Ma aram me ga’ar, “Irera’ fagali pumo’on nike mel’eg row Got ke gapgep nagrow ni ngar pigpiggow ngak, fare SOMOL ko polo’ e fayleng.”

Joshua 3:11

Fare Kahol ko M’ag rok Somol ni ir e Somol ko fayleng ni ga’ngin e bayi th’ab e Jordan nga baraba’ ni be m’on romed.

Joshua 4:7

ma nga mogned ngorad ni ran ko lul’ ni Jordan e tal ndaki yan nnap’an ni yib fare Kahol ko M’ag rok SOMOL i th’ab e re lul’ nem. Pi malang ney e bay i par ni gubin ngiyal’ nib puguran ngak piyu Israel.”