Joshua 22:23 - Bible Ni Thothup

²³ Fa’anra kug togopluwgad ngak SOMOL kug toyed e altar romad ni nggu urfiyed e pi maligach riy ara maligach ni grain ara maligach nma gapaseg thilin Got nge girdi’, me’ere nge mang SOMOL e nge gechig nagmad.

Joshua 22:23 Σταυροειδείς Αναφορές

Genesis 9:4

Ri ta’a ban’en e bay ndab mu koyed: ufin ni ba’ e racha’ u fithik’, ya racha’ e bay e yafos u fithik’.

2 Kronicles 24:22

Ma ke pag fare pilung talin ni Jehoyada ni chitamngin Zekariah e i pigpig ngak nrib yul’yul’, me yog ni ngan li’ Zekariah nge yim’. Ma nap’an ni be yan ni nge yim’ Zekariah me tolul ni be ga’ar, “Mang e guy SOMOL e tin ni ga be rin’ nge gechig nigem!”

Ezekiel 3:18

Fa’anra gog ni bay be’ nib kireb ni bay yim’, ma da mu ginaeng nge thiliyeg pangin nge par nib fos, ma bay yim’ u fithik’ e denen rok, ma gu ra tay ni gur e kireb rom nike yim’.

Ezekiel 33:6

Ma fa’anra guy fa’anem ni damit e to’ogor nike yib ma de thoy e yabul, mra yib e to’ogor ngar li’ed fapi tadenen. Ma fare damit e gu ra tay ni ir e kireb rok nike yim’ fa picha’.

Ezekiel 33:8

Fa’an gu ra yog ni bay be’ nib kireb ni bay yim’, ma da mu ginaeng nge thilyeg pangin nge siyki yim’, ma fa’anra yim’ u fithik’ e denen rok, ma yam’ nike tay e gu ra tay ni gur e kireb rom.

Deuteronomy 12:11

I SOMOL e bayi turguy bang ni aram e gin ni ngu’um liyorgad riy ngak, mu rom e ngam feked i yib ngak urngin ban’en ni kugog ngomed; pi maligach romed ni ngan urfiy nge yugu boch e maligach, nge ragag e pasent ko pin’en ke yag ngomed, nge pi tow’ath nib mal’eag ni kam micheged ngak SOMOL ni ngam pi’ed ngak.

Deuteronomy 18:19

Ra non u fithingag, ma gu ra gechignag e en nra siyeg ni nge fol rok.

Joshua 22:24

Danga’! Kug rin’ed ni bochan e gamad be rus nri yan i daken bi’id me ga’ar e pi’in owchemed ngak e pi’in owchemad, ‘Mang rogmed ngak SOMOL, ni fare Got nu Israel?

1 Samuel 20:16

ma ngi i par e re thin rodow ney ni kad michegew ngodow ndabi math. Ma fa’anra math, mi SOMOL e bayi gechig nigem ni bochan.”