Joshua 18:1 - Bible Ni Thothup

¹ Nga tomuren nike kol yu Israel fare nam miyad mu’ulung ni yad gubin nga Shiloh ngar n’ufed ngalang fare Tent u p’eowchen SOMOL.

Joshua 18:1 Σταυροειδείς Αναφορές

2 Samuel 7:6

Nap’an fa ngiyal’nem ni gu fek e girdi’ nu Israel nga wuru’ yu Egypt nge yib i mada’ ko bin daba’ e rran ma dawor gu par u lan ba tempel; ya ug milekag i yan ni lan ba tent e gu be par riy.

1 Kings 14:2

Me ga’ar Jeroboam ngak le’engin, “Mu thilyeg ya’am nge dabki poyem be’, ma ga yan nga Shiloh, ko gin nma par Ahijah ni profet riy, fa’anem ni yog ni gu ra mang pilung nu Israel.

1 Kings 14:4

Ma aram me yan fare pin nga tabnaw rok Ahijah u Shiloh. Ma ke malmit Ahijah ya kari pilbithir.

1 Kings 2:27

Ma aram me chuweg Solomon i Abiathar ko pigpig ni prist rok SOMOL, aram e ke yan i m’ug nib riyul’ e tin ni yog SOMOL u Shiloh ni murung’agen Eli ni prist nge pi’in owchen.

Nehemiah 9:24

Ra gelgad ko nam nu Kanaan; mu gel ngak e girdi’ nma par u rom. Mpi’ mat’wun e tirom e girdi’ e ngiyal’nem ni ngar rin’ed e tin yad ba’adag ngak e girdi’ nge pi pilung ko nam nu Kanaan.

Psalms 78:60

Me n’ag e tent rok nu Shiloh, ni aram e gin ni tafen ni i par riy u fithik’mad.

Psalms 78:66

Me tuluf e pi to’ogor rok ngar sulod ni ka ra waergad ma ka ra tamra’gad.

Jeremiah 26:6

Fa’anra dab mu rin’ed e pin’ey, ma aram e nggu rin’ ko re Tempel ney e n’en ni gu rin’ nga Shiloh. Urngin e nam nu roy u fayleng e fa’an yad ra bucheg wa’athan be’ ma yad ra yog ni nge buch wa’athan ni bod e re binaw ney.”

Jeremiah 26:9

Mangfan ni kamog u fithingan SOMOL ni re Tempel ney e bayi bod yu Shiloh, ma bay ni kirebnag e re binaw ney, ma dakuriy be’ nra par u langgin?” Ma aram me liyegneg e girdi’.

Jeremiah 41:5

me taw meruk i ragag e pumo’on nu Shekem, ngu Shiloh, nge yu Samaria. Kar puyed sorbarad ma kar guchthuyed e mad u dakerad ma kar rasayed dowrad. Kar feked e grain nge incense ni ngar pi’ed ni maligach u Tempel.

Numbers 32:22

ma ke tafnay e binaw. Ma aram migmed sul, ni bochan e kam lebuguyed e maruwel romed ngak SOMOL nge ngak e pi’in gimed ni piyu Israel. Ma aram e bay i micheg SOMOL ni re gi but’ ney ko ngek u Jordan e gimed e tafenmed.

Acts 7:45

Pi chitamangidad ni pi’ pi chitamangirad e re tent nem ngorad, e tomur miyad fek nge un ngorad ko fa ngiyal’nem ni fa’anra uned ngak Joshua ngar feked fa gi nam ni i par girdi’en bo’or e nam u daken me tulufrad Got riy. Me par u rom nge mada’ nga nap’an David.

Joshua 18:2

Ma kabay medlip e ganong rok e girdi’ nu Israel ndawor ni pi’ bang e binaw ra tafned u lan fare nam.

Joshua 18:8

Me yan fapi pumo’on ni aram e ngar yaliyed ngar yoloyed ya’an e re nam nem u but’ u tomuren nike yog Joshua ngorad e tin ni ngar rin’ed ni ga’ar: “Mmarod u daken e re nam ney ni ga’ngin ngam yoloyed rogon ya’an u but’, mi gimed sul ngog. Ma aram u roy u Shiloh e bay gu fith lanyan’ SOMOL riy ni fan ngomed ko pow ni ngan girengiy.”

Joshua 19:51

I Eleazar ni prist, nge Joshua nib mo’on ni fak Nun, nge pi’in yad ma yog e thin rok e pi tabnaw ko pi ganong nu Israel e ra pi’ed e yungi binaw ney ni bod rogon ni duwgil ko pow nra girengiyed ni yad be fith lanyan’ SOMOL u Shiloh, u langan e mab ko fare Tent u p’eowchen SOMOL. Aray rogon nra ted e f’oth ko fayu ngi binaw.

Joshua 21:2

U rom u Shiloh u lan fare nam nu Kanaan e lungurad riy ngorad, “I yog SOMOL ngak Moses ni yira pi’ boch e binaw ngomad ni nggu pired riy, ma ku arrogon e yungi flang nib liyeg e pi binaw nem ni fan ko gamanman romad.”

Joshua 22:12

Nap’an ni rung’ag e girdi’ nu Israel e ran’ey, miyad mu’ulung ni yad gubin nga Shiloh ni ngar m’aged e mael ko fapi ganong ni bay ko ngek.

Joshua 22:19

Ere chiney, e fa’anra nam romed e de bung ni ngu’un liyor riy, mi gimed yib ngalan e gin tafen SOMOL, ko gin’en ni bay e Tent rok riy. Mu feked bang e binaw romad ngam pired ngay. Machane dab mu togopluwgad ngak SOMOL fa mu mang niged gadad boch e pi’in tatogopluw ni fan e reb e altar ni ngam ngongliyed ngki cheg ko altar rok SOMOL ni Got rodad.

Joshua 22:9

Are girdi’ ko fapi ganong rok Ruben, nge Gad, nge ba’ ni Ngek e ganong ko Manasseh e rsulod nga tabnaw. Ra paged e tin kabay e girdi’ nu Israel u Shiloh u lan fare nam nu Kanaan ngar sulod i yan ko gin taferad, ni fare nam nu Gilead, nra koled ni bod ni yog SOMOL ngorad u l’ugun Moses.

Judges 18:31

Fare liyos rok Mikah e par u rom u n’umngin nap’an niki par fare Tent rok Got ni yima tayfan riy u Shiloh.

Judges 21:12

Miyad pir’eg aningeg mir’ay e ppin ni kab rugod ni dawor nnanged e pumo’on u fithik’ fapi girdi’ nu Jabesh, ma aram miyad fekrad i yib ko fa gin yad be par riy u Shiloh, ni bay u lan e nam nu Kanaan.

Judges 21:19

Ma aram miyad ga’ar, “Fare madnom rok SOMOL u Shiloh e ke chugur.” (Yu Shiloh e bay ko lel’och u Bethel, ma bay nga yimuch u Lebonah, ma bay ko ngek ko fare kanawo’ u thilin yu Bethel ngu Shekem.)

1 Samuel 1:24

Ma nap’an ni pag fare tir e thuth, me fek nga Shiloh, me fek ba garbaw ni dalip e duw yangren nge un ngorad me fek nap’an rliw’ nge lal e pawn e flour nge ba tutuw ni keru’ e gamanman ni kan suguy ko wayin. Me fek Hannah fare tir ni aram rogon ni kab bitir, nge yan ko naun rok SOMOL u Shiloh.

1 Samuel 1:3

Urngin e duw nma yan Elkanah u Ramah nga Shiloh ngi i meybil me pi’ e maligach rok ngak SOMOL ni Gubin ma Rayag Rok, ni aram e gin bay fa gal pumo’on ni fak Eli riy, ni aram Hofni nge Finehas, ni yow e prist rok SOMOL.