Joshua 11:20 - Bible Ni Thothup

²⁰ Ke gelnag SOMOL lanin’rad ni ngar chamgad ngak piyu Israel, ya nge aw e gechig ngorad nge thirifrad u but’ ma yad gubin ni yira li’rad ngarm’ad ndab ni runguyrad. Irera’ rogon ni yog SOMOL ngak Moses.

Joshua 11:20 Σταυροειδείς Αναφορές

2 Samuel 17:14

Me ga’ar Absalom nge urngin piyu Israel, “Kabfel’ e tin keyog Hushai ko tin keyog Ahithofel.” Ma aram e SOMOL e ke duwgiliy ni nge dab ni rin’ e tin ni bfel’ nike yog Ahithofel, ya nge yib e riya’ ngak Absalom.

1 Kings 12:15

Ma de rin’ e tin ke wenignag e girdi’ ngak, ya SOMOL e ke gagiyegnag ke yan i aw ni aram rogon, ni fan e nge yib i m’ug nib riyul’ e tin ni yog ngak Jeroboam nib mo’on ni fak Nebat u l’ugun Ahijah ni profet ni be’ nu Shiloh.

2 Kronicles 22:7

Me maruwel Got ko re fangich ney ku Joram ni aram e nge thay pa’ i Ahaziah. Nap’an ni bay Ahaziah u rom, ma ranow ra guyew i Jehu nib mo’on ni fak Nimshi, ni aram e cha’ nike mel’eg SOMOL ni nge thang owchen fare tabnaw rok Ahab.

2 Kronicles 25:16

Dawori mu’ fare profet ko numon me ga’ar Amaziah, “Mog wu’in e kan tem ni gur e tafonow rok e en pilung? Mu tal ko welthin, fa ngugog ngan li’em nga mum’!” Me tal fare profet ko welthin nga tomuren nike ga’ar, “Aram e kugnang e chiney nike turguy Got ni nge thirifem u but’ ni bochan e ka mu rin’ urngin e pin’ey ma ka mu fek yathin e fanow rog.”

Exodus 10:1

Me ga’ar SOMOL ngak Moses, “Mman ngak Farao. Ya kug gelnag laniyan’ nge laniyan’ e pi tolang rok, ni fan e nge yag ni gu ngongliy e pi maang’ang rog ney u fithik’rad,

Exodus 11:10

I Moses nge Aron e ra ngongliyew urngin e pi maang’ang nem u p’eowchen Farao, machane me gelnag SOMOL laniyan’ Farao, ma aram e de pag piyu Israel ngar chuwgad ko nam rok.

Exodus 14:17

Bay gu tay piyu Egypt ngari gel lanin’rad ngar leked piyu Israel nga maday; ma bay gu gel ngak Farao, nge fa rab’ i salthaw rok, nge pi chariot rok, nge pi’in yad ma yannag e pi chariot rok nem, min ta’fag ni bochan.

Exodus 14:4

Bay gu gagiyegnag Farao nge gel laniyan’ me lol’ogmed, ma bay gu gel ngak Farao nge urngin e salthaw rok min ta’fag ni bochan. Piyu Egypt e bay ra nanged ni gag SOMOL.” Me rin’ piyu Israel ni bod rogon ni kanog ngorad.

Exodus 14:8

Me gagiyegnag SOMOL Farao nge gel laniyan’, me lol’oeg piyu Israel, ni aram e yad be yan ni SOMOL e be yoror rorad.

Exodus 4:21

Me ga’ar SOMOL ngak Moses, “Chiney e aram e ngam sul nga Egypt, ma ngam guy rogon ngar mu ngongliy u p’eowchen Farao urngin fapi maang’ang ni kug pi’ gelngim ni ngam ngongliy. Bay gu gagiyegnag nge gelnag laniyan’, nge dabi pag e girdi’ nu Israel ngranod.

Exodus 9:12

Machane me gagiyegnag SOMOL Farao nge gelnag laniyan’ ma de motoyil ko n’en ni yow be yog, ni bod rogon ni yog SOMOL ngak Moses.

Exodus 9:16

Ma bochan gelngig ni ngam guy aram fan ni kug pagem ndab mum’, ya nge wear buguwag nga urngin yang u fayleng.

Isaiah 14:24

I SOMOL ni Gubin ma Rayag Rok e micheg ni ga’ar: “Tin ku gu leamnag e ra yodrom. Ma tin ku gu duwgiliy ni nggu rin’ e ra yan ni aw ni amrogon.

Isaiah 34:2

I SOMOL e ke damumuw ngak gubin e nam nge gubin e salthaw rorad. Ke gechig nagrad ni ngan thang e pogofan rorad.

Roma 9:18

Ere Got e ma runguy e en ni be finey ni nge runguy, mma gelnag laniyan’ e en ni be finey ni nge gelnag laniyan’!

Deuteronomy 2:30

“Machane de pagdad Sihon ni Pilung ngdarod u lan e nam rok. Ya SOMOL ni Got romed e ke gelnag laniyan’ fare pilung be togopluw. Ni bochan e nge yag ni ngad gelgad ngak ngad tafned tafen ni ir e kagdad be par riy.

Deuteronomy 7:16

Mu thanged owchen urngin e girdi’ ko pi nam ni SOMOL ni Got romed e bayi pi’ nga pa’med, ma dab mu runguyed yad. Dab mu ted fan ara mu meybilgad ko pi got rorad. Ya gimed ra rin’ ma ra yib riy’en ngomed.

Judges 14:4

Ma de nang e chitamngin nge chitiningin ni SOMOL e be pow’iy Samson ni nge yodorom, ya be guy SOMOL rogon ni nge cham ngak piyu Filistia. Ya re ngiyal’ i n’em e ke par ni piyu Filistia e be gagiyegnag piyu Israel.

1 Samuel 2:25

Fa’anra ngongliy be’ e kireb ngak be’, mi Got e rayag rok ni nge fal’eg thilrow, machane mini’ e rayag rok ni nge fal’eg thilin Got nge be’ nike ngongliy e kireb nib togopluw ngak SOMOL?” Machane dar motoyilgow ko tin be yog e chitamangirow, ya ke turguy SOMOL ni nge thang e pogofan rorow.