Joshua 11:17 - Bible Ni Thothup

¹⁷ Fa gi nug e tabab ko Burey nu Halak me sor i yan nga Seir, nge yan i mada’ nga Baalgad u lan e loway nu Lebanon ko yimuch nga pe’ning ko Burey ni Hermon. I Joshua e kol urngin e pilung riy, me li’rad ngarm’ad.

Joshua 11:17 Σταυροειδείς Αναφορές

Genesis 32:3

Me l’oeg Jakob boch e girdi’ ngar mon’od rok ngranod ngak Esau ni be’ nib mo’on ni walagen, ni be par u bangi binaw ni kanog yu Seir ngay, ni bay ko nam nu Edom.

Psalms 89:12

gur e mu tay e lel’och nge yimuch; Burey ni Tabor nge Burey ni Hermon e yow be tang nigem u fithik’ e felfelan’.

Deuteronomy 1:7

mu puged e pi tent romed ngam marod. Marod ko binaw ko pi Amorite ni go’ burey, nge yungi nug nib chugur ngaram, ni aram e loway nu Jordan, nge binaw ni go’ burey nge binaw nib sobut’ nga but’, nge gi nug ni bay ko yimuch, nge yan i mada’ nga dep’eday ko Mediterranean. Marod ko nam nu Kanaan mi gimed yan nga ba’nem e burey ni Lebanon ngam mada’gad ko fare lul’ ni ba ga’ ni Eufrates fithingan.

Deuteronomy 2:1

ma yuguda pigichelgad ngad sulod nga daken fa gi desert, ni aram e wo’ ni yan ko Red Sea, ni bod ni yog SOMOL ni ngad rin’ed. Ma ba n’uw nap’an ni ud derawgad u daken e nam nu Edom ni go’ burey.

Deuteronomy 3:9

Fare burey ni Hermon e ma yog piyu Sidon fithingan ni Sirion, ma piyu Amor e yad ma yog fithingan ni Senir.)

Deuteronomy 33:2

I SOMOL e yib ko burey ni Sinai; I for ngalang u daken yu Edom ni bod e yal’, me gal ram’en ko burey ni Paran nga daken e tirok e girdi’. Yib ni ragag biyu’ e engel nike un ngak, ma bay ba nifiy ni be daramram rok,

Deuteronomy 7:24

Bayi pi’ e pi pilung rorad nga pa’med ma bay mu thanged e pogofan rorad nge dab kun leam nagrad. Dariy be’ nrayag rok ni nge talegmed, ya bay mu thanged owcherad ni yad gubin.

Joshua 1:4

Ma mathil romed e yan i mus ko fa gi ted ni desert ni bay u lan e yimuch me yan i mada’ ko fapi Burey nu Lebanon ni bay ngalan e lel’och; me tabab ko fare lul’ ni ba ga’ ni Eufrates fithingan ni bay ko ngek, nge ga’ngin yang e nam rok e pi Hittite nge yib i mus ko fare gi Day ni Mediterranean ni bay ko ngal.

Joshua 11:18

Ba n’uw nap’an ni mael Joshua ngak gubin e pi pilung nem.

Joshua 11:3

Miki pi’ e thin nge yan ngak piyu Kanaan ni yad bay u ruw raba’ fare Jordan, nge pi Amorite, nge pi Hittite, nge pi Perizzite, nge pi Jebusite u lan fare binaw ni go’ burey, ma ku errogon ni yan e thin ngak pi Hivite ni yad ma par u enggin fare Burey ni Hermon u lan e binaw nu Mizpah.

Joshua 13:5

nge binaw rok yu Gebal; nge ga’ngin yu Lebanon ni bay ko ngek, ni yan u Baalgad, ni bay ko yimuch ko fare Burey ni Hermon, me yan i mada’ ko kanawo’ u thilin e but’ u Hamath.