Joshua 12:3 - Bible Ni Thothup

³ mu’un fare Loway ni Jordan ngay ni tabab ko lel’och ko Lipach nu Galilee nge mada’ nga Beth Jeshimoth (bay ko ngek ko Dead Sea) me yan u rom nga enggin e Burey ni Pisgah.

Joshua 12:3 Σταυροειδείς Αναφορές

Genesis 14:3

Lal i pilung ney e ra chaggad miyad ulunguy e salthaw rorad ngalan e Loway u Siddim, ni aram yu Dead Sea e chiney.

Genesis 19:25

Ma aram me kirebnag SOMOL e gal binaw nem nge fare loway ni ga’ngin, nib mu’un urngin e girdi’ ngay ni be par u lan fa gal binaw nge urngin ban’en nike tugul u daken e but’ u rom.

1 Kings 15:20

Me pining Benhadad ni Pilung e kefel’ ko tin keyog Asa me l’oeg e pi tolang ko salthaw rok nge yu raba’ i salthaw rorad ni ngar maelgad ko pi binaw nu Israel. Miyad kol e binaw nu Ijon, Dan, Abel Beth Maacah, nge fa gin’en nu to’oben e Lipath ni Galilee, nge ga’ngin yang u tafen yu Naftali.

Ezekiel 25:9

ere aram fan ni bay gu pag fapi binaw ni yad ma yoror ko mathil nu Moab ngeb e cham ngorad, nib mu’un fapi binaw ngay ni fafalel’ — yu Beth Jeshimoth, Baal Meon, ngu Kiriathaim.

Numbers 21:20

miyad yan u Bamoth nga loway ko binaw nu Moab, u to’oben p’ebgul e Burey nu Pisgah, ni yira guy riy daken e ted.

Numbers 34:11

Me yan ko yimuch nga Harbel, meyan ko ngek u Ain, me yan u rom ko yochi burey ni ba’ ko ngek u mirichlen e lipath nu Galilee,

Luke 5:1

Bay ba yay nib sak’iy Jesus u dap’e ran ko lipath nu Gennesareth ma be apinpin e girdi’ i yib ngak ngam’on ni ngar motoyilgad ko thin rok Got.

John 6:1

Tomuren e biney me th’ab Jesus e lipath ni Galile nge sul (ara lipath ni Tiberias).

Deuteronomy 3:17

Mu ba’ ni ngal fare gi binaw ntaferad e yan nge mada’ ko lul’ ni Jordan, ni tabab u lan e lel’och ko lipath ni Galilee. Me yan ko yimuch nge yan i taw ko Dead Sea, me yan ko ngek nge mada’ nga enggin fare burey ni Pisgah.

Deuteronomy 4:49

Ki un ngay ga’ngin yang e nug u ba’ ni ngek fare Lul’ nu Jordan nge yan i yan ngalan e yimuch nge mada’ ko Dead Sea me yan ko ngek nge tun nga enggin e burey ni Pisgah.

Joshua 11:2

nge ngak e pi pilung nga bbinaw ni go’ burey ni bay u lan e lel’och, ngu Jordan u yimuch ko fare Lipath u Galilee, nge binaw nu depe’ted, nge tin ba’ u dap’alay nib chugur nga Dor.

Joshua 13:20

Bethpeor, nge sigre’en e Burey ni Pisgah, ngu Beth-Jeshimoth.

Joshua 15:2

Re mathil ney ko yimuch e yan u ley ni yimuch ko fare gi day ni Dead Sea,

Joshua 15:5

Ma mathil ko ngek e fare gi day ni Dead Sea fithingan, me yan i mada nga p’ebgul ni gin i tabab e lul’ riy ngafini yib i po’ nga langgin e Jordan. Fare mathil ko lel’och e aram e gin ni tabab riy,

Joshua 3:16

me tal e ran ko fare lul’ ndaki yan me mukun u p’ebugul e lul’ u Adam, ni fare binaw ni bay u to’oben yu Zarethan. Ma fare ran ni be yan ko re lul’ nem ngalan e Dead Sea e tal ndaki yan, me th’ab e girdi’ fare lul’ nga baraba’ u bang nib chugur nga Jeriko.