John 9:34 - Bible Ni Thothup

³⁴ Miyad fulweg ngak ni lungurad, “I gur e ni gargel nigem ngan chuguluyem u fithik’ e denen ma ga be guy rogon ni ngam machib ngomed?” Ma aram miyad chuweg u lan tafen e mu’ulung.

John 9:34 Σταυροειδείς Αναφορές

Genesis 19:9

Me lungurad, “Mu chuw u kanawo’ romad, ya gab milekag ni mub ngaray! I gur mini’ ni ngamog ngomad e tin nggu rin’ed? Dakumur ning e kanawo’ ngomad, ya rigu rin’ed e ngongol ngom ni kab gel e kireb riy ko ngongol ni nggu ngongliyed ngorow.” Miyad tay e mathur ngak Lot, miyad yan ko mab ni ngar t’ared.

2 Kronicles 25:16

Dawori mu’ fare profet ko numon me ga’ar Amaziah, “Mog wu’in e kan tem ni gur e tafonow rok e en pilung? Mu tal ko welthin, fa ngugog ngan li’em nga mum’!” Me tal fare profet ko welthin nga tomuren nike ga’ar, “Aram e kugnang e chiney nike turguy Got ni nge thirifem u but’ ni bochan e ka mu rin’ urngin e pin’ey ma ka mu fek yathin e fanow rog.”

BABYOR NI JOB 14:4

Dariy ban’en nib be’ech nrayag ni yib rok ban’en ni bod feni alit e girdi’.

BABYOR NI JOB 25:4

Rayag ni par be’ nib mat’aw fa bmachalbog u p’eowchen Got?

Psalms 51:5

Gub kireb ko ngiyal’ nni gargel nigeg riy ke mada’ ko chiney; chirofen nni par nigeg riy e gu bay u fithik’ e denen ke mada’ ko chiney.

Exodus 2:14

Me ga’ar fa’anem, “I mini’ e ke tem ni ngu’um gagiyeg nagmad ma ga be pufthin nagmad? Mog, kam tafinaynag ni ngam li’eg nggum’ ni bod rogon fa’anem nu Egypt ni mu li’?” Me rus Moses, me ga’ar u wan’, “Kenang e girdi’ e tin kug rin’.”

Proverbs 22:10

Mu tuluf e en nib ufanthin, ma aram e ra tal e tugthin, toto’gor, nge yaba’.

Proverbs 26:12

Re balyang ni th’abi pinat e kabfel’ boch ngak e pi’in yad ma leamnag ni bay e gonop rorad ma dariy.

Proverbs 29:1

Fa’anra urngin ngiyal’ nra un fanow nagem ma ga be gelnag lanin’um, mra yan i reb e rran ma bay mu parde’ u but’ ni dabkum gol.

Isaiah 65:5

Ma aram miyad ga’ar ngak boch e girdi’, ‘Mu pired u orel romad; ya kayiggu thothupgad ni dabiyag ni ngam mathgad ngomad!’

Isaiah 66:5

Motoyil ko mang e be yog SOMOL, gimed e pi’in bay madgun romed ma gimed ma fol rok: “Bochan e gimed ba yul’yul’ ngog aramfan ni boch e girdi’ romed e ke dabuymed ni dakriy ban’en ni ba’adag romed. Yad be moning nagmed yad be ga’ar, ‘Mu paged SOMOL nge dag feni ga’ me aywegmed, ya ngug guyed ni kam felfelan’gad.’ Machane yad e bayi m’a’y farad!

Luke 11:45

Me ga’ar reb e tamchib ko Motochiyel ngak, “Tamchib, pi thin nir ni ga be yog e ka ga be kirebnag thimad riy!”

Luke 14:11

Ya en nra tolangnag ir e yira sobut’nag, ma en nra sobut’nag ir e yira tolangnag.”

Luke 18:17

Mu ted fanmediyan ko re bugithin ney! En ni dabi bodnag ir bochi tir nge pag ir nga pa’ Got nge mang Got e i gagiyegnag e dabiyag nra yan ko gin nsuwon Got.”

Luke 6:22

“Ngam felan’gad ko ngiyal’ nra fanenikaymed e girdi’ riy, ngar chuweged gimed u fithik’rad, miyad yog e thin nib kireb ngomed, miyad yog ni gimed ba kireb, ni bochan e en ni Fak e Girdi’!

John 6:37

Urngin e girdi’ nra pi’ e Chitamag ngog e bay rabad ngog. Ma en nra yib ngog e ri dab gu n’ag.

John 8:41

Ya gimed e gimed be rin’ e n’en ni i rin’ e chitamangimed.” Miyad fulweg ngak ni lungurad, “Gathi gamad pifak e muchugbil. Bay e Chitamangimad nri ta’reb, ni aram Got.”

John 9:2

Me fith pi gachalpen ngak ni lungurad, “Tamchib, cha’nem nni gargeleg ma bmalmit e mini’ e puluwon e denen rok e yodoromnag? Denen rok ara denen ko gallibthir rok?”

John 9:22

I yog e gallibthir rok e re bugithin ney ya kar tamdaggow ngak fapi cha’ nu Israel; ya ke mu’ i duwgiliy rok fa picha’ ni yad ma yog e thin nu Israel ni fa’anra yog be’ ni Jesus fare Messiah, ma aram e dabki yib ngalan tafen e mu’ulung bi’id.

John 9:35

Me rung’ag Jesus ni kar chuweged fa’anem u lan tafen e mu’ulung. Me pir’eg Jesus fa’anem me ga’ar ngak, “Ke mich u wun’um e en ni Fak e Girdi’?”

John 9:40

Ma boch e Farise ni bay rok u rom e rrung’aged e re bugithin ney nike yog, miyad fith ni lungurad, “Mog ga be finey ni kimus ngomad ma gamad bmalmit fa?”

Galatia 2:15

Riyul’ nni gargelegdad ma gadad piyu Israel, ma gathi gadad e “Pi tadenen ni pi’in gathi yad piyu Israel,” ni bod ni yima pining ngorad.

Efesus 2:3

Ma bin riyul’ riy e gadad gubin ni ud moyed ni gadad bod yad, ma ud pired ni gadad be ngongol nrogon e tin ni gadad be ar’arnag, ma gadad be rin’ e pin’en ni ir e bm’agan’ dowdad nge lanin’dad ngay; ma ku errogon ni ud pired nike muduwgil ni ngad gafgowgad ko damumuw rok Got ni bod urngin e girdi’.

1 Peter 5:5

Ma ku er rogomed e pi’in pagel nthingar mu folgad rok e pi’in pumo’on ni pi’ilal. Ma gimed gubin nthingar mon’ed madan e sobut’ laniyan’ nge bigimed me pigpig ngak bigimed; ya babyor nib thothup e be ga’ar, “I Got e ma togopluw ngak e pi’in nib tolangan’rad, mma ayuweg e pi’in nib sobut’an’rad.”

3 John 1:10

Bay gub mu gu weliy ngomed urngin ban’en nike rin’: ni pin’en nib kireb nike yog ni murung’agmad nge urngin e tin ni be yog nde riyul’! Machane gathi kemus ara’; ya bmuduwgil ni gathi bayi changar ngak e pi’in walagdow ni girdi’en Kristus ko ngiyal’ ni bay rabad, ma ku bayi taleg e pi’in yad ba’adag ni ngar ayuweged yad, ma bayi guy rogon ni nge chuwegrad u lan e galesiya!

3 John 1:9

Kug yoloy bangi babyor ngak girdi’en e galesiya nib ngoch e thin ni bay riy; machane Diotrefes, ni be’ ni ba’adag ni ir e nge yog e thin rorad e dabun ni nge fol ko thin ni kugog.

Revelation 13:17

ni dariy be’ nrayag ni nge chuw’iy ban’en fe pi’ ban’en nchuway’ ni fa’anra dariy e re pow ney rok, ni aram e fithingan fare gamanman ara re matha’eg nike yan nga luwan fithingan.