Jonah 3:4 - Bible Ni Thothup

⁴ Me yan Jonah ngalan e re binaw nem; me milekag nreb e rran nib polo’, me welthin ni ga’ar, “Ka aningeg i ragag e rran min kirebnag yu Nineveh!”

Jonah 3:4 Σταυροειδείς Αναφορές

2 Kings 20:1

Bang ko ngiyal’ney me og e m’ar ngak Hezekiah ni Pilung nge chugur ni nge yim’. Ma fare profet i Isaiah nib mo’on ni fak Amoz e yan i guy me ga’ar ngak, “Be yog SOMOL ngom ni ngam yarmiy urngin ban’en, ya dab kum gol. Mu fal’eg rogom ni nga mum’.”

2 Kings 20:6

Bay gu tem ngkum par ni gab fos ni ragag nge lal e duw. Bay gu ayuwegnem nge re binaw nu Jerusalem ney u pa’ fare pilung nu Assyria. Bay gu yoror ko re binaw ney, ni bochan bugwag nge bochan ko n’en ni gu micheg ngak e tapigpig rog i David.”

Isaiah 30:18

Machane SOMOL e be son nagmed ni ngam sulod ngak me ayuwegmed. Ba’adag ni nge runguymed, ya gubin ngiyal’ nma rin’ e tin nib mat’aw. Ba felfelan’ e pi’in nike pagan’rad ngak SOMOL.

Jeremiah 42:10

‘Fa’anra ba m’ag u wan’med ni ngkum pired u daken e re nam ney, ma bay gu ubungimed ngalang ma gathi nggu buthugmed nga but’; bay gu yungmed ma gathi nggu pugmed ngalang. Fare riya’ ni gu fek nga dakanmed e ke kireban’ug ngay.

Jonah 3:10

Me guy Got e tin kar rin’ed; me guy ni kar paged e kireb ni yad be ngongliy. Ma aram me thiliyeg laniyan’ nge daki pag fare riya’ nge yib ngorad ni bod rogon ni yog ni bayi rin’.

Matthew 12:41

Chirofen nra pufthinnag Got e girdi’ e ra sak’iy e girdi’ nu Nineveh ngrogned ni gimed ba kireb, ya fa’anra motoyilgad ko thin rok Got ni machibnag Jonah ngorad me pig lanin’rad me un pangirad ngay nge pig; ma nggog ngomed ni bay ban’en u roy ni ka ba ga’ ngak Jonah!

Luke 11:30

Ni bod rogon Jonah ni profet ni mang pow ngak e girdi’ nu Niniveh, ere errogon e en Fak e Girdi’ ni bayi mang reb e pow ngak e girdi’ ko bin daba’ e rran.

Luke 11:32

Chirofen nra pufthinnag Got e girdi’ e ra sak’iy e girdi’ nu Niniveh ngrogned ni gimed ba kireb, ni bochan e rrung’aged e thin rok Got ni machibnag Jonah ngorad, miyad pi’ keru’rad ko kireb ni yad be rin’; nggog ngomed ni bay ban’en u roy ni ka ba ga’ ngak Jonah!”

Deuteronomy 18:22

Ngiyal’ nra weliy ba profet ngomed bbugithin me yog ni SOMOL e yib rok ma de yib i m’ug nrogon nike weliy, ma aram e gathi SOMOL e yib rok. Ma re profet nem e i ir e thin rok e binem e thin, ma dab mu rusgad ngak.