Joshua 2:18 - Bible Ni Thothup

¹⁸ Mu telim. Nap’an ni gamad ra yib nga daken e nam romed, ma ga m’ag e re gaf ney nib row ko winda rom ni ir e gu luwgow riy nga but’. Ma ga tay e chitamam nge chitinam, nge pi walagem ni pumo’on nge urngin e girdi’ ko tabinaw rok e chitamam nga naun rom.

Joshua 2:18 Σταυροειδείς Αναφορές

Genesis 12:2

Bay gu gagiyeg nge yib owchem ni pire’ ni pire’, ni yad e bay ra manged girdi’en ba nam nib ga’. Bay gu fal’eg wa’atham mu gu gagiyeg nge gilbuguwan fithingam, me fel’ wa’athan e girdi’ ni bocham.

Genesis 7:1

Me ga’ar SOMOL ngak Noah, “Mmarod girdi’en e tabinaw rom ngalan fare barkow; ya kug pir’eg ni kemus ni gur u fithik’ e girdi’ e ka gab fel’ u wun’ug.

Ester 8:6

Bu uw rogon i lubeg rog e biney e riya’ ni nge aw ko tirog e girdi’, ni ngan thang owcharad?”

Exodus 12:13

Rracha’ ko pi mab e bayi mang pow ko pi naun ni gimed be par riy. Nap’an ni gu ra guy e racha’, mu gu luk’afmed ni dab gu bucheg ban’en romed, u nap’an ni gu be gechignag yu Egypt.

Tang Ko Pitang 4:3

Dap’il’ugnam e bod bang i mad nrow; ma kabfel’ boch ya’an ni ga ra non. Be galgal ra’en linglingim u fon fare gi mad u owchem.

Levitikus 14:4

ma nge yog fare prist ni ngan fek l’agruw i arche’ i yib ni kan be’echnag, nib cheag bang i ren ngay ni cedar, nge ba gaf nib row, nge bochi pa’ i gek’iy ni hyssop.

Numbers 19:6

Ma aram e nge fek fare prist boch e l’ud ko gek’iy ni cedar nge bochpa’ i hyssop, nge ba yil’ i gaf nib rowrow, nge yon’ e pin’em nga mit e nifiy.

Numbers 4:8

Mra upunguyed e pin’ey nga bang i mad nib row, mu ku ra upunguyed ngabang i keru’ e gamanman ni bfel’, nge mu’ miyad yip’ e mat’ riy ngay.

Luke 19:9

Me ga’ar Jesus ngak, “Kanawo’ ni nge thap e girdi’ riy ngak Got e ke taw ko re naun ney e daba’, re mo’on ney e ku errogon ni ir be’ ni owchen Abraham.

Acts 10:27

Be non Peter ngak Kornelius ma be yan i yan ngalan e naun, me pir’eg e girdi’ ni pire’ ni kar mu’ulunggad ngaram.

Acts 10:33

Ere ka chingiyal’ nem mu gol’oeg e thin nge yib ngom, ere kam magaer ni ka mub. Chiney e gamad gubin ni gamad ba’aray u p’eowchen Got, ni gamad be son ni nggu rung’aged e tin ke yog Somol ngom ni ngam weliy.”

Acts 11:14

Ya ir e bayi weliy boch e thin ngom ni aram e re thin ni bayi thapegem ngak Got nge urngin e girdi’ nu tabinaw rom.’

2 Timothy 1:16

Nge runguy Somol girdi’en e tabinaw ku Onesiforus, ya bo’or yay nike pi’ e athamgil nga lanin’ug. Der tamra’ ngay ni gu bay u kalbus,

Hebrews 9:19

Som’on e weliy Moses ngak fapi girdi’ urngin fapi motochiyel ni bay u lan fare Motochiyel ni polo’. Me ere fek racha’en pifak e garbaw nge athkuy ko ran me lthag pa’ngin e hyssop ngay ni kan tay bunu’en e saf nga taban ni kan k’ad ko row, me atngiy nga daken babyoren e Motochiyel nge girdi’ ni gubin.

Joshua 2:21

Me fulweg ni ga’ar, “Thin romew e aram rogon ni nge par riy.” Ma aram me yog ngorow ni ngranow, miyow yan. Me m’ag fare tal nib row ko winda rok.

Joshua 6:23

Ma aram miyow yan ngar piningew Rahab ngeb nga wean, nike un e chitamngin ngak nge chitiningin, nge pi walagen ni pumo’on, nge tin kabay e girdi’ ni girdi’en e tabinaw rok. Min fekrad ni yad gubin, ni girdi’ nu tabinaw nge pi sib rorad, min ta’rad nga wuru’ e gin be par piyu Israel riy.

Joshua 6:25

Machane me ayuweg Joshua e pogofan rok Rahab ni be’ ni bpin nma chuway’ ngak nge urngin e girdi’ rok, ni bochan e mithag fa gali mol’og ni l’ogrow Joshua nga ranow nga Jeriko ni damit. Ma pi’in owchen Rahab e ka aram e ra pired rok piyu Israel ke mada’ ko bin daba’ e rran.