Joshua 22:34 - Bible Ni Thothup

³⁴ Girdi’ rok Ruben nge Gad e ra ga’argad, “Re altar ney e nge mang mich riy ngodad ni gadad gubin ni SOMOL e ir Got.” Ma aram miyad tunguy fithingan ni “Mich Riy.”

Joshua 22:34 Σταυροειδείς Αναφορές

Genesis 31:47

Me tunguy Laban fithingan fare ulung i malang ni Jegar Sahadutha, machane Jakob e tunguy fithingan ni Galeed.

Genesis 31:48

Me non Laban ngak Jakob, “Ulung i malang ney e ir e ngi i par nib puguran ngodow ko re tha’ ney.” Arfan ni re gin’em e Galeed fithingan.

1 Kings 18:39

Fa’ani guy e girdi’ e ren’em miyad paraw nga but’ ma yad be non ni ba ga’ lamrad ni be lungurad, “I SOMOL e ir e Got; kemus ni SOMOL e ir e Got!”

Isaiah 19:19

Ra taw ko ngiyal’nem, ma bay ba altar rok SOMOL u lan fare nam nu Egypt nge ba malang ni ka ni suweg nib n’uw ko mathil nu Egypt ni ka ni ognag ngak SOMOL.

Isaiah 43:10

“Gimed e girdi’ nu Israel, gimed e mich rog; kug duwgiliymed ni ngam manged ba nam ni tapigpig rog, ni fan e ngam nanged gag mu gu mich u wun’med, me tamilangan’med riy ni kemus ni Gag e Got. Dakuriy yu gu reb e got nga bang; immoy ndariy, ma ku dariy ni bayib.

Matthew 4:10

Me fulweg Jesus ngak ni ga’ar, “Satan, mman ngam chuw! Ya babyor nib thothup e be ga’ar, Mu tay fan Somol ni Got rom ma yigo ir e ngam pigpig ngak!”

Joshua 22:27

ya kemus nib pow ni fan ngak e tiromad e girdi’ nge tiromed, ma ku fan ngak e pi mfen ni bayib, nib riyul’ ni ug liyorgad ngak SOMOL u mit fare Tent rok nib thothup ngu’ug pi’ed e maligach romad ni mo’oruf, nib mu’un e pi maligach ngay nge maligach nma gapaseg thilin Got nge girdi’. Ren’em e nge taleg e pi’in owchmed ni dab roged ni pi’in owchamad e dariy rograd ngak SOMOL. Fan e ran’em e nge dabi yog e pi’in owchemed ngak e pi’in owchemad ni yad e dariy rogorad ngak SOMOL.

Joshua 24:27

Me ga’ar ngak urngin piyu Israel, “Mu sapgad ko re malang ney! Bay i par ni ir e mich ko tin kadogned. Ke rung’ag urngin e thin nike weliy SOMOL ngodad. Ere bay i par ni ir e mich nib togopluw ngomed, nge ta’med ni dab mu togopluwgad ngak e Got romed.”