Joshua 2:19 - Bible Ni Thothup

¹⁹ Ma fa’anra yan be’ u naun rom ngalan e kanawo’, ma yam’ nra tay e ir e kireb rok, ma aram e dariy rogon ngomow; ma fa’anra maad’ad be’ u lan e naun rom, mra yan i aw ni gamow e kireb romow.

Joshua 2:19 Σταυροειδείς Αναφορές

2 Samuel 1:16

me ga’ar David ngak fare Amalekite, “Gur e kam girengiy e biney e pa’ nga dakenam. Gur e mu turguy e n’en ni ngan rin’ ngom nnap’an ni mog ni gur e kam li’ e en ni SOMOL e turguy ni nge mang pilung.”

2 Samuel 4:11

Rikab ga’ e oloboch nra aw ngak e girdi’ ni kireb ni kar thanged e fan rok be’ ni dariy ban’en nike bucheg, ma be mol u naun rok! Bay gu fulweg taban e kireb romew ngomew ni fan fare mo’on ni kam thangew e fan rok, bay gu thirifmew ngam chuwgow u daken e re fayleng ney!”

1 Kings 2:32

Bayi gechignag SOMOL i Joab ni bochan e mthang pogofan ni i tay, ni i rin’ nda i nang e chitamag i David. I Joab e li’ nge yim’ l’agruw i pumo’on nde buch e rorow ma yow ba manigil boch ngak Joab: Abner, nib ga’ ko salthaw nu Israel, nge Amasa, nib ga’ ko salthaw nu Judah.

Exodus 12:13

Rracha’ ko pi mab e bayi mang pow ko pi naun ni gimed be par riy. Nap’an ni gu ra guy e racha’, mu gu luk’afmed ni dab gu bucheg ban’en romed, u nap’an ni gu be gechignag yu Egypt.

Exodus 12:22

Me bigimed me fek ba pa’ngin e hyssop nge lthag nga fithik’ e racha’ nike tay nga baraba’ i ban’en nge achey nga ruw raba’ i langan e mab nge nga daken langan e mab. Dariy bigimed ni nge yan nga wuru’ e naun rok nge mada’ ko kadbul.

Exodus 12:23

Ya ngiyal’ ni bay yan SOMOL u lan yu Egypt ni nge thang e fan rok piyu Egypt, e bayi guy e racha’ u daken langan e mab ngu daken ruw raba’ i langan e mab, ma dabi pag e Engel ko Yam’ nge yib ngalan e naun romed nge thang e pogofan.

Levitikus 20:11

Ra par reb e mo’on nge reb i le’engin e chitamngin ma ke dariy fannag e chitamngin, ma aram e yira thang e fan rorow fare pin. Yow tapgin e yam’ ni kartew.

Levitikus 20:9

Me pi’ SOMOL e pi gafal ni ba’aray. Fa’an ga ra yibil ni nge buch wa’athan e chitamam fa chitinam, ma yira thang e fan rom, ni gur tapgin e yam’ ni ngam tay.

Matthew 24:17

Ma en ni bay u daken e chigiy ko naun rok e dakuriy nap’an ni nge luw nga but’ nge fek e chugum u naun rok.

Acts 18:6

Ma fa’anra togopluwgad ngak miyad yog e thin nib kireb ni murung’agen, me rurug e fiyath ko mad rok ni aram e ke togopluw ngorad ma be ga’ar ngorad, “Fa’an gimed ra malog, ma gimed e kireb romed! Me gag e dariy rogon ngog. Chiney i yan ngaram e bay gu wan ngak e pi’in gathi yad piyu Israel.”

Acts 20:26

Ere ri gu be yog ngomed e daba’: Fa’anra malog bigimed, me gag e dariy rogon ngog.

Acts 27:31

Machane me ga’ar Paul ngak fare pilungen e salthaw nge fapi salthaw, “Fa’anra dabi par e pi sala ney u daken e barkow, ma dabiyag ni gimed ra fos.”

Filippi 3:9

mu gu pirew ni kug ta’ab girdi’gow. Ma gathi ka gag e gu be athamgiliy ni nggu mat’aw, ni fa mit nem e mat’aw nma yag u daken e Motochiyel rok Moses ni yibe fol riy; ya chiney e kug mat’aw ni Got e ke mat’aw nigeg ni bochan e ke mich Kristus u wun’ug, ni mat’aw nike yib rok Got ni yib u daken e michan’ rog ngak Kristus.

Hebrews 10:29

Ere ra yan i di’in e en ni be darifannag e en ni Fak Got ni be dag ko ngongol rok ndariyfan u wan’ e racha’ ko m’ag rok Got ni ir e machalbognag fa’anem, ni en ni ir e ke tagannag laniyan’ fare Kan Nthothup nma ayuwegdad? Mu tafinay niged feni gel e gechig ni bay tapgin ni ngan pi’ ngak!

Joshua 2:12

Ere mmichegew ngog u daken fithingan SOMOL ni gimew ra ayuweg girdi’en e tabnaw rog, ni bod ni ku gu ayuwegmew, mi gimew pi’ ba pow ngog nrayag ni nge pagan’ug ngomew.

Joshua 2:14

Me ga’ar fa gali mo’on ngak, “Gamow ra pi’ e pogofan romow ngalon e pogofan romed! Fa’anra dabmog e n’en ni kug bownag, ma gamow ra tay u tagil’ e tin ku gognew ngom ko ngiyal’ nra pi’ SOMOL e re nam ney ngomad.”

Joshua 2:20

Machane fa’anra mu weliy e n’en ni kug bownag, ma aram e dab kug tew nga tagil’ e tin kug michegew ngom ni gamow ra rin’ ni fan ngom.”