Joshua 16:10 - Bible Ni Thothup

¹⁰ Ma dar tulufed piyu Kanaan ni ur pired u Gezer, ere ke par piyu Kanaan u fithik’ e pi Efraim ke mada’ ko bin daba’ e rran, machane nni tayrad ni yad e sib.

Joshua 16:10 Σταυροειδείς Αναφορές

1 Kings 9:15

Solomon ni Pilung e maruwel ko pi sib ngar toyed fare Tempel nge fare naun ni tafen e pilung, miyad suguy bang e binaw nga ba’ ni ngek ko fare binaw, miyad ngongliy e yaror nge liyeg fare binaw nu Jerusalem. Miki maruwel ngorad ngar ngongliyed bayay fapi binaw nu Hazor, Megiddo, nge Gezer. (

1 Kings 9:16

Fare pilung nu Egypt e ke mael nga Gezer ke kol, me thang e fan rok urngin e girdi’ riy me tay e nifiy ko fare binaw. Ma aram me pi’ nib tow’ath ngak fare bpin ni fak ko ngiyal’ nra mabgol gow Solomon,

2 Kronicles 8:8

e yib owcharad ni aram e picha’ ni tayrad Solomon ngi i maruwel ngorad, ku aram rogon ke mada ko biney e rran.

Joshua 10:33

Me yib Horan ni Pilung nu Gezer ni nge ayuweg yu Lakish, machane miki gel Joshua ngak nge salthaw rok ni dariy ta’abgayad nra paged ni kabfos.

Joshua 15:63

Machane pi girdi’ rok Judah e de yag rorad ni ngar tulufed u Jerusalem e pi Jebusite ni ur pired u rom. Pi Jebusite e kayad bay u rom ni yad be par u fithik’ e pi girdi’ nu Judah.

Joshua 16:9

nib mu’un boch e binaw nge yuchi binaw ngay ni immoy u lan fare mathil rok Manasseh, machane ni pi’ ngak pi Efraim.

Joshua 17:12

Fapi girdi’ rok Manasseh e de yag rorad ni ngar tulufed fapi girdi’ ni yad ma par u lan e pi binaw nem ngar chuwgad, ere miki par piyu Kanaan u rom.

Joshua 17:13

Mus ko ngiyal’ nike gel lungun yu Israel i yan ma dar tulufed nge chuw piyu Kanaan ni gubin u rom, machane ra tedrad ni ngu’ur marwelgad ngorad.

Judges 1:29

Ma ganong rok Efraim e de tuluf piyu Kanaan ni yad be par u lane binaw nu Gezer, ma aram miki par piyu Kanaan rorad u rom.