Joshua 22:18 - Bible Ni Thothup

¹⁸ Ere ngkum gelniged lanin’med ndab mu folwokgad rok e chiney? Fa’an gimed ra togopluw ngak SOMOL e daba’, ma ra gabul ma ke damumuw ngak gubin e girdi’ nu Israel.

Joshua 22:18 Σταυροειδείς Αναφορές

2 Samuel 24:1

Miki yan i taw nga bangiyal’ niki damumuw SOMOL ngak yu Israel, me tay David ni nge mang ir e nge fek e gafgow i yib nga dakenrad. Me ga’ar SOMOL ngak, “Mman ngam the’eg e girdi’ nu Israel ngu Judah.”

1 Kings 9:6

Machane gur fa pi’in owchem e fa’an gimed ra tal i lekeg, nge dab kum folgad ko pi motochiyel rog nge tin kugog ni ngu’um rin’ed, mu’um ted fan yugu boch e got,

2 Kings 17:21

Nga tomuren nike ki’eg SOMOL yu Israel rok yu Judah, me tay yu Israel i Jeroboam nib mo’on ni fak Nebat nge mang pilung rorad. Me Jeroboam e k’aringrad ngar paged SOMOL me waliyrad nga fithik’ e denen ni ubchiya’.

1 Kronicles 21:1

Mo’onyan’ e ba’adag ni nge girengiy e tin ba mo’maw’ nga daken e girdi’ nu Israel, ma aram me k’aring lanyan’ David ni nge matha’eg girdi’.

1 Kronicles 21:14

Ma aram me pag SOMOL ba misilpig nge yib ngak e girdi’ nu Israel, ma medlip i ragag e bbiyu’ i yad e yim’.

2 Kronicles 25:27

Ka nap’an fa ngiyal’ ni cheal nge togopluw ngak SOMOL, mi ni tababnag ba makath u Jerusalem nib togopluw ngak. Me tomur riy me mil nge yan ko fare binaw nu Lakish, machane me lek e pi to’ogor rok e ngaram ngar li’ed nge yim’.

2 Kronicles 34:33

Josiah ni Pilung e gathay gubin e liyos nib sonogor ni immoy u lan tafen e girdi’ nu Israel, ma n’umngin nap’an ni i par nib fos, e i yog ngak e girdi’ ni ngu’ur pigpiggad ngak SOMOL, ni fare Got rok e pi chitamngirad kakrom.

Levitikus 10:6

Me ga’ar Moses ngak Aron nge fa gali pumo’on ni fak ni aram Eleazar nge Ithamar, “Dab mu ted lolgumed ndab kum raweyed ara mu guchthiyed e mad romed ni gimed be dag ni be taganan’med. Ya gimed ra rin’, ma gimed ra yim’, mra damumuw SOMOL ngak yu Israel ni ga’ngin. Machane urngin e girdi’ nu Israel ni yad ra yornag faglicha’ ni li’row fare nifiy ni SOMOL e pi’ nge yib.

Numbers 16:22

Machane me ragbug Moses nge Aron nga but’ nge math peri’ row ko but’ me lungurow, “Got, I gur e ga ma pi’ e yafos. Ere mog, nap’an nra denen ta’abe’ ma aram e ngam damumuw ngak urngin e girdi’ u lan fare binaw ni ga’ngin?”

Numbers 32:15

Fa’anra gimed e girdi’ rok Ruben nge Gad e gimed be siyeg ni ngam folgad rok SOMOL e chiney, ma bay i n’ag bayay urngin e pi girdi’ ney u roy u daken e ted, ma gimed tapgin e riya’ ni nge aw ngorad.”

Deuteronomy 7:4

ya yad ra pingeg pifakmed nge dab ku ra folgad rok SOMOL miyad tay fan yugu boch e kan, ma aram e ra damumuw SOMOL ngomed nge thang owchemed nib machreg.

Joshua 22:15

Rabad ko fare binaw nu Gilead, ko girdi’ rok Ruben, nge Gad, nge ley ni Ngek e Manasseh,

Joshua 22:16

miyad non ni pa’ gubin e girdi’ rok SOMOL, nra ga’argad ngorad, “Mangfan ni kam rin’ed e re kireb ney nib togopluw ko fare Got nu Israel? Kam togopluwgad ngak SOMOL ko re altar ney ni kam toyed ni fan ngomed! Dakumur folwokgad rok!

Joshua 22:20

Ki gimed manang faram rogon ni gelnag Akan nib mo’on ni fak Zerah laniyan’ nde fol ko tin ni yog SOMOL ni murung’agen e pin’en ni kan duwgiliy ni nge kireb; ga’ngin yu Israel nni gechignag ni bochan e ran’em. Akan e gathi go’ ir e yim’ ni bochan e denen rok.”

Joshua 7:1

Dan fol ko fare n’en ni tay SOMOL chiylen ngak yu Israel ndab ni fek ban’en u Jeriko nsusun e ngan kirebnag. Be’ nib mo’on ni Akan fithingan e de fol riy, ma aram mri damumuw SOMOL ngak piyu Israel’. (Akan e be’ nib mo’on ni fak Karmi ni be’ nib mo’on ni fak Zabdi, ni be’ ko fare ke girdi’ rok Zerah, ni bang ko fare ganong rok Judah.)

Joshua 7:11

Ke denen yu Israel! Kar th’abed e tin gu tay chiylen ngorad ni ngar ayweged ndab ni rin’. Kar feked boch fa pin’en ni kugog nthingar ni kirebnag. Kar iringed e pin’em miyad ban u murung’agen, kar ted nga fithik’ e tin ferad ban’en.

Joshua 7:21

Gguy ba wuru’ e mad nib n’uw ma rib fel’ ya’an nni ngongliy u Babylonia, nge gonap’an e lal e pawn e silber, nge bang i gol nib pag reb e pawn tomalngin. Margum’ ni bochan mu gu fek. Ga ra pir’eg e pin’ey ni kug k’eyag u lan e tent rog, ni silber e bay nga t’ay e low.”

1 Samuel 12:14

Ra um pired ni bfel’ rogomed ni fa’anra i par ni SOMOL ni Got romed e ir e bm’on u wan’med, ma gimed be pigpig rok, mi gimed be motoyil ngak, ma gimed be fol rok, mi gimed par nge pilung romed ni gimed be folwok rok.

1 Samuel 12:20

Me fulweg Samuel ni ga’ar, “Dab mu rusgad. Yugu er rogon gelngin e kireb ni kam ngongliyed, ma dab mu pi’ed keru’med ngak SOMOL, ya ngu’um rin’ed e tin nib magan’ ngay u polo’ i lanin’med.