John 9:26 - Bible Ni Thothup

²⁶ Miyad fith ngak ni lungurad, “Mang e rin’ ngom? I kuni’eg owchem ma gguy ban’en?”

John 9:26 Σταυροειδείς Αναφορές

Proverbs 26:5

Ga ra pi’ e fulweg nib thini balyang u ba de’er ni ku ba thini balyang, ma cha’ ni fith fare de’er e ra nang ni gathi aram feni llowan’ ni bod rogon ni be leamnag.

Jeremiah 36:17

Miyad fith ngak ni lungurad, “Mog ngomad ko mang e rin’ ma ga yoloy urngin e pi thin nir nga babyor? I Jeremiah e weliy ngom ma ga yoloy nga babyor?”

Luke 6:7

Ma boch e tamchib ko Motochiyel nge pi Farise e ur fineyed ni gomanga yigi yib tapgin nge yag ni rogned ban’en nib kireb nike rin’ Jesus; ma aram miyad yip’ e damit ngak ngar guyed ko ra golnag be’ ko liliy ko chirofen nem ni Sabbath fa danga’.

John 9:10

Miyad fith ngak ni lungurad, “I di’in ma gguy ban’en?”

John 9:15

Me ere fith e pi Farise fare mo’on bayay ko n’en ni rin’ me yag ni guy ban’en. Me yog ngorad ni ga’ar, “I tay e but’ nike barbarnag nga owcheg nruw raba’, mu gu luknag owcheg, me ere chiney e ke yag ni gguy ban’en.”

John 9:25

Me fulweg fare mo’on ni ga’ar, “Da gu nang ko ir reb e tadenen ara danga’. Machane ta’are n’en ni gu manang e ba’aray: ug moy ni gub malmit, ma chiney e ke yag ni gguy ban’en.”

John 9:27

Me fulweg ni ga’ar, “Ke m’ay i yog rog ngomed, ma dabumed ni ngam motoyilgad ko n’en ni kugog. Ere mang ni gimed ba’adag ni ngkum rung’aged bayay? Sana ku er rogomed ni gimed ba’adag ni ngam manged boch pi gachalpen?”